Облыс әкімі Ғали Есқалиевтің төрағалығымен инвестицияларды тарту, инвестициялық ахуалды жақсарту және экспортты дамыту жөніндегі өңірлік кеңестің отырысы өтті. Онда барлығы 6 инвестициялық жоба мақұлданды.Кеңесті ашқан облыс әкімі Ғали Есқалиев соңғы екі жылда 44 инвестициялық жоба мақұлданғанын атап өтті. Соның ішінде 8 миллиард теңгеге 6 инвест жоба іске қосылды. Нәтижесінде 215 жұмыс орны ашылды. 550 миллиард теңгенің 22 жобасы бойынша құрылыс жұмысы жүргізілуде. Яғни, бірнеше жұмыс орны пайда болып, кәсіпкерлікке бет бұрғандар мен өзін-өзі жұмыспен қамтығандар қатары артып келеді.Кеңес отырысында «West Trans Logistics KZ» ЖШС-ның директоры Азамат Ғұбайдуллин логистикалық орталық жобасын таныстырды. Кешен аумағы 10 гектарды қамтымақ. Логистикалық орталықта қойма, сауда және іскерлік инфрақұрылымдар қолға алынады. Жоба мақсаты - жоғары деңгейлі стандарттар бойынша логистикалық кешен салу арқылы елдің көліктік әлеуетін арттыру, облыс арқылы өтетін жүк көліктеріне қызмет көрсету. Жүк айналымы жылына 8 мың тонна болмақ. Көлік-логистикалық кешен Орал қаласының Еуропадан келетін жүк ағынын көбейтуге мүмкіндік бермек. «Бакулин Моторс Групп» АҚ-ның бас директоры Алексей Бакулин Volgabus аутобустарын құрастыру жобасы жөнінде баяндады. Оған тартылатын инвестиция көлемі - 20 миллиард теңге. Жобаға сәйкес жылына газмоторлы 50 аутобус және 50 электробус құрастырып шығару көзделген. Одан әрі «Миком» ЖШС-ның директоры Федор Мостовщиков медициналық және өнеркәсіптік газдар өндірісін кеңейту жобасы бойынша, шамамен 2 мың тонна сұйық оттегі, 1 мың тонна сұйық азот, әр түрлі мақсатқа арналған 140 мың текше метр газ қоспасын (медициналық, дәнекерлеу және тағы басқа) өндіру жоспарланғанын жеткізді. Кеңес отырысында өзге де инвесторлар Бәйтерек ауданында балық шаруашылығын дамыту, Орал қаласында метан құю бекетін ашу және балаларды дамыту орталығын іске қосуға байланысты жоба жоспарларын таныстырды. Облыс әкімі Ғали Есқалиев аталған жобаларды мақұлдайтындарын айта келіп, инвесторларды қолдау бағытында қала әкімі мен басқарма басшыларына тапсырма берді.

"Жастар Отанға" жастар лагерьі 29-тамыздан 1-қыркүйек аралығында оздырылады. Лагерьдің биылғы тақырыбы -"Рухани жаңғыру", "Цифрлы Қазақстан" бағдарламаларын жүзеге асыруға, жастардың өз-өздерін дамытуына арналады. Биыл 19-шілдеде жастарға қызмет көрсету сапасын арттыру мақсатында арнайы орталық ашылды. Орталыққа келген жастардың сұрақтарын тез шешу бағытында құжат жинау рәсімін жеңілдету үшін бір терезе қағидаты, өзіне-өзі қызмет көрсету бұрышы ашылды. "Жастар Отанға" лагерьі Еуразия туристік базасында өтеді.

Жастардың белсенділігін арттыруға арналған шараға 120 жас қатысады деп күтіліп отыр. Соның ішінде Маңғыстау, Атырау, Ақтөбе облыстары мен Батыс Қазақстан облысының 12 аудан жастары, ЖОО-ның өзін-өзі басқару ұйымдары қатысады. Лагерьдің мақсаты - жастар арасындағы жаңа Қазақстандық патриотизмді қалыптастыру және Ұлт жоспары - «100 нақты қадамда» айтылған құндылықтарды насихаттау. Жобаның бірі -жұмысшы жастарға арналған шара.

«Жастар-Отанға!» жастар саяси лагері 2008 жылдан бастап «Жас Отан» Жастар қанатының I съездегі Қазақстан Республикасының Президенті, «Нұр Отан» партиясының төрағасы Н. Ә. Назарбаевтың тапсырмасымен жыл сайын өткізіледі. Лагерьдің негізгі тақырыбы Елбасымыздың «Болашаққа бағдар: рухани жаңғыру» атты мақаласы болады.

Бұл жөнінде шаһар басшысының орынбасары Алтынбек Қайсағалиев мәлімдеді. Қала күні мерекесіне орай, әлеуметтік серіктестік бағдарламасы аясында бірнеше жоба жүзеге асқалы отыр. Солардың ең ауқымдысы-тынымбақтар. Қала күніне жеке кәсіпкерлер өз тартуларын жасағалы отыр. Тайманов көшесінің бойында қаладағы ең ауқымды тынымбақ пайда болады. Тынымбақта балаларға арналған бірнеше аумаққа бөлінген алаңқайлар жабдықталмақ екен. Тұрғындар осындай жобалар көбірек жүзеге асса деген тілектерін білдіруде.

Ал екінші тынымбақ Темір Масин көшесінің бойында орналасқан. Жоба құны шамамен 35 млн. теңге тұрады Бұрынғы қараусыз қалған тынымбақтың 540 шаршы метр аумағы жаңғыртылмақ. Жалпы саны осындай 4 тынымбақ салынады. Тағы бірі-Сити центр сауда ойын-сауық орталығы маңында болса, төртіншісі-ет комбинаты ауданында, денсаулық сақтау басқармасының қолдауымен жүзеге асады. Жобалар шаһарымыздың туған күнінде тапсырылады деп күтіліп отыр.