Батыс Қазақстан облысы тұрғындары малына азық таппай, төрт түлігін етке өткізе бастаған. Былтыр жаздағы қуаңшылықтан қатты қысылған шаруалар енді жем-шөп таппай дағдарып отыр. Өйткені биыл өңірдегі өзен-көлдерге су жеткілікті деңгейде келмеген, бұл аздай жарытып жаңбыр да жаумаған. Шамасы жеткен ауыл халқы шөпті басқа аудандардан тасуға көшкен.Қадыр Имашев үйіндегі бала-шағасынан бұрын қорасындағы қой-ешкісіне шөп таппай жүр. Былтыр шөп бітік шықпағасын, қысқы мал азығын жеткілікті етіп қамдай алмапты. Мал азығының тапшы екенін аудан әкімі де мойындайды. Айтуынша, өзіне қарасты 9 ауылдық округтің бесеуі шөптен тарығып отыр. Аудан әкімі бюджеттен бөлінген 14 миллион теңгеге көлік жалдап, ауылдықтарға шөптің рулонын 10 мың теңгеден жеткізіп отырмыз деп сендірді. Ал ауыл шаруашылығы басқармасының мамандары бұл тек Жаңақала ауданынадағы проблема дейді. Облыстық ауыл шаруашылығы басқармасы болса, өңірде мал азығын дайындау жоспары асыра орындалғанын айтудан жалықпайды. Дегенмен ауылдағы ағайын қағаздағы әдемі деректің төрт түлікке азық болмайтынын жақсы біледі. Басқа ауданнан әкелінген арзан шөпті сатып алуға ақшасы жетпегендер енді малын етке өткізіп құтылуда.

Жастар жылы жаңақалалық жастар үшін үлкен жаңа жобалармен, бұрын соңды болмаған бастамалармен басталып жатыр. Мәселен, күні кеше аудан орталығында жастарға арналған «Самғау» атты арнайы коворкинг орталығы ашылған. Бүгін аталған ауданға жұмыс сапарымен келген облыс әкімінің бірінші жаңа орынбасары Ғали Есқалиев «Рухани орталық» жанынан ашылған жастардың «Самғау» коворкинг орталығымен танысып, аудан жастарының биылғы жыл бойына жоспарлап отырған жұмыс қадамдарына қанықты. Сонымен, жаңақалалық жас буын биылғы жастар жылында қандай жұмыстарды қолға алмақ? 

Аудан орталығында осыдан үш жыл бұрын ашылған «Рухани орталықтағы» рухани-мәдени ұйымдардың қатары жақында тағы бір орталықпен толықты. Ол «Самғау» жастар коворкинг орталығы. Атаулы нысан аудандағы жастардың ұйымдастырсам деген қай-қай шарасының да басы қасынан табылып, үнемі қолдау білдіріп отырады. Жастардың бос уақытын тиімді ұйымдастыруға арналған ұйым заманауи құрылғылармен жабдықталып, барлық қажетті жабдықтармен қамтылған.

Бұндай коворкинг орталық аудандық кітапхана жанынан да жабдықталған. 224 мыңнан астам кітап қоры бар кітапхана қазір заман сұранысына сай әртүрлі бағытта жұмыстанып, жергілікті зиялы қауым өкілдерімен жиі кездесулер ұйымдастырып тұрады. Бүгінде «Рухани жаңғыру» бағдарламасы шеңберінде тарихы терең Жаңақала өңірінің құнды деректері жинастырылып жатыр.

Бүгінде Жаңақала ауданында алты мыңға тарта жас буын бар. Жастар қауымына жергілікті биліктен бұған дейін де көп көңіл аударылды. Мысалы, өткен жылы 78 жас жастар практикасына, 50 жас «жасыл ел» бағдарламасына жолданса, 250-ге тарта жастарға арналған түрлі іс-шара ұйымдастырылған. 30 маманға 5 миллион теңге көлемінде көтерме қаржы берілсе, 25 маманға баспана алуға 79 миллион несие рәсімделген. Ал осы жастар жылына жоспарланып тұрған жұмыстар ауданда бастан асады.

Алда аудан орталығында «Ақ отау» жастар демалыс алеясын жасақтау, «Жаңақала жастары» мега-жобасын бастау, «Жасыл ел» еңбек жасағына қатысатын жастардың санын арттыру сынды жұмыстар басталмақ.

Жақын аралықта "Ақ бұлақ" бағдарламасымен аудан халқының 82 пайызын тіршілік көзімен қамту көзделіп отыр. Ал Қырқопа мен Қызылоба ауылдары келесі жылдың еншісіне қалмақ. Бүгінде Жаңақалалықтардың әл-ауқаты қалай? Бұл жөнінде аудан әкімі Наурызбай Қарағойшин тілшілермен кездесуде баяндап берді.

Жаңақала ауданының бюджеті 5 млрд. 323 млн теңгені құрайды. Үстіміздегі жылдың 6 айында кәсіпкерлік субъектілері 2 млрд. 479 млн. теңгенің өнімін өндіріп, аудандық бюджетке кәсіпкерлік саласынан 49 млн. теңге салық төлемі түсіп отыр. Өткен есепті кезеңмен салыстырғанда мал басы өсіп, ауыл шаруашылық саласында өндірілген өнім 3 млрд. 362 млн. теңгені құраған. Ағымдағы жылы жас мамандарды ауданға тарту мақсатында 30 жас маманға 5 млн. теңгенің көтерме ақысы төленсе, 24 маманға тұрғын үй алу үшін 79 млн. теңге несие берілген. Бүгінде орталықтандырылған ауыз сумен аудан тұрғындарының 54,8 пайызы қамтылған, «Ақ бұлақ» бағдарламасы шеңберінде 8 елді-мекен таза ауыз сумен қамтылатын болады, бұл аудан халқының 82 пайызын құрайды. Енді алдағы жылы Қырқопа және Қызылоба ауылдарын аталған бағдарлама аясында таза ауыз су жеткізу жоспарлануда. Ұялы байланыс желісімен ауылдарды толықтай қамту бағытында жұмыстар атқарылуда. Биыл байланыс аясынан тыс болып келген Қырқопа ауылына beeline желісі орнатылған. Келесі кезекте Жаңажол ауылына да байланыс жеткізу жоспары бар. Сондай-ақ Пятимар, Көпжасар, Қырқопа ауылдарының кірме жолдарын жөндеу көзделіп отыр.

Жаңақалалықтар ұзақ жылдар бойына зəру болып келген таза ауыз су үстіміздегі жылы жеткізіліп, ел игілігіне пайдалануға берілмек. Құлшық жер асты суын аудан орталығы мен сегіз елді мекенге қосуды мойындарына алған мердігерлер өңір əкіміне жұмысты биыл белгіленген мерзімде бітіріп беруге сөз берді.

Жалпы 2 млрдқа тарта қаржы жұмсалған Құлшық жер асты суы 16 мыңнан астам аудан халқының шөлін қандырып, өмірін жандандырмақ. Ауыз су тапшылығын өте көп тартқан тұрғындарды өңір əкімі 145 шақырым қашықтықтан тартылып жатырған тіршілік сөзі-құлшық суын ысырап жасамауға шақырды.

Аудан көлемінде атқарылып жатқан көп жұмыстың Жуалыой,Жангелді,Мұқыр,Сарыкөл сынды төрт бірдей елді мекенге көгілдір отын тарту. Осы ауылдар газге қосылса, ауданның 70 пайызы көгілдір отынмен қамтылмақ. Жаңақалалықтар үшін тағы бір үлкен жаңалық аудан орталығынан тұрғындарға берілген 1047 жер теліміне осы үстіміздегі жылы толықтай инфрақұрылым тартылып, су, газ, жарық берілмек.Бұл да біраз жылдан бері көтеріліп шешімін таппай келе жатқан мəселе еді.

Қазіргі ауданның негізгі кəсібі төрт түлік мал өсіру. Жергілікті ірі шаруа қожалықтары жетекшілеріне елдегі,өңірдегі ет экспортын өркендету үшін мал басы санын кемітпей, көбейтуді тапсырды. Аудан аумағында шаруалардың мал бағуына да жағдай жасалып, сай-салалар мен көлтабандар суға толтырылып, тозығы жеткен қақпалар қалыпқа келтіріліп жатыр.

Өткен жылдар 19 үйді тұрғындар игілігіне тапсырған ауданда биыл үш қабатты 24 пəтерлі жалдамалы тұрғын үй құрылысы басталған. Құрылыс жұмысымен танысқан облыс əкімі мердігерлерге жұмысты кешіктірмей тапсыруды ескертіп, жаңа баспананың кірпішін қаласты.

Аудан ақсақалдарымен,кəсіпкерлермен, жастармен кездескен өңір əкімі өңірдегі соңғы жылдардағы оң өзгерістерге тоқталып, аудан тұрғындарының ризашылығын алып, Бөкей Орда ауданына аттанды.