Санаулы күндерден соң жаңа оқу жылы басталады. 2024-2025 оқу жылының сапалы әрі қиындықсыз өтуі үшін тыңғылықты дайындық қажет.

Өскелең ұрпақтың сапалы білім алуы үшін заман талабына сай жабдықталған мектеп керек. Облыста 10 үш аусымда оқитын, 16 апатты деп танылған білім ордасы бар. Осы мәселені жою үшін аймақта "Жайлы мектеп" ұлттық жобасы аясында 2023-2025 жылдары 18 мектептің құрылысы жоспарланды.

Жаңа ғимараттың құрылысынан бөлек, алты мектеп күрделі жөндеуден өтуде. Екі нысанның жөндеуі өткен жылы басталды.
Білім саласында сапаны қамтамасыз ету департаменті оқу процесін бақылап отырады. Мемлекет басшысы оқушылардың әлеуметтік статусына қарамастан ыстық тамақпен қамтуды тапсырған еді.

Жаңа оқу жылының қарсаңында оқушыларды оқулықтармен қамту ісі де бақылауда. Биыл облыстық бюджет есебінен 13 баспадан 661 754 дана кітап сатып алынды. Оқулықтарды тасымалдау үшін қазынадан 33,5 мнл теңге бөлінді. Кітаптарды толықтай өңірге тасымалдау ісі 25 тамызда аяқталады деп күтілуде.

СУРЕТ https://qarmaqshy-tany.kz/ САЙТЫНАН ЖҮКТЕЛДІ.

БҚО-да білім саласында жұмыс істейтін мамандардың 81,8 пайызы коронавирусқа қарсы екпе алған. Бұл туралы білім басқармасы басшысының орынбасары Светлана Темірғалиева мәлімдеді. Осы салада жұмыс істейтін мамандардың 3 пайызы жұқпалы індетпен ауырыпты. Қалған педагогтар денсаулық жағдайларына байланысты екпеге қарсы көрсеткіштері бар деген дәрігерлік анықтама алған. Қазіргі таңда облыстағы барлық білім беру ұйымдары 2021-2022 оқу жылына дайындығын пысықтап жатыр.

Жаңа оқу жылының қай форматта ұйымдастырылатыны барлық ата-ана, педагогтар мен оқушыларды алаңдатқан басты сауал болып отыр. Министрлік өкілдері барлық өңір дайындықтарын пысықтап жатыр, шешімді ведомствоаралық комиссия қабылдайды деп айтқаны есімізде. Облыстың білім ошақтары да жаңа оқу жылына мықтап әзірленіп отыр. Білім басқармасының берген ақпарына сүйенсек, биыл сабақтар дәстүрлі форматта өтіп, бір сыныпта оқушылардың саны 25-тен аспайды. Және білім ордасында арақашықтықты сақтап, бетперде тағып, мектеп формасын киіп жүру міндеттеледі.

Биыл бала санының азаюына байланысты облыста 6 бастауыш мектеп жабылып, 3 орта білім беретін мекеме бастауыш мектеп болып қайта құрылған. Және облыста 388 педагог тапшы. Мектептерге математика, физика, химия мен қазақ мектептеріне орыс тілінен сабақ беретін мұғалімдер жетіспейді.

Күні бүгінге дейін 1-ші сыныпқа 11 мыңнан астам оқушы қабылданыпты. Жаңа өзгерістерге сәйкес бірінші сыныпқа қабылдау 1-тамызда аяқталады. Биыл жергілікті бюджеттен оқушыларды оқулықпен қамтамасыз ету үшін 2852 млн. теңгедей қаражат бөлінген. Кітаптар өңірге 30-шы тамызға дейін жеткізілмек.

Сурет Шу әкімдігінің сайтынан жүктелді