жаңа жылдық кеш – TDK-42

Ақ жолдықтардың құтттықтауы

Ажар Хамитова — Wed, 25 Dec 2019 11:07:18 +0000

0:00 / 0:00

"Ақ жол" партиясының өкілдері балаларды жаңа жылмен құттықтады. Партия мүшелері Орал қаласында орналасқан облыстық көру қабілеті бұзылған мектеп-интернатының оқушылармен кездесіп, олармен бірге мерекелік ертеңгіліктеріне қатысты.

"Ақ жол" партиясының БҚО өңірлік филиалы жылдағы дәстүрден жаңылмай бүлдіршіндерді құттықтауын жалғастырды. Партия өкілдері жаңа жыл қарсаңында облыстық көру қабілеті бұзылған мектеп интернатында тәлім алып жатқан оқушылармен жүздесіп, олармен бірге мерекелік кешті тамашалады.

Мектеп қабырғасында ұйымдастырылған жаңа жылдық кеште балаларға жақсы таныс ертегі әлемінің кейіпкерлерін кездестіруге болады. Олар бастауыш сынып оқушыларымен бірге айтып, би билеп, ойын ойнап, жаңа жылдық шыршаның көркін келтірді.

Өнерлі бүлдіршіндер Аяз атаға арнап жаттаған өлеңдерін таныстырды.

Педагогтар жыл он екі бойы мектеп оқушыларын қолдап, оларға көтеріңкі көңіл күй сыйлап жүрген "Ақ жолдықтарға" ризашылығын білдірді.

Жүзден астам бүлдіршінді қуантып жүрген партия өкілдері келешекте де өз жұмысымызды жалғастырамыз- дейді.

Қазіргі таңда мектеп-интернатта 140 оқушы білім алуда.

Жаңа жыл мерекесі тойланды

Ажар Хамитова — Fri, 28 Dec 2018 10:56:53 +0000

Облыс көлемінде ағылшын тілін үйретумен танымал болған "Бизнес IQ" орталығының бүлдіршіндері жаңа жыл мерекесін атап өтті. Шараға 70 тен астам оқушы қатысты. Олардың жас ерекшеліктері әртүрлі болғанымен олар шетел тілін үйренуде қызығушылық танытып отыр.

Кеш барысында оқушылар ертегі кейіпкерлерімен ән айтып, түрлі сайыстарға да қатысқан еді.

Балаларға арналған мерекелік кеш келесі жылы да өз жалғасын таппақ.

Орал қаласының әкімдігі мерекелік отырыстан бас тартты

Ажар Хамитова — Wed, 26 Dec 2018 10:54:43 +0000

0:00 / 0:00

Оның орынына әкімдік қызметкерлері мүмкіндігі шектеулі бүлдіршіндерге арналған мерекелік көңіл-күй сыйлауды жөн деп тапқан. Қайырылымдылық шарасына 70-шақты балақай қатысты.

Мүмкіндігі шектеулі бүлдіршіндердің қоғамда өз орынын тауып, олардың ем-домына көмектесіп жүрген "Бәйтерек" қоғамдық қорында 75 бүлдіршін бар. Олардың дені күрделі кеселге шалдыққан. Бүлдіршіндер әрбір мерекені асыға күтеді. Десек те, жаңа жылдың алатын орыны ерекше.

Қам көңіл жандарға арналған мерекеге ат салысу үшін келген меймандардың қарасы қалың. Жаңа жылдық кешті ұйымдастырудан бас тартқан қалалық әкімдіктің қызметкерлері шаһар басшысының құттықтауы мен тәтті сыйын ала келді.

Қоғамдық қордың өкілдері бүлдіршіндерге арналған мерекелік сценарийі дайындапты. Бірақ, бүгінгі кеште балалар мен олардың ата-аналары дайындаған мерекелік нөмірлерге басымдық берілмек.

Cақтықта қорлық жоқ

Ажар Хамитова — Fri, 21 Dec 2018 06:48:39 +0000

Жаңа жыл мерекесі қарсаңында мейрамхана мен ойын-сауық орталықтарында мерекелік кештер көптеп ұйымдастырылып, әрбір бизнес субъектісі азаматтардың көңілін көтеру үшін барын салып, түрлі бағдарлама жасақтап жатады. Осы орайда, қоғамдық денсаулық сақтау басқармасының мамандары қаламыздың аумағында қоғамдық тамақтану саласында жұмыс жасап жатқан кәсіпкерлердің басын қосты. Негізгі мақсат - мерекелік кештерде адам улануының алдын-алу мен оны болдырмау. Сала мамандары кәсіпкерлерге санитарлық нормаларды естен шығармауға және жеке бастың гигиенасын назардан тыс қалдырмауға кеңес береді. Егер бекітілген талаптар орындалмай, жаппай улану дерегі тіркелсе кәсіпкерлер үлкен айыппұл төлеп, тіпті қылмыстық жауапкершілікке тартылады. Сала мамандары биылғы жылы қала аумағында тамақтан улану дерегі тіркелмеді,- дейді.