Халық арасында Автооцон аталып кеткен аумақта жаңа мектеп бой көтере бастады. БҚО құрылыс басқармасының мамандары Зашаған кентінде бұдан бөлек тағы екі мектеп салу жоспар санатында екендігін атап өтті. Бірақ, бұл - келешектің еншісіндегі шаруа.

Құрылысқа жауапты мердігер компания көршілес Атырау қаласынан келгенмен, құрылыс жұмыстарына қала тұрғындары тартылып отыр. Жаңа мекептің жалпы аумағы - 4 га. асады. Аталған аумақ футбол алаңы мен ойын алаңдарын да қамтымақ. Жоба құны - 1 миллиард 750 миллион теңге.

Бұдан өзге, облысқа қарасты аудандарындағы үш ауысымдағы білім беру мәселесін жою мақсатында Ақжайық ауданының Чапай ауылында 300 орындық мектеп-гимназиясы мен 100 орындық мектеп-интернат және Казталов аудан орталығында 600 орындық мектеп қолданысқа берілмек.

Сарытау шағын ауданында жаңа мектеп ашылды. Мектеп 900 балаға арналған.

Бүгінде жаңа мектеп оқушыларға білім беру үшін қажетті құрал-жабдықтармен жабдықталған. Қаңтар айынан бастап оқу процесі басталмақ. Бүгінде білім беру ошағы 1100 оқушыны қабылдап үлгерген.

Сондай-ақ, мектеп жанынан арнайы даярлық орталығы да өз жұмысын бастамақ. Ата-аналар қауымы мектепті аралап көріп, жаңа нысанға былай деп баға берді.

Облыс көлемінде 3 аусымда оқитын 5 мектеп бар. Олардың қабырғасында 2000 мыңнан астам оқушы білім алуда. Сондай-ақ, апатты деп танылған 5 білім ошағы анықталып отыр. Аталмыш олқылықтарды жою мақсатында облыс көлемінде 3 мектептің құрылысы басталмақ. Айта кетейік,  осы Сарытаудағы мектеп ең шулы құрылыс болды.Алғаш істі бастаған мердігердің жұмысы оқсамай, ісі сотқа дейін жеткені, кейін құрылысты басқа мердігер жалғастырғаны көпшілктің есінде.Бастысы нысан қоладнылуға берілді. баянды болсын дейміз.

Облыс орталығынан 300 шақырым шалғай орналасқан Ақжайық ауданына қарасты Шабдаржап ауылында да 198 балаға арналған мектеп ашылды. Биылғы оқу жылында 165 оқушы жаңа білім ордасында білім алмақ. Аталмыш мектеп Елордамыз Астана қаласының 20 жылдық мерейтойына орай салынған болатын. Білім ордасының құрылысы өткен жылдың тамыз айында басталып, биылғы жылы құрылыс жұмыстары аяқталды. Құрылыстың жалпы құны 635 млн теңгені құрапты.

Облыс орталығынан шалғай орналасқан ауыл тұрғындары үшін бұл көптен күткен ұлы той еді. Себебі, мектеп оқушылары өткен оқу жылына дейін өткен ғасырдың бел ортасында бой түзеген, кейін апатты деп танылған ғимаратта оқып келген болатұғын. Соған қарамастан осы апатты мектепте білім алса да 8 оқушының 3-уі "Алтын белгі" иегері атанғаны мәлім. Шалғай ауылда бой түзеген мектеп 198 балаға арналып салынған. Бүгінде 165 бала су жаңа ғимаратта білімдерін шыңдамақ. 13 бүлдіршін мектеп табалдырығын аттапты. Ауыл тұрғындары жаңа мектепке көңілдері толып, ризашылықтарын білдірді.

Құрылысы жақында ғана аяқталған мектептің 42 орындық асханасы мен спорт залы бар. Сондай-ақ, оқушыларға ұлттық құндылықтарымызды дарыту мақсатында "Рухани жаңғыру" алаңы да бой түзепті. Мектеп оқушылары көптен күткен қуаныштың орын алғандығын, барлық қажетті құрал-жабдықтардың бар екендігін тілге тиек етті.

Қажетті құрал-жабдық демекші, мектеп алғашқылардың бірі болып, "Білім букке" қол жеткізіп отыр. Аталмыш бағдарлама интернеттің көмегінсіз, 3 тілде оқушылар үшін интерактивті сабақпен қамтамасыз етпек.

Мәжіліс депутаты жұмыс сапарын Зеленов ауданына қарасты Дариян ауылында жалғастырды. Облыс орталығынан 40 шақырым шалғай жерде орналасқан ауылдық округте халық игілігі үшін атқарылып жатқан жұмыстар көп. Мәселен, өткен жылы мәдениет үйі күрделі жөндеуден өткен болатын. Сондай-ақ, былтыр Дариян ауылында басталған мектеп құрылысы бүгінгі таңда толықтай аяқталған. 300 орындық қазақ мектебінің жалпы құны 1 млрд. 50 млн. теңгені құрайды. Мердігер компания өкілдері жұмыстарды толықтай шілде айында аяқтап беретін көрінеді. Жаңа оқу жылынан бастап, аталмыш білім ордасы 400-ден астам баланы қабылдамақ. Сондай-ақ, биылғы оқу жылынан бастап, жаңа мектепке лицей статусын беру де қарастырылып жатыр.

Бұл, өткен жылы іргетасы қаланған мектептің бүгінгі келбеті. Үш қабатты ғимарат 300 балаға арналыпты. Білім ордасында балаларды ыстық тамақпен қамтамасыз ететін асхана, үлкен спорт зал мен кітапхана да жұмыс жасамақ. Сондай-ақ, оқушылар жоғарғы жылдамдықты ғаламтор желісімен қамтамасыз етілмек. Бүгінгі таңда, білім беру нысанының құрылысы толықтай аяқталып, құрылысшылар ұсақ-түйек жұмыстарын атқарып жатыр. Биылғы оқу жылынан бастап аталмыш мектепке лицей атауы берілуі мүмкін. Бұл үшін жергілікті бюджеттен қомақты сома бөлінуі тиіс.

Білім ордасының директоры бұған дейін мектеп оқушыларының қалай білім алғанын айтып берді? Осы оқу жылының аяғына дейін 400-ден астам оқушы асханасы, арнайы спорт залы жоқ, әкімшілік ғимаратта білім алып келген. Жаңа ғимарат оқушыларды дамытуға өз септігін тигізбек. Ауыл тұрғындары да жаңа мектептің бой көтергендігіне қуанып отыр. Бұл балалардың білім алуына өз себептігін тигізеді деген пікірлерін де ортаға салды.

Су жаңа ғимараттың жанынан 100 орындық жатақханада бой көтерген. Аталмыш ғимарат балаларды қабылдауға дайын. Бұл жатақханада Дариян ауылдық округіне қарасты бес елді-мекенде өмір сүріп жатқан балалар білімдерін жалғастыра алады.