Оралда күзгі әскерге шақыру маусымы сәтті жүзеге асуда. Ол желтоқсанға дейін жалғасады. Бұл маусымда әскерге 200-ден аса адамды шақыру жоспарланып отыр. Биылғы шақыру ерекше, себебі коронавирустық пандемияға байланысты өзгерістер бар. Медициналық комиссия құрамына инфекционист дәрігер де енеді."Инфекционист дәрігер әскерге шақырылғандарда коронавирустың қандай да бір белгілері бар-жоғын анықтайды, сондай-ақ әңгімелесіп, байланыста болғандардың қатарында емес пе екенін тексереді. Кез келген күдік туындаған жағдайда медициналық комиссиядан өту тоқтатылады. Сондай-ақ, барлығының дене қызуы өлшенеді. Қашықтық пен маска тағу режимі сақталады. Сонымен қатар, әскерге аттанар алдында оларды ПТР-тестілеуден өткізеді.«Жас сарбаз» қоғамдық бірлесітігі БҚО бойынша филиалының төрағасы Шафхат Жұмалиев Отан алдындағы азаматтық борышын өтеуге осы айдың 30 күні аттанатын болады. Талдықорған қаласында азаматтық борышын өтейтін ол «Жас сарбаз» қозғалысының мүшелерінің 80 пайызы әскерге аттанып болашақ мамандықтарын әскери саламен байланыстырғанын айтады.Биыл сарбаздарды шығарып салуға байланысты салтанатты іс-шаралар да тоқтатылды. Ата-аналар қысқа уақыттық кездесулермен шектелуде. Шафхат Жұмалиевтің әкесі «Жас сарбаз» қоғамдық бірлестігі ұлын әскери саладағы темірдей тәртіпке үйреткенін және оның Отан алдындағы борышын аброймен өтеп, туған өлкенің дамуына үлес қосатынына сенімді.Биыл облыс бойынша 3 мыңнан аса жас сарбаз отан алдындағы боршын әр облыста атқарып жүр.

Батыс Қазақстан облысы әкімдігі ҚР Қорғаныс министрлігі мен «Жас сарбаз» жасөспірімдер әскери-патриоттық қозғалысымен қоғамдық әскери-патриотық тәрбие ісі саласындағы және өзара іс-қимыл туралы меморандумға қол қойды. БҚО әкімі Алтай Көлгінов әскери-патриоттық қозғалыс жұмысын кеңінен насихаттау, ауылдық аймақтарда клубтар мен сыныптар ашу, материалдық-техникалық жабдықтармен қамту жергілікті әкімдіктермен бірге іске асырылатынын жеткізді. «Жас сарбаз» жасөспірімдер әскери-париоттық қозғалысы» құрамына мектептің жоғары сынып оқушылары кіреді. Бүгінде қозғалыстың филалдары облыстың барлық аудандарында жұмыс жасайды. Әскери-патриоттық қозғалыс 170 мыңға жуық жасты қамтиды. Ол негізгі төрт бағытта жұмыс істейді. Бес жыл мерзімге жасалған меморандум аясында тараптар жастардың әскери-патриоттық тәрбиесі саласында және әскери-қолданбалы спорт түрлерін насихаттаудағы ынтымақтастық және өзара іс-қимыл жасауға келісті. Өскелең ұрпаққа отансүйгіштік сезімнің, азаматтық жауапкершіліктің, еліміздің салт-дәстүрі мен мәдениетіне деген құрметтің қалыптасуына бірлесе жағдай жасалмақ. Жиын соңында облыс әкіміне  әскери- патриоттық жұмыстарды жетілдіру бойынша өңірлік үйлестіру кеңесінің төрағасы куәлігі мен «Жас сарбаз» республикалық қоғамдық бірлестігінің төсбелгісі тапсырылды.