Орал қаласында тұңғыш президент атындағы жаңа алаңда жаңа жылдық шырша жағылды. Мерекенің басты символына арналған шырша шамдарын жағу салтанатына қала әкімі Абат Шыныбеков қатысқан еді.

Оралда дәстүрлі түрде Тұңғыш президент атында алаң бой түзеген шаһарымыздың басты шыршасын жақты. Салтанатты шараға қала әкімі Абат Шыныбеков қатысты. Шаһар басшысы оралдықтарды келе жатырған жаңа жылмен құттықтап, еліміздің толағай табыстарға жеткендігін атап өтті.

Мерекелік шараға келген оралдықтардың қарасы қалың. Жаңа алаңда ұйымдастырылған концерт бұқара халықтың көңілінен шыққандай.

Орал қаласындағы жаңа жылдық мерекелік кештер жалғасуда. Жалпы шаһар аумағында 6 жерде жасыл шырша орнатылып, мереке күндері облыс орталығы мен кенттік округтерде концерт ұйымдастырылмақ.