БҚО - да "Жаяу жүргінші" жедел профилактикалық іс - шарасы басталды.Бұл шара енді жиі өтіп тұратын болады.Мұндағы мақсат қала ішінде жаяу жүргіншілердің қатысымен болатын апаттардың алдын алу.Жол көлік оқиғаларына кейде жаяу жүргіншілер себеп болып жатады.Себебі біздің қаламызда жолды белгіленбеген жерден кесіп өткенді ұнататын адамдар баршылық.Ал, осындай жағдайлар көбіне апатқа әкеліп соғады.
"Жаяу жүргінші" шарасының мақсаты көшеде жаяу жүргіншілердің арасындағы қауіпсіздікті күшейту.Адамдар көбіне өз өмірлерін қауіпке тігіп, жолды белгіленбеген жерден кесіп өтіп жатады.Мұндай жағдайлардың салдарынан жол апаты болып, адамдар жарақат алады.Кейде адам өлімімен аяқталатын сәттер де болып тұрады.Енді полиция қызметкерлері көшедегі жаяу жүргіншілерді, жолдың жиегінде көлік қозғалысына кедергі келтіретін тұрғындарды тәртіпке шақыратын болады.
Жолды белгіленбеген жерден кесіп өту әкімшілік құқық бұзушылыққа жатады.Адамдар құқық бұзушылықтан бұрын өз өмірлерін қауіпке тігеді дейді инспекторлар.Қазір Орал қаласындағы көлік қозғалысы мен адам жүрісі көп орындарда полиция қызметкерлері жұмыс жасап жатыр.Бұлардың мақсаты жол -көлік апаттарынан адамдарды сақтап қалу, кісі өліміне жол бермеу.
Кеше ғана басталған шараның бірінші күнінде инспекторлар 350 әкімшілік хаттама толтырған. Соның ішінде 103 хаттама жаяу жүргіншілерге қатысты толтырылып, оларға 2 айлық есептік көрсеткіш есебінде айыппұл салынған.

Оралда автокөлік 2 жаяу жүргіншіні қағып кетті. Оқиға Достық даңғылы мен Ғұмар Қараш көшесінің бойындағы жаяу жүргіншілерге арналған жолақта орын алды. Тап осы қиылыста бір мезетте бірнеше жол көлік оқиғасы тіркеліп, үлкен кептеліс пайда болды. Зардап шеккендердің бірі-кішкентай қыз бала. Қасындағы əйел адамның көбірек зақым алғаны байқалады. Жедел жəрдем көлігі оларға медициналық көмек көрсетіп, артынша ауруханаға алып кетті.

Ғұмар Қараш пен Достық даңғылының қиылысында бірнеше жол көлік оқиғасының тіркелуі үлкен кептеліске себеп болды. Бірінші оқиға осы тұста «Нива-Шевроле» мен «Лада-Калина» автокөлігінің түйісуімен орын алды.

Көліктер нөпірі артып, қозғалыс қиындаған шақта осы жылдың бойында екінші жол көлік апаты тіркелді. 9 жасар кішкентай қыз бен әйел адамды Волга көлігі қағып кеткен.

Қиылыста ұзақ тұруға шыдамаған қоғамдық көліктер қарсы бағытқа шығып жүріп, апатты жағдай туғызды.

Оқиға орнына жеткен жедел жәрдем көлігі жарақат алғандарға медициналық көмек көсертіп, артынша ауруханаға жеткізді.

Жолдағы келеңсіздікті жергілікті полиция қызметі дереу ретке келтіріп, соғылған көліктермен жабылған жолдағы қозғалыс көп ұзамай қайта жанданды.

Орал қаласында жаяу жүргіншіні көлік қағып кетті. Оқиға Мұхит көшесі мен Ықсанов көшесінің қиылысындағы бағдаршам тұсында тіркелді. Түрлі дене жарақаттарын алған зардап шегушіні жедел жәрдем көлігі ауруханаға жеткізді. Куәгерлердің айтуынша, авто көлік тежегішті басып үлгірмеген.

Бұл қаладағы ең қауіпті қиылыстардың бірі. Осы жерде жол-көлік оқиғалары жиі тіркеледі дейді куәгерлер. Зардап шегуші 29 жастағы азаматша. Жедел жәрдем көлігі оған алғашқы медициналық көмек көрсетіп, ауруханаға жеткізді. Бағдаршамның жасыл түсіне жүріп келе жатқан адамды "ВАЗ-2104" маркілі көлік қағып өтіпті. .
Жүргізуші жағдай бұларын білмедім деп сұхбат беруден бас тартты. Айтуынша, жаяу жүргінші жолдың ортасына келіп, артқа қарай кері жүрген. Мұны күтпеген жүргізуші тежегішті басып үлгірмепті.

Зардап шегушінің бас сүйегінің жабық жарақаты мен омыртқасының бел тұсы зақым алғн. Бұл жөнінде денсаулық сақтау басқармасы хабарлады.

Қазір осы жобаны жүзеге асыруға қажетті қаражат іздестіріліп жатыр. Айта кетейік, өткен жылы да аталмыш жобаға байқау жарияланған болатын. Алайда мердігерлер төленетін қаражатқа көңілі толмағандықтан жұмыс басталмаған. Бұл жөнінде жолаушы көлігі және автокөлік жолдары бөлімі хабарлады.

Қаңтар айында жаяу жүргіншілердің қатысымен 11 жол көлік оқиғасы тіркелген. Салдарынан 2 адам мерт болып, 9 адам дене жарақаттарын алған. Жаяу жүргінші алдын алу шарасы кезінде жол бойындағы қауіпсіздік күшейтіліп отыр. 2 күннің ішінде қалада 100-ге тарта хаттама толтырылған. Жолды белгіленбеген жерден кесіп өткен жаяу жүргіншілерге 90 хаттама толтырылыпты.

Жаяу жүргіншілер үшін ең қауіпсіз жол- аспалы өткелдер болмақ. Бірақ қалада бұл жоба әлі күнге жүзеге аспай отыр. Аспалы өткелдер пайда болған соң автокөліктерге жаяу адамды өткізу үшін аялдаудың қажеті болмайды. Жоспар бойынша қалада 2 өткел жол пайда болуы тиіс. Оның бірінің бағасы-1,5 млн теңгеге бағаланып, мердігерлер жобаны атқарудан бас тартқан. Себебі олардың есептеуінше өткелдің құны әлдеқайда қымбатқа түсуі тиіс екенін мәлімдепті.

Жол көлік оқиғалары мәселесі жауыр болған тақырып болғанымен, апат саны жыл санап көбейіп келеді. Биылғы жылдың қаңтарының өзінде 11 жол оқиғасы тіркеліп, 2 адам мерт болса, 9 адам жарақат алғаны белгілі. Аяқ астынан болған апаттың алдын алу үшін қала аумағында «Абайлаңыз, жаяу жүргінші» жедел алдын-алу шарасы өтуде. Рейдке шыққан тәртіп сақшылары жол бойын тексеріп, ереже бұзған тұрғындарды тұзақтауда

Жанболат Өтеулин
Қала тұрғыны
Жұмысқа асығып, тыйым салынған жерден өтіп кетіп едім, айыппұл салды. кінәлімін.

Екі күнге жалғасатын акцияның негізгі мақсаты да осы - жаяу жүргіншілердің қатысуымен орын алатын жол-көлік оқиғаларының алдын алып, болдырмау.Бүгін рейдке шыққан тәртіп сақшылары ірі сауда орындарының аумағын тексерді.Сондай-ақ, қалада орнатылған "өтуге болмайды деген" жол белгілері маңын назарға алды. Егер жаяу жүргінші тыйым белгісіне мән бермесе,5 айлық есептік көрсеткіш негізінде әкімшілік айыппұл салынады.

Динара Абдулхалықова
Орал қалалық ііб жпқ аға инспекторы
қала тұрғындарына ескертеріміз, жолды тыйым салынған жерлерден кесіп өтпеңіздер! Әсіресе қысқы мерзімде жүргізушілердің оқыс тоқтауы қиындайды. Сондықтан да сақтық шараларына мән берген жөн

Алайда ескерту берілген тұрғындардың да айтар назы табылды. Өзін Мұрат деп таныстырған қала тұрғынының Құрманғазы-Евразия бойындағы жаяу жүргіншілерге арналған жерасты жолының жағдайына көңілі толмайды. Өзіміз де байқағандай, қолаңса иіспен қатар ол жердегі қоқыстан да көз ашылмайды. «Қыс бойы қары да ашылмайды» деп налиды оралдық тұрғын.
Қалалық тұрғын үй коммуналдық шаруашылық бөлімінің мамандары болса, Құрманғазы көшесі бойындағы жер асты жолы жергілікті кәсіпкерлердің біріне сенімгерлік басқаруға берілгендігін алға тартты. Алайда, кәсіп иесі өзіне жүктелген міндетті орындамай отырғанға ұқсайды. Айта кетелік, қаламызда жаяу жүргіншілерге арналған осындай 8 жерасты жолы болса, оның алтауы кәсіпкерлердің басқаруына берілген, ал қалған екеуі ТҮКШ бөлімінің теңгерімінде.

Қыркүйектің 25-і күні таңғы сағат тоғыздар шамасында Карбышев көшесінде жүріп келе жатқан бмв маркілі көліктің жүргізушісі 1957 жылғы азаматты қағып кеткен. Жаяу жүргіншілер жолында орын алған жол-көлік оқиғасы салдарынан жәбірленушінің бас сүйегі ауыр жарақаттанып, бүгінде жансақтау бөлімінде жатыр. Евразия даңғылы мен Кердері көшесінің қиылысында да сол күні осыған ұқсас жол-көлік апаты болып, оның нәтижесінде жәбірленуші азаматшаның аяғы жарақаттанған көрінеді.