Орал қаласында учаскелік полицейлер 6 қылмыстың жолын кескен.Оқиға бар болғаны бір айдың ар жақ , бер жағында тіркеліп отыр.Осы қысқа мерзімде "Учаске" жедел профилактикалық іс шарасының аясында учаскелік полицейлер қылмысқа тосқауыл болып үлгерген. Рейд барысында Зашаған полиция бекетіне қарасты құқық қорғаушылар Көктем, Жақсыауыл, Арман, Ипадром, Сарытау, Ғарышкер сынды бірнеше ықшам аудандарын аралап, өздеріне бекітілген әкімшілік аумақ көлеміндегі пәтерлер мен үйлерді тексеріп, тұрғындар туралы ақпарат алды. Жедел алдын-алу шарасы кезінде учаскелік полицейлер бірнеше жанұяның амандығына араша түсе отырып, 6 қылмыстың жолына тосқауыл болған. Оңай жолды құп көретіндердің дені - ащы суға еліккендер мен тұрақты жұмысы жоқтар болса керек. Олар үйді тонау, ұрлық-қарлық әрекетіне жиі барады мыс. Учаскелік полиция - қоғамдық тәртіп сақтауда әрдайым алғы шепте тұратын тыныштық күзетшісі. Олардың жұмысы қашан да өзекті. Осы ретте, халық арасындағы сенімін арттыру, тығыз қарым-қатынасты орнатуда мұндай шаралардың маңызы - орасан зор. Учаскелік полицейлердің толық құрамы жұмылдырылған шара Зашаған кентінен өзге Кругоозерный мен Серебряков кентінде жалғасуда.

Тәртіп сақшыларының бақылауды күшейтуіне жол бойындағы қайғылы жайттардың артуы себеп болып отыр. Қаншама ескерту жарияланғанымен жүргізушілер қауіпсіздікті есте ұстамай отыр. Салдарынан қаншама жанның өмірі қиылды. Бұл ойлантарлық жағдай. Сол себепті сала мамандары сөзден іске көшіп, тәртіп бұзған, адам өміріне қауіп төндіргендерді анықтаса, қатаң жазаға тартуды қолға алмақ.

Облыс жолдарында жол-көлік оқиғалары 15 пайызға қысқарыпты. Ал жарақат алғандар саны 12 пайызға азайған. Дегенмен тақтайдай тегіс жолда жылдамдықты шамадан тыс асырып, құстай ұшқан жүргізушілер адам өміріне жауапты екендерін ұмыт қалдырады дейді тәртіп сақшылары.

Сондай-ақ жол көлік оқиғалары ресейлік нөмірлі көліктердің қатысымен де жиі тіркелетіні анықталып отыр. Алдағы уақытта қала мен облыс жолдарында тәртіп күшейтіліп, көліктер тексеріліп, бірнеше қауіпсіздік рейді өтетін болады.