1941 жылы 22-шы маусымда Ұлы Отан соғысы басталды. Ел мен жерді жаудан қорғауға ұмтылған жандардың ерлігін бүгін барша жан еске алады. Биылғы жеңістің 75 жылдық мерейтойына орай шаралар жалғасуда. Кеңес Одағының батыры Мәншүк Мәметова атындағы мұражайда соғыс ардагерлері батырдың рухына тағзым жасап, ескерткішіне гүл шоқтарын қойды. Ерлік пен батырлықтың үлгісі бола білген батырдың мұражайында алғаш рет замануи технология қолданылып, 1993 жылы орнатылған диарама жаңартылды.

Қазақстанның мұражайларда алғаш рет 3д -маппинг жүйесі қолданылуда. Жобаның жасақтаушылары жұмысты орындау үшін бірнеше ай еңбектенгендіктерін айтады.

Жаңашылдықты тамашалаған соғыс ардагерлері Отан үшін сұрапыл соғыста опат болған жандарды еске алып, бүгінгі ұрпаққа жауынгерлердің ерлігін ұмытпай, елге қызмет көрсету керек деп ақ батасын берді. Қала тұрғындары да жаңа технология өскелең ұрпаққа батырлардың ерлігін сезінуге мүмкіндік береді,- дейді.

Шетелде кеңінен қолданылып жүрген технология Қазақстанда алғаш рет қолданылып отыр. Мамандар бұл тарихты оқып-танимын деп, ерлік пен батырлықтың асқан рухын сезінем деп келген өскелең ұрпаққа зор ықпал етеді,- дейді.

Оралда "Stem" зертханалық кабинеті ашылды. Аталмыш кабинет Жұбан Молдағалиев атындағы №2-ші мектепте жұмыс жасамақ. Жаңа бағдарлама "Цифрлы Қазақстан" аясында іске асып жатыр.

Оралдық оқушылардың білімі мен білігін шыңдайтын жаңа бағдарлама іске қосылды. "Stem" деген атауға ие жаңашылдық барлық жаратылыстану ғылымдарының негізін, түрлі технологиялардың құрылысын, түрлі сынықтарды виртуалды түрде жасауға мүмкіндік береді

Орал қаласында жаңа бағдарлама №2-ші мектепте он күн бұрын іске қосылған. Педагогтар жаңа бағдарламамен оқушылардың пәнге деген қызығушылығын ояту мен қосымша білім беріп, алған білімдерін тәжірбиемен ұштастыруға болатынын айтады.

"Stem" қазіргі таңда қаланың 7 мектебінде жабдықталып, 15 білім нысанын осындай жаңа бағдарламамен қамту жоспарланып отыр.

БҚО халқының 23 пайызға жуығын жастар құрайды. Яғни 14 пен 29 жас аралығындағы топ өкілдері деуге болады. Биылғы жыл  жастар жылы деп жарияланғандықтан белсенді топ өкілдеріне қай-қай бағытта да басымдық берілуде. Мәселен, «Дипломмен ауылға» мемлекеттік бағдарламасы аясында берілетін бір жолғы жәрдемақы 100 айлық есептік көрсеткішке көтерілмек жоспары бар. Аталмыш бағдарлама жүзеге асқан 10 жыл ішінде 5 мыңнан аса ауылдық жерлердегі мамандарға 1 млрд. 600 млн. теңге көлемінде бір жолғы жәрдемақы берілсе, 2638 жас маманға 7 млрд. теңгеден аса тұрғын үй алу үшін қаржы қарастырылған. Өңірлерде түлектерді «Дипломмен ауылға» бағдарламасы бойынша жұмыс істеуге ынталандыру шаралары қарқынды жүріп жатыр. Бір жолғы көтерме ақы да жоғарылаған. Сонымен қатар биыл мемлекеттік бағдарлама шарапатын көріп, ауылды көркейтуге өз үлестерін қосуға ниет танытушылар үшін жағымды жаңалық та бар. Мемлекет басымдылық берген «Дипломмен-ауылға» бағдарламасы елді мекендердегі маман тапшылығын шешуге сеп болуда. Ауылдық аймақтағы сұранысқа байланысты медицина, білім беру және мәдениет саласына білікті, білімді жас мамандар баруда. Мәселен, осы жылдың 4 айында 600 ден аса болашақ маман қызығушылық танытқан. Облыс бойынша жалпы 600 ден аса маманға сұраныс бар. Жалпы «Дипломмен ауылға» бағдарламасы іске қосылғалы бері елімізде 30 мыңнан астам адам ауылға тұрақтап, нәтижелі еңбек етіп жатқан көрінеді. Осылайша елді мекендердегі кадр тапшылығы мәселесі біртіндеп шешімін тауып келеді.