Орал қаласына қарасты Желаев кентінде "Ақберен" комьюнети орталығы ашылды. Мәдени ошақ балалар мен ересектерге арналған. Осы нысанда ауыл тұрғындары бос уақыттарын тиімді өткізбек. Қазірдің өзінде жаңадан ашылған мәдени орталықта 4 үйірме өз жұмысын бастады.

Желаев кентінде "Ақберен" комьюнити орталығы ашылды. Салтанатты шараға ауыл тұрғындары мен мәдениет қызметкерлері қатысты.

Салтанатты шарада сөз алған қала әкімінің орынбасары ауыл тұрғындарын мәдениет ошағының ашылуымен құттықтады.

Комьюнити орталығында ересектер мен балалар бос уақытын тиімді өткізе алады. Қазірдің өзінде 4 үйірме іске кіріскен.

Бүгінгі таңда Желаев кентінде 2500 адам бар. Қалаға қарасты ауылда бірде-бір мәдениет ошақ жоқ. Ауыл тұрғындары комьюнити орталығының ашылуын көп күткен еді.

Күні бүгінге дейін облыс орталығында балалар мен ересектерге арналған 7 комьюнити орталығы ашылып, қызметіне кірісті.

Қаланың іргесінде орналасқан "Желаев" кентінде "Ашық әкімдік" өтті. Бұл бірінші кезекте, ауыл тұрғындарының уақытын үнемдеуді көздейді. Яғни, азаматтар толғандырған сауалдарын табалдырық тоздырып, түрлі құжаттарды толтырып, кезек күтпестен бірден қала әкіміне және бөлім басшыларына жолдай алатын мүмкіндікке ие болды. Ауыл тұрғындары №14 маршруттың уақытын сынға алды. Азаматтар таңертең жұмысқа, кешке жұмыстан үйге қайту үлкен мәселе екендігін айтып берді.

Биылғы жылы Желаев кентінде "Ашық әкімдік" шарасы бірінші рет ұйымдастырып отыр.

Сондай-ақ, ауыл тұрғындары қала әкімінен жер телімдерін беру туралы ойларын ортаға салды. Мәселен, Қуанышқали Қойшыбаев атты қария он соток жерде үй салып, күнелтіп отыр. Келешекте ақсақал ауыл шаруашылығын қолға алғысы келеді. Бірақ, жер телімдері тапшы.

Ақсақалдың сауалын сала мамандары зерттеп жатыр. Жер телімдері ауыл шаруашылығына келетін болса,аталмыш жер телімдері конкурсқа шығарылмақ.