БҚО бас мемлекеттік санитар дәрігерінің 28 қаңтардағы жаңа қаулысы шықты. Қаулы талаптарына сай жиналыс, конференцияларды дәстүрлі сипатта өткізуге рұқсат берілді.БжАҢА ҚО санитарлық-эпидемиологиялық бақылау департаменті басшысының орынбасары мәлім еткендей, қашықтан өткізу мүмкіндігі болмаған жағдайда карантин талаптарын сақтай отырып, жиналыс, кеңес, семинар, конференцияларды дәстүрлі сипатта өткізуге рұқсат берілді. Жалпы білім беретін мектептерде 1-4 сыныптар (халықаралық мектептерде 1-6 сыныптар), оқушы саны 600-ден аспайтын білім ордаларында барлық балалар штаттық режимде оқиды. Оқушы саны 600-ден астам мектептерде жобалық қуатының 50 пайызынан аспайтын жүктемемен штаттық режимде сабақ өтеді. Мектептен тыс ұйымдар штаттық режимде жұмыс жасайды. Колледждер мен жоғары оқу орындарының студенттері аралас оқыту форматымен білім алмақ. ЖОО-да карантин режимін бұзу анықталған жағдайда білім алушылардың барлығы қашықтан оқытуға көшіріледі. «Ashyq» жобасына қатысатын нысандарды қоспағанда, ойын-сауық, ұжымдық, отбасылық, естелік іс-шараларды, оның ішінде үйде (банкеттер, үйлену тойлары, мерейтойлар және т.б.) және басқа орындарда адамдар көп жиналатын өзге де іс-шараларды өткізуге және оларға қатысуға бұрынғыша тыйым салынады.Сонымен қатар ауру таралу көрсеткішін сипаттайтын матрица енді ауруханадағы науқастар толымдылығымен бағаланатын болды.Басқа да карантиндік шектеу шаралары сақталады. Қаулы 28 қаңтардан бастап күшіне енді.

БҚО да түнгі қозғалыс шектелді. Бас санитар түнгі уақыттағы қозғалысты шектеу туралы қаулысын жариялап, қажет болған жағдайда STOPCOVID.KZ. сайтына тіркелу қажетін мәлімдеді.Негізінен аурудың өршуі карантиндік талаптарды күшейтуге себеп болып отыр. Түнде жүруге тыйым салынып, жексенбіде сауда үйлері жұмысын тоқтатады. Жедел жәрдем, санитарлық қызмет пен құқық қорғау қызметі, құтқарушылардың жүріп тұруына ешқандай кедергілер жоқ. Бұдан бөлек енді сенбі күні жабық сауда нысандары жұмысын жалғастырады. Ал жексенбі күні барлық базарлар қызметін уақытша тоқтатады.Жеке және заңды тұлғаларға басқа да дәлелді себептермен сағат 00.00-ден 06.00-ге дейін автокөлікпен жүру қажет болған жағдайда stopcovid.kz сайтына тіркелу керек немесе "109" телефоны арқылы өтінім қалдырады. Бұдан былай карантин қағидасын бұзғандардың барлығы қатаң жазаланады.

БҚО бас мемлекеттік санитар дәрігерінің 1 наурызда жаңа қаулысы шықты. Бұдан былай мемлекеттік қызметкерлердің - кемінде 60, жеке кәсіпкерліктегілердің 50 пайызы қашықтан жұмыс істейді. Сондай-ақ жабық базарлар мен сауда үйлері жексенбі күні де жұмыс жасайтын болады. Мектептерде бұрын 1-5 сыныптарда кезекші топтағы оқушылар ғана оқыса, енді бәрі де дәстүрлі түрде білім ала алады. Тек бір сыныпта балалар саны 15-тен аспауы қажет. Сондай-ақ осы кезге дейін сабақтан тыс уақытта 5 баладан аспайтын топқа жеке оқытуға рұқсат берілді. Ал сыныптар ішінде бала саны 25-тен аспауы тиіс, ал одан көп болса, онда білім басқармасымен бірлесе отырып, оқушылар екіге бөлініп оқытылады.Орал қаласындағы М. Ықсанов атындағы ЖББОМ ұжымы карантиндік шаралардың жеңілдетілгеніне дән риза. Себебі жылдан аса уақыттан бері ұстаз бен оқушы арасындағы тығыз байланыстың бұрынғыдай болмауы балалардың оқу үлгерімінің аз да болса ақсауына себепші болған. Мектеп оқушылары парталарға арнайы санитарлық талаптарға сай отырғызылып, білім берілуде.

2021 жылдың қаңтар айында БҚО-да 900-ден астам коронавирус індетін жұқтыру дерегі тіркелді. Бұл туралы облыстық санитариялық-эпидемиологиялық бақылау департаментінің мамандары хабарлады. Соңғы күндері жұқпалы індетті жұқтырған науқастардың саны артып, өңір тәж тажалының таралуына байланысты "қызыл аймаққа" енді. "Ковид-19" дертіне қарсы күресті қатаңдату мақсатында бас санитарлық дәрігер Арыспаев жаңадан қаулы шығарды.

Коронавирусты жұқтырған науқастардың саны артқандықтан БҚО "қызыл аймаққа" енді. Осы айда жұқпалы індетті жұқтырғандардың саны 900-ден асқан. Сала мамандары жағдай тұрақсыз деп қаулы артынан қаулы шығартып, карантин талаптарын күшейтті.

25-ші қаңтардан бастап күшіне енетін жаңа қаулыға сәйкес демалыс күндері сауда үйлері, азық-түлік, азық-түлік емес базарлар мен моншалардың жұмысы тоқтайды. Мектептерге келетін болсақ, қала мен ауылдық жерде орналасқан білім беру ошақтарында 1 мен 5-ші сынып және 9-дан 11 сыныптың оқушылары оқиды. Сыныпта 15 баладан аспауы керек. Мамандар Бөрлі мен Шыңғырлау аудандарында оқушыларды ыстық тамақпен қамтамасыз ету процесі ұйымдастырылмайтынын айтады.

Жаңа қаулы 14-ші ақпанға дейін өз күшінде болмақ. Күшейтілген карантиннің салдарынан бұрыннан шығынға батқан кинотеатрлар шектеу кезінде қайтадан өз жұмысын тоқтатып отыр.

Сурет ғаламтордан жүктелді

БҚО-да демалыс және мереке күндері сауда үйлері мен базарлардың жұмыс жасауына рұқсат берілді. Жаңа қаулы 9 желтоқсаннан бастап күшіне енеді. Естеріңізге сала кетеміз, кәсіпкерлер жексенбі және демалыс күндері сауда үйлерінің жұмысын жандандыруды өтініп, бірнеше мәрте шектеуге наразылық танытқан болатын.Енді жексенбі және мереке күндері де барлық сауда үйлері, жабық базарлар ашық болады. Сондай-ақ осы күндері қоғамдық көліктер де жүреді. Бұрын сағат 23.00-ден бастап таңғы 06.00-ге дейін қозғалысқа шектеу қойылған болатын. Енді бұл уақыт сағат 00.00-ден 06.00-ға дейін болып өзгерді. Сонымен қатар барлық бағыттағы тамақтану орындарына арақашықтықты сақтай отырып, 50 адамға дейін қабылдауға рұқсат берілді.Бұған дейін демалыста сауда орындарының жұмысын жандандыруға бірнеше мәрте рұқсат сұраған кәсіпкерлер жаңа қаулының шыққанына дән риза. Олардың айтуынша сенбі мен жексенбіде және мереке күндерінде ғана сауда жүріп, жұмыс жанданатын көрінеді. Мәселен, "Московский" жабық базарында бүгінде 700-ге жуық адам еңбек етеді. Базар әкімгері наурыз айынан бері жұмыс орындарын сақтап қалу үшін сауда бутиктерін жалға алушыларға барлық жағдайды жасағандарын айтады.Дегенмен ойын-сауық, спорттық іс-шаралар, көрмелер, форумдар, конференциялар, жаппай жаңа жылдық іс-шаралар (соның ішінде ертеңгіліктер, корпоративтер), сондай-ақ үйде және адамдар көп жиналатын жерлерде отбасылық, естелік іс-шараларды (банкеттер, үйлену тойлары, мерейтойлар, еске алу және т. б.) өткізуге тыйым салынады. Басқа да шектеу шаралары өз күшінде қалады. Кинотеатрлар жұмысын бастау бойынша мәселе алдағы аптада облыстық штаб отырысында қаралмақ.Қазіргі таңда өңірде ауырғандар саны 8304-ке жетсе, соның 7422-сі жазылып шықты. 137 адам індеттен көз жұмды. Пневмонияға шалдыққан 110 адам стационарда, 60-ы амбулаторлық ем алуда. Пневмониядан 239 адам қайтты. Күні бүгін өкпені жасанды желдету аппаратына 3, оттегі концентраторына 8 адам қосылған. Жеті жұқпалы аурулар стационарында 135, төрт карантиндік стационарда 70 адам емделуде. 10 адам жансақтау бөлімшесінде жатыр.