Батыс Қазақстандықтар жастар жылын қорытындылады. Мұз айдынында ұйымдастырылған шарада Қазақстан халқының ассамблеясының 25 жылдығы да аталып өтті. Салтанатты шарада президент Тоқаев бекіткен "Волонтерлар" жылы да өз бастауын алды.

Осыдан ширек ғасыр Қазақстан халқы Ассамблеясы өз жұмысын бастады. Ассамблеяның негізгі миссиясы: түрлі ұлт пен ұлыстың тату-тәтті өмір сүруін қамтамасыз ету. Қазір БҚО-да 86 этностың өкілі бар.

Биыл Елбасының тапсырмасымен "Жастар жылы" деп бекітілді. 2019 жыл мемлекеттік жастар саясатын орындау үшін 500 млн теңгедей қаражат бөлінген. 7000 батыс қазақстандық жас жұмыспен қамтылыпты. "Жас кәсіпкер" бағдарламасы 1000-ға жуық батыс қазақстандық кәсіпкерліктің қыр-сырын меңгеріп, 251 млн теңгені құрайтын 500 грант алған. Ал, "Дипломмен ауылға" бағдарламасы аясында 645 жас маман көтерме жәрдемақыға ие болған. 461 азамат баспана алуға несие рәсімдеген. Жастар жылының жалғасы ретінде келесі "Волонтерлар жылы" деп бекітілген болатын.

Шетелде волонтер болып қызмет жасап, қоғамға пайдасын тигізіп жүрген жандардың қатары қалың. Бұл үрдіс енді-енді біздің елімізге келіп жатыр. Қазір БҚО-да 57 волонтерлық ұйым бар. Олардың құрамында 10 мың ерікті бар.

Биыл батысқазақстандық кәсіпкерлер үшін несиенің пайыздық мөлшерлемесін субсидиялауға 47 миллион теңге бағытталған. Аталған қаржы «Бизнестің жол картасы» мемлекеттік бағдарламасы аясында бөлінген. Бұл жолы ауыл шараушылығы салаласындағы жобаларға маңыз берілген. Ұсынылған 186 жоба талқыланса, соның 20-сы мақұлданған. Бүгінде кәсіпкерлер есепшоттарына қаражат аударылып, олар шаруашлыққа қажетті құрал-жабыдықтарды алуда. Сондай -ақ, «Жастар жылы» аясында қоғамның осы тобына айқын басымдылық берілуде. Мәселен, өз ісін бастауға бекінген жастарға 45 миллион теңге қайтарымсыз грант қаралған. Байқау қыркүйек айында өтеді дейді сала мамандары. Нәтижесінде 16 жаңа жұмыс орны ашылады деп күтілуде.

Биыл облыс орталығында жастарға арналған саябақ салынбақ. Бұл туралы өңір басшысы Алтай Көлгінов мәлімдеді. Облыс әкімі жастармен кездескен тұста ел ертеңі жастар үшін ұйымдастырылатын шараларды жіпке тізіп, маңызды салаларға тоқталды. Елбасы 2019 жылды жастар жылы деп жарияланғаны белгілі.

Сала мамандарының келтірген дерегіне сүйенсек, Қазақстан халқының 4 млнға жуығын жастар құрайды. Өңірмізде олардың саны 135 мыңнан асып жығылады. Қазақстандықтардың ертеңі, азат елдің ұландарын оқыту мен олардың өмірден өз орынын табуға көмектесу -мемлекеттің басты міндеті. Тәуелсіздіктің 27 жылында еліміздің аумағында талантты жастарды дамыту мен олардың потециалын артырып, бәсекеге қабілетті болуы үшін бірқатар жобалар қолға алынып, бүгінде олардың нәтижесін көріп отырмыз. Мәселен, "Болашақ" бағдарламасы арқылы мыңдаған жас білім алып, қазіргі таңда түрлі салада еңбектенуде.

Биылғы жылы Елбасының бастамасымен жастар жылы жарияланды. Бүгінде жастар үшін ең өзекті мәселенің бірі сапалы әрі қолжетімді білім алу. Елбасы осы проблеманы ортаға сала отырып, әрбір облыста орналасқан бір жоғарғы оқу орны мен 10 колледжді "Назарбаев" университетінің тәжірбиесінде білім беруді тапсырғанды.

Сондай-ақ, студент жастар үшін маңызды мәселенің бірі- жатақхана. Сол себепті еліміздің түпкір-түпкірінде жатақхана салу ісі қолға алынуда. 2022 жылға қарай 75 мың студентті жатақханамен қамту көзделіп отыр. Жастардың баспанамен қамтылуы күн тәртібінен түспейтін сауал. Елбасының тапсырмасына орай, Астана, Алматы мен Шымкент қалаларында жастарға арналған 1000 пәтер табысталмақ. Пәтерлердің баршасы жұмысшы жастарға арналған. Яғни, азаматтар пәтерді жалдап, кейін оны сатып алатын мүмкіндікке ие. Ақжайық жастары бас қосқан жиында шалғай орналасқан Жәнібек пен Жаңақала аударында спорт комплекстің салынатындығы мен ауыл-аймақта 100 спорттық нысанның бой түзейтіндігі белгілі болды.

Жастар жылы жаңақалалық жастар үшін үлкен жаңа жобалармен, бұрын соңды болмаған бастамалармен басталып жатыр. Мәселен, күні кеше аудан орталығында жастарға арналған «Самғау» атты арнайы коворкинг орталығы ашылған. Бүгін аталған ауданға жұмыс сапарымен келген облыс әкімінің бірінші жаңа орынбасары Ғали Есқалиев «Рухани орталық» жанынан ашылған жастардың «Самғау» коворкинг орталығымен танысып, аудан жастарының биылғы жыл бойына жоспарлап отырған жұмыс қадамдарына қанықты. Сонымен, жаңақалалық жас буын биылғы жастар жылында қандай жұмыстарды қолға алмақ? 

Аудан орталығында осыдан үш жыл бұрын ашылған «Рухани орталықтағы» рухани-мәдени ұйымдардың қатары жақында тағы бір орталықпен толықты. Ол «Самғау» жастар коворкинг орталығы. Атаулы нысан аудандағы жастардың ұйымдастырсам деген қай-қай шарасының да басы қасынан табылып, үнемі қолдау білдіріп отырады. Жастардың бос уақытын тиімді ұйымдастыруға арналған ұйым заманауи құрылғылармен жабдықталып, барлық қажетті жабдықтармен қамтылған.

Бұндай коворкинг орталық аудандық кітапхана жанынан да жабдықталған. 224 мыңнан астам кітап қоры бар кітапхана қазір заман сұранысына сай әртүрлі бағытта жұмыстанып, жергілікті зиялы қауым өкілдерімен жиі кездесулер ұйымдастырып тұрады. Бүгінде «Рухани жаңғыру» бағдарламасы шеңберінде тарихы терең Жаңақала өңірінің құнды деректері жинастырылып жатыр.

Бүгінде Жаңақала ауданында алты мыңға тарта жас буын бар. Жастар қауымына жергілікті биліктен бұған дейін де көп көңіл аударылды. Мысалы, өткен жылы 78 жас жастар практикасына, 50 жас «жасыл ел» бағдарламасына жолданса, 250-ге тарта жастарға арналған түрлі іс-шара ұйымдастырылған. 30 маманға 5 миллион теңге көлемінде көтерме қаржы берілсе, 25 маманға баспана алуға 79 миллион несие рәсімделген. Ал осы жастар жылына жоспарланып тұрған жұмыстар ауданда бастан асады.

Алда аудан орталығында «Ақ отау» жастар демалыс алеясын жасақтау, «Жаңақала жастары» мега-жобасын бастау, «Жасыл ел» еңбек жасағына қатысатын жастардың санын арттыру сынды жұмыстар басталмақ.

Президент Н.Назарбаев биылғы Жолдауында келесі 2019 жылды «Жастар жылы» деп жариялайтынын айтқан еді. Осы уақытқа дейін мемлекеттің саясаты мен әлеуметтік қолдауынан тыс қалған жастарға бұл жыл не береді? Жастардың өзі «Жастар жылы» қалай болғанын қалайды? Осы сауалдармен қоғам өкілдері – жастардың өз пікірін білген едік.Жастардың бос уақытын тиімді пайдалану мен оларға қолдау көрсету, түрлі салалар бойынша бағыт-бағдар бере отырып, шыңдалуына жол ашу мақсатында @zhasproject жобасы жүзеге асады. Сонымен қатар жас мамандармен қамту және жұмыссыздықпен күрес мәселесі де басты назарда. Осы орайда  жұмыссыз жастардың нақты санын анықтап, кәсіптік білім беру және жұмысқа орналастыру мәселесін бірінші кезекте қолға алынбақ. Мәселен өткен жылы орталыққа жолыққан 519 жастың 350 і тұрақты жұмысқа орналыстырылса биылдың өзінде 8 жас екі қолға бір күрек тапқан. Биыл  кәсіпкерлік саласына жол ашылады. Сонымен қатар биыл жастарды ақпараттандыу жұмыстарына да баса мән беріледі. Өйткені ақпарат майданында дұрыс да бұрыс  мәліметтер қаптап жүр. Олардың аражігін ажырату бүгінгі күннің басты талабы. Сонымен қатар қоғамда орын алып жатқан құқықбұзушылықтың алдын алу, тәртібі қиын тұлғалармен тиімді жұмыс жүргізу мәселесі де алдыңығ кезекте дейді жас буын өкілдері

Елбасы өткен жылы қазақстандықтарға арнаған жолдауында 2019 жылды жастар жылы деп бекітуге ұсыныс білдірген еді. Аталмыш ұсыныс үкімет пен бұқара халықтың қолдауына ие болып, президент арнайы жарлыққа қол қойды. Бұл жаңашылдық жастардың мұң-мұқтажын шешіп, жоқ-жітігін түгендеуге тапсырмас мүмкіндік болары сөзсіз.

Қай ел болмасын өскелең ұрпағы үшін алаңдап, оларды оқыту мен дұрыс тәрбиелеу үшін барын салады. Қазақ елі де тәуелсіздіктің тұтқасын ұстайтын жастарын оқытып, олардың бәсекеге қабілетті болуы үшін қолдан келгенді аянып қалған емес. Елбасы тәуелсіздіктің алғашқы жылдарынан бастап дарынды жастардың білім алу мен халықаралық тәжірбие жинақтауы үшін "Болашақ" бағдарламасын жасақтап, бүгінде мыңдаған жас шетелде білім алып, елімізде қызмет жасап жатыр. Бұл мемлекет тарапынан атқарылып келе жатқан жұмыстың бір көрінісі. Ал, былтырғы жылы Елбасы қазақстандықтарға арналған жолдауында 2019 жылды жастар жылы деп жариялауға ұсыныс білдіріп, тиісті жарлыққа қол қойғандығын білеміз. Биылғы жылы жастардың жетіліп, олардың жоқ-жітігін түгендеуге арналып отыр. Бүгінгі таңда облыс халқының 22 пайызға жуығын жастар құрайды. Биылғы жылы Ақ жайық жастарының жағдайын жақсарту үшін қандай жұмыс атқарылмақ?

Биылғы жылы жастар үшін қажетті инфраструктура мен ғимараттарды түгендеуден өзге ұшқұр ойлы әлеуметтік жобаларды жасақтауға ниетті жастарға қолдау көрсетілмек. Яғни, әрбір ақсап тұрған әлеуметтік салада жаңа қарқымен еңбектенгісі келетін жасқа арнайы қайтарымсыз негізде грант бөлінеді. Грант бір млн теңгені құрайды. Белсенді жастарды қаржымен қолдауға үкімет пен дүниежүзілік банк өкілдері қолдауға ниетті.

Ауыл жастарын қолдау мәселесі күн тәртібінен түспейтін сауал. Ауыл жастарының тасада қалмай, олардың дамып- жетілу үшін арнайы орталықтар ауадай қажет. Қазіргі таңда облыс көлемінде жастарға қызмет жасайтын сегіз коворкинг ашылып, жұмыстануда. Олардың басым көпшілігі ауылдық жерде орналасқан. Сондай-ақ, биылғы жылы түрлі тағдырдың тауқыметін тартып, түзету мекемелерінде жазасын өтеген жастармен де жұмыстану көзделіп отыр.