жәрдемақы – TDK-42

Бөтен табыстың әлегі

Evgeni St — Thu, 27 Feb 2020 12:14:15 +0000

БҚО Сырым ауданы, Жетікөл ауылында тұратын Сұпығалиева Айсәуле атаулы әлеуметтік көмекті ала алмай жүр. Біздің редакциямызға келіп, шағымын айтқан көп балалы ана арна тілшісіне мән-жайды баяндап берді. Белгілі болғандай, мемлекеттік орган Сұпығалиевтардың туған апасының мал-мүлкін кіріс көзіне есептеп, отбасыға тиісті жәрдемақыны бермей отырған көрінеді. Ал, Сұпығалиева Айсәуле болса өздерінде мал жоқ екендігін, қорадағы төрт түлік апасына тиесілі екендігін алға тартады. Алты баланың анасы атаулы әлеуметтік көмектен неге қағылды? Біреудің мал-мүлкін басқа отбасыға табыс көзі ретінде есептеу қаншалықты дұрыс?
Сұпығалиевтар отбасы Сырым ауданы, Жетікөл аулында тұрады. Сұпығалиева Айсәуленің алты баласы бар. Бірақ атаулы әлеуметтік көмекті ала алмай отыр.
Сұпығалиевтардың әлеуметтік жағдайын зерттеген комиссия бұл отбасыға әлеуметтік көмек тағайындаудың қажеті жоқ деп шешім шығарған. Комиссия Сұпығалиева Айсәуленің қайын апасы Сұпығалиева Алмагүлдің атындағы мал- мүлікті осы отбасыға тиісті деп көрсетіп, оған ауылдың бір- екі тұрғыны куәлік етіпті.
Сұпығалиева Айсәуле алты баланың анасы. Бүгінде біреудің үйінде тұрып жатыр. Себебі өз үйлері тұруға жарамайды, апатты дейді. Ерлі-зайыптылардың екеуі де жұмыссыз. Айсәуле алты баламен үйде отырған әйел. Өз аттарында ешқандай мал-мүлік жоқ. Біреудің мүлкін табыс көзіне санау қаншалықты дұрыс? Бұл мәселенің анық-қанығын тек сотқа жүгіну арқылы анықтауға болатын секілді.

2020 жылдың 1 қаңтарынан бастап жаңа мемлекеттік жәрдемақы табысына қарамастан төленеді

Evgeni St — Thu, 19 Dec 2019 11:38:02 +0000

Мұндай ақпарды "Азаматтарға арналған үкімет" мемлекеттік корпорациясы жәрдемақы бөлімшесі мәлімдейді. Жоғарыда аталған мемлекеттік жәрдемақы 4 немесе одан да көп кәмелетке толмаған немесе 23 жасқа дейінгі күндізгі бөлімде оқитын балалары бар барлық көпбалалы отбасыларға табысына қарамастан төленбек. Мемлекеттік жәрдемақының мөлшері бала санына қарай сараланады. Яғни, 4 баласы бар отбасыларға 42 500 теңге, 5 балаға - 53 125 теңге, 6 балаға - 63 750 теңге, 7 және одан да көп балаларға 74 375 теңге төленеді.Айта кетерлігі, аталған жәрдемақы биылғы жылға дейін бала саны ескерілместен жалпы сомасы - 10504 теңге төленіп келген болатын. Ал, жаңа жылда берілетін жаңа жәрдемақы 4-7 есеге көп болмақ.

Сырқат жанның жан айқайы

Ажар Хамитова — Wed, 08 Aug 2018 06:15:11 +0000

0:00 / 0:00

Галина Бошенятова есімді қала тұрғыны арнамызға қоңырау соғып, көмек сұрады. Қала тұрғыны эпилепсия дертіне байланысты 2016-2017 жылдары ІІІ топтың мүгедектігін алыпты. Алайда, ол мүгедектіктің мерзімі аяқталғаннан соң, кейіпкеріміз мүдегектікті қайта рәсімдей алмай отыр. Осы ретте, сала мамандарының пікірі қандай?

Бұл, Галина Башенятова есімді қала тұрғыны. 31 жасар келіншек осыдан бірнеше жыл бұрын эпилепсия деп аталатын сырқатқа шалдығыпты. Кейіпкеріміз осы дерттің салдарынан ел қатарлы жұмыс жасай алмай, өзгенің босағасында күнелтіп отыр. Талма ауруына шалдыққан азаматша, 2016-2017 жылдар аралығында тиісті комиссиядан өтіп, 3-ші топтың мүгедегі ретінде танылып, тиісті зейнетақымен күнелткен көрінеді.

Кейіпкеріміздің шағымын арқалап, облыстық медициналық -сараптама орталығына арнайы барған едік. Сала мамандары аталмыш азаматша, 2017 жылы тиісті комиссиядан өткен тұста, оның денсаулығы жақсы болғандықтан мүгедектік тағайындалмады,- дейді.

Дәрігерлер 31 жасар келіншектің биылғы жылы тиісті комиссиядан өтпегендігін атап өтті. Сала мамандары егер науқасқа дәрігер бекіткен ем-дом қонбай, азамат бекітілген ережелерде айтылған өз-өзіне қызмет ете алмаса, өзгенің көмегінсіз күн көре алмайтындай жағдайда ғана болса, мүгедектік алу туралы комиссияға жолданады,-дейді.

Кейіпкеріміз, биыл мектеп табалдырығын аттайтын ұлын жетілдіру үшін емдеу мекемесі бекіткен ем-домның баршасын қабылдап, өз денсаулығына назар аударуы керек. Кейін, келіншек тиісті комиссиядан өтуі тиіс. Егер дәрігерлер оның денсаулығы нашар деп тапса мүгедектік тағайындалады.

Жәрдемақы саласындағы жаңашылдық

admin — Mon, 02 Jul 2018 12:41:12 +0000

0:00 / 0:00

Шілдеден бастап Қазақстанда базалық зейнетақыны есептеудің жаңа жүйесі енгізілді. Оған сәйкес, бір миллионға жуық зейнеткердің базалық зейнетақысы екі есеге өсті. Батыс өңіріндегі атқарушы мекемелер де осы жағымды жаңалықпен бөлісіп, жаңашылдықтың қыр сырын айтып өтті. Сондай-ақ, облыстағы 500 отбасыға бұрын соңды болмаған жаңа жәрдемақы тағайындалғаны белгілі болды.

Әлеуметтік төлемдер 2018 жылы өзгеріске ұшырады

Ажар Хамитова — Thu, 04 Jan 2018 11:27:29 +0000

0:00 / 0:00

2018 жылдың бірінші қаңтарынан бастап зейнетақы төлеу жүйесінде өзгерістер орын алды. 2013 жылы зейнетақы төлеу туралы заң талаптарына сәйкес еліміздің барлық нәзік жандылары 2027 жылы 63 жастан зейнетке шықпақ. Сонымен қатар, биылғы жылдың бірінші қаңтарынан бастап, 1-2-3-ші сәби дүниеге келген кезде бір реттік төленетін жәрдемақы құны 81390 теңге, 4-ші балаға 151 мың теңгеден астам жәрдемақы қарастырылған.