Үкімет басшысы әкімдердің жұмысын тұрғындардың өмір сүру деңгейімен өлшеуді ұсынды. Бұл туралы премьер-министр арнайы жиналыста мәлімдеді. Көрсеткіштерді отбасының цифрлық картасы арқылы бақылайды. Жиын барысында "Әлеуметтік әмиян" мен мектепке дейінгі мекемелерді ваучерлер арқылы қаржыландыру жобасы таныстырылды.

Премьер-Министр тұрғындардың әл-ауқатын жақсарту критерийі бойынша әкімдердің жұмысына KPI енгізу қажет деп мәлімдеді. Ол үшін "Жанұяның цифрлық картасы" платформасы негізінде шұғыл және дағдарыс деңгейінен бастап әл-ауқатқа дейінгі бес санат бойынша қазақстандық отбасылардың жағдайына тұрақты мониторинг пен талдау жүргізіледі. Отбасылардың әлеуметтік тұрмысын жақсарту арқылы жергілікті атқарушы биліктің жұмысы бағаланады.

Мұндай цифрлық карта әкімдер үшін оқулық болуы керек деп мәлімдеді Бектенов. Қажетті мемлекеттік қолдауды "әлеуметтік әмиян" арқылы алуға болады. Әзірге тек тегін дәрі-дәрмек пен мектептерде оқушыларды тамақтандыру саласы пилоттық жобаға қатысуда. Барлық жүйені электронды форматқа ауыстырды. Үкіметтегілер игі істің барлығы тұрғындарға ыңғайлы болуы үшін жасалуда,- дейді.

Жоба жетекшілері жыл соңына дейін бұл қызметтер республика аумағында қолжетімді болады деп уәде береді. "Әлеуметтік әмиянды" басқа салаларда да қолдану мүмкіндігі болатындай жобаны үлкейту жоспарланып отыр. Енді мектепке дейінгі ұйымдарға ата-ананың таңдауынан соң мемлекеттік тапсырыстың ақшасы аударылады.

Ваучерлік қаржыландыру балабақшаға осы нарыққа еркін кіруге, бір-бірімен бәсекелес болуға мүмкіндік береді.

Бүгінгі таңда ел аумағында 4,2 миллионнан астам бала білім беру саласында жан басына шаққандағы қаржыландырумен қамтылды. Балалары бар 1 млн.-нан астам отбасы мен 732 мың мүгедек адам төлем алады. 2,1 млн.-нан астам азаматқа тегін дәрі-дәрмек беріледі. 692 мыңнан астам қазақстандық білім беру грантына ие. Бұл тізім әлі де толығуы мүмкін.

СУРЕТ primeminister.kz САЙТЫНАН ЖҮКТЕЛДІ

Бүгін облыстағы  алғашқы полиция бөлімінің фронт-кеңсесі ашылды. Орал қаласының полиция басқармасының  бірінші қабатында, үлкен холлда келушілерді бөлімше қызметкерлері қарсы алады.  Кеңес береді, қажетті қызметті тез арада көрсетеді. Темір торлы есіктер мен қатаң өткізу режимінің орнына қала тұрғындарын мамандар қарсы алып, сол жерде кеңестер беріп, түсіндіру жұмыстарын жүргізеді.«Аумағы 60 шаршы метрді құрайтын қызметтік орын заманауи талаптарға сай және қажетті жабдықтармен толықтай қамтамасыз етілген. Фронт-кеңсе ғимараты 3 бөлімнен құралған. Аудиотаспа қызметі бар видеобақылау жүйесімен қамтылған». Бұл жұмыстың басты мақсаты - полиция қызметінің ашықтығы мен айқындығын көрсету, қала тұрғындарын қабылдау үшін ыңғайлы жағдай жасау.

ДИНАРА ӘБДҮЛХАЛЫҚОВА, ЖЕРГІЛІКТІ ПОЛИЦИЯ ҚЫЗМЕТІ БАСҚАРМАСЫНЫҢ АҒА ИНСПЕКТОРЫ: - Күн сайын екі қызметкер кезекшілікте отырады. Мәселен тұрғындар қарпайым сауалмен немесе кеңес алу үшін сағаттап кезекте тұрады. Тұрғындардың уақытын үнемдеу үшін және полиция қызметінің ашықтығын қамтамасыз ету үшін жасалған жұмыс. Күрделі сұрақтар немесе мәселелер болса оны да анықтап, тисіті мамандарға жолдайтын боламыз.

Күн сайын Орал қаласының полиция басқармасына 100-ден астам қала тұрғыны түрлі мәселемен келеді. Мұнда  оралдықтар жасалған қылмыстар мен құқық бұзушылықтар бойынша шағымдар жазады.