Заңсыз балаларды жұмысқа қабылдаған кәсіпкерлер заң алдында жауапқа тартылмақ. Айыппұлдың көлемі 50-ден 200 айлық есептік көрсеткішті құрап отыр. Еңбек инспекциясының мамандары жазғы уақытта кәмелетке толмаған балалардың қандай жұмысқа тартуға болатындығын баяндап берді.

Жазғы демалыс уақытында көптеген жасөспірім мектептегі сабағын ойдағыдай аяқтап, ата-анасына көмектесу үшін жұмысқа тұрып, напақасын тауып жатады. Әсіресе, кәмелетке толмағандарды сауда-саттық саласында көптеп кездестіруге болады. Еліміздегі еңбек заңнамасына сәйкес, 14 жастан бастап еңбекке араласа алады. Алайда, 14 пен 16 жастағы жасөспірімдердің жұмыс уақыты аптасына 24 сағаттан аспауы тиіс. Ал, 16 жастан бастап 18-ге толмаған балалар аптасына 36 сағат еңбектенеді.

Сондай-ақ, еңбек заңнамасында балалардың еңбегі олардың денсаулығына зиян тигізбеуі де айтылған еді. Яғни, кәмелетке толмаған жандардың алкоголь мен темекі өнімдерін саудалайтын жерлер мен құрылыс саласында жұмыстануына болмайды.

Кәмелетке толмаған балалардың заңды өкілдерімен еңбек шартын жасаспаған, олардың өмірі мен денсаулығына қауіпті қызметке жұмылдырған жұмыс беруші заң алдында жауапқа тартылмақ.

Әрине, әрбір қазақстандық қалтасына қарай түрлі саяхат түрін таңдайтыны белгілі. барлық жағдайыңды жасаймын, аяғыңды жерге тигізбей күтіп алып жатқан елдердің экономикасы біздің азаматтардың есебінен дамып жатыр. Ал, Отандық туризм кең қанат жаймай, олқылықтарды түзетпесе, қызмет көрсету сапасы мен инфрақұрылымын жасақтамалса, мен мұндалап тұрған елдер пайдаға кенеле бермек.

"Дарын" қосымша білім орталығы жазғы демалыс маусымында балаларды 4 ауысымда қабылдауға дайындалып отыр. Қазір алғашқы маусым жұмысы басталған. Балалардың лагерьде қазақ, орыс, ағылшын тілдерінде білімдерін жетілдіру қарастырылыпты. Биыл БҚО-да 600 балалар лагері жұмыс жасайтын болады.

Биыл "Дарын" қосымша білім орталығы 4 ауысымда 388 баланы қабылдауды жоспарлап отыр. Демалыс 28-мамырдан 15 шілде аралығында ұйымдастырылады. 4 ауысымның бағдарламасы бір-біріне ұқсамайды. Алғашқы кезеңде мүмкіндігі шектеулі балалар мен арнаулы мектеп оқушыларына көңіл бөлініп отыр.

"Үш тұғырлы тіл" бағдарламасы бойынша лагерьде гуманитарлық бағыттағы демалыс жоспарланған. Демалыстың қызықты өтуі үшін танымдық, сергіту және өзге де бағдарламалар енгізілген. Лагерьде спортпен айналысатын орын, кітапхана қоры, жатын орындар жас ерекшелікке сай жабдықталған.

Қосымша білім орталығында биыл 350 балаға тегін демалыс қарастырылып отыр. Олардың әрқайсысының демалысын ұйымдастыруға бюджеттен күніне 3000 мың теңгеден бөлінген. Оның ішінде олимпиада жеңімпаздары мен жүлдегерлері, аз қамтылған отбасы балалары бар.