2021 жылы Орал қаласында 400-ден астам азамат жастар практикасына жолдама алған. Бүгінде тәжірбиеден өткен жастардың 80-ге жуығы тұрақты жұмысқа орналасыпты.

Қолына диплом алған жас маманның жұмысқа орналасып кетуі қиын. Жұмыс берушілер еңбек өкілі мен тәжірбиесі бар маманды таңдайтыны да жасырын емес. Сол себепті жас кадрлардың тәжірбие жинақтауы үшін елімізде "Жастар практикасы" бағдарламасы іске қосылды. Осы бағдарлама арқылы облыс орталығында 2021 жылы 400-ден астам жас жұмысқа жолдама алған.

Жастар практикасы бағдарламасына жоғарғы және арнаулы оқу орнын тәмамдаған, мамандығы бойынша тәжірбиесі жоқ, 29 жасқа толмаған азамат қатыса алады. Осы бағдарламаның арқасында тәжірбие жинақтап жатқан жанның бірі-Назерке Нәсіпқали. Оның мамандығы-дизайнер. Бүгінде жас маман қаламыздағы сән үйінде жұмыс жасайды.

Мемлекет басшысы соңғы қаңтар айындағы парламент мәжілісінің отырысында да "Жастар практикасына" басты назар аударып, тоқталған-ды. 2022 жылдан бастап бағдарламаға өзгерістер енгізіледі деп жоспарлануда. Енді тәжірибелік жұмыс мерзімін 12 айға дейін ұзартып, еңбек ақы 90 мыңнан асып жығылады деп күтілуде.

Сурет http://jastar.online/ сайтынан жүктелді

Орал қаласында жұмыс іздеп жүргендер назарына! Жұмыспен қамту орталығы жастар практикасы және жұмыспен қамтудың жол картасы мемлекеттік бағдарламасы аясында еңбек күшін жинау шараларын қолға алды. Мәселен, жастар практикасы бағдарламасы бойынша күні бүгінге дейін 111 адамға жолдама берілсе, "Жұмыспен қамтудың жол картасы" мемлекеттік бағдарламасы аясында кәсіпорындарға 1600 жұмысшы қажет.Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасының 3-ші бағыты аясында шаралар қолға алынды. Яғни, жастарды жұмыспен қамтамасыз ету үшін бастапқы жұмыс тәжірибесін жинақтау мақсатында 25 АЕК көлемінде айлық жалақыны қамтитын жастар практикасының қатысушысы Альбина Болатжанова жұмыспен қамту орталығында бағдарламашы мамандығы бойынша тәжрибеден өтіп жатыр. Жас маманның ойынша, болашақта тұрақты жұмысқа орналасуға зор мүмкіндік бар.Орал қаласында бүгінде жұмыссыз ретінде есепте тұрған 2800 тұлға бар. 6300 адамға уақытша қызметке жолдама берілген. 19 жұмыссыз әлеуметтік жұмыс орындарына жіберілсе, 1600 адам ақылы қоғамдық еңбекке жолданған. Жастар практикасы бағдарламасы аясында әлі де жас мамандар еңбекке тартылатын болады. Ол үшін халықты жұмыспен қамту орталығына келіп қажетті құжаттарды жинақтауы тиіс. Бүгінде бұл бағдарлама аясында өткен жылы жолдамамен мекемелереге жіберілген 212 жас маман әлі де тәжрибеден өтуде