Депутаттар үкіметке жер амнистиясын жариялауды ұсынды. Бас прокуратураның мәліметінше, екінші деңгейлі банктер мен каржы институттарының иелігінде кепілдік ретінде көлемі 2 млн гектар 3,9 мың ауыл шаруашылық мақсатындағы жерлер жатыр. Оны банктер және каржы ұйымдары өздері пайдаланбайды және сол жерлерді мемлекеттік меншікке қайтаруға асықпайды дейді депутат Бақытжан Базарбек. Ол пермьер-министрге жолдаған депутаттық сауалында заңсыз, жемқор әкімдердің кесірінен пайлары, яғни, шартты жер үлестерінен айырылған ауыл халқы табанын тоздырып, ақиқат іздеу жолында пайларын қайтару үшін соттасып жүргенін айтты. Ал олардың жерлері банктерде кепілдікте тұр.

Елде жер дауына қатысты проблема көп. Депутат Бақытжан Базарбек үкіметтен банктерге кепілге қойылған ауылшаруашылық жерлерді қайтаруды талап етті. Себебі ол жерлер заңсыз, жемқор әкімдердің кесірінен пайлары, яғни, шартты жер үлестерінен айырылған ауыл халқының жері. Ал олар табанын тоздырып, ақиқат іздеу жолында пайларын қайтару үшін соттасып жүр.
Бұл орайда мәжілісмен банктерді емес, халықты аштық пен жұмыссыздықтан қорғау керек дейді.

Бас прокуратураның мәліметінше, екінші деңгейлі банктер мен каржы институттарының иелігінде кепілдік ретінде көлемі 2 млн гектар 3,9 мың ауыл шаруашылық мақсатындағы жерлер жатыр. Оны банктер және каржы ұйымдары өздері пайдаланбайды және сол жерлерді мемлекеттік меншікке қайтаруға асықпайды. Осы банктерде кепілге қойылған, 2 млн гектар жердің ішінде үлестік ауыл шаруашылық мақсатындағы жерлер бар екендігін халық білмейді дейді мәжілісмен. Сондықтан үкімет жер амнистиясын жариялауы керек деген ұсынысын алға тартты ол.

Сондай-ақ, үкімет коммерциялық банктердің иелігіндегі 2 млн гектар көлеміндегі жерлерді мәжбүрлі түрде мемлекеттік меншікке қайтаруы тиіс. Ал азаматтардың шартты жер үлесінен тұратын жер пайдалану құқығын екінші денгейлі банктерде және қаржы ұйымдарында кепілге қоюға мораторий енгізу қажет деген талаптарын премьер-министр Әлихан Смайыловқа жолдады.