Орал қаласында Әлия Молдағұлова атындағы №38 мектеп -лицейі жаңа ғимаратқа көшті. Аталмыш білім нысаны Зашаған кентінде орналасқан. Жаңа оқу ордасы 900 орындық.

Тұңғыш президент мерекесі қарсаңында 19 ғасырда салынған көне ғимаратта сабақ беріп келе жатқан Әлия Молдағұлова атындағыя №38 мектеп-лицейі жаңа ғимаратқа көшті.

Жаңа ғимараттың құрылысы 2019 жылы басталған. Жалпы білім ордасы 900 орындық. Сала мамандары оқушылар мектепте кезекші сыныптарға қабылданып, жаңа нысанда білімдерін жалғастырады,- дейді.

Зашаған кентінде орналасқан жаңа білім ордасы үш аусымда оқитын №10 және 47 мектептің мәселелерін шешуге атсалысады. Жалпы Орал қаласы бойынша 2 мектеп апатты деп танылған. Қазіргі таңда екі ескі ғимарат сүріліп, жаңа мектептің құрылысы жүзеге асып жатыр. Облыс орталығында үш аусымда оқитын мектептердің санын азайту үшін 2 нысанның құрылысы жүзеге аспақ.

Орал қаласында автовокзалдың жаңа ғимараты пайдалануға берілді. Жаңа нысанның құрылысы бес айдың көлемінде аяқталып отыр. Көлемі 900 шаршы метрді алып жатқан ғимарат барлық стандарттарға сәйкес келеді.

Құрылысы бес айға жалғасқан автовокзалдың жаңа ғимараты жолаушыларға қолдануға берілді. Ғимараттың көлемі 900 шаршы метр. Жаңа автовокзал 1000 адамға қызмет көрсете алады.

Ғимараттың ашылу салтанатына шаһар басшысы да қатысты. Қала әкімі нысанның маңыздылығына тоқталып, вокзал басшылығына құтты болсын айтып, жолаушыларға сәт сапар тіледі.

Сондай-ақ, автовокзал ғимаратында ана мен бала бөлмесі бар. Талаптарға сәйкес нысанда мүмкіндігі шектеулі жандардың талап-тілегі де ескерілген. Жаңа ғимараттан алғаш рет жолға шыққан жолаушылар қуаныштарымен бөлісуде.

Қазіргі таңда Оралдың автовокзалынан 6 халықаралық, 2 облысаралық, 40 елді-мекенге автобус қатынайды.