Қыркүйек айынан бастап жергілікті футбол жанкүйерлері сүйікті командасының ойынын өз алаңында тамашалайтын болады. Қазіргі күнде бекітілген жоспарға сай, облыс орталығындағы "Ақжайық" стадионындағы жасанды төсеніштің көнесін жаңасына ауыстыру жұмыстары басталды. Бұл бағыттағы жұмыстарға жекеменшік әріптестік аясында қаржы бөлініп отыр. Қаражат көлемі шамамен 160 миллион теңгені құрайды. Сенімгерлік құқығымен "Ақжайық" стадионын қарамағына алған "BANEM" ЖШС стадион инфраструктурасын жаңартуды бастады. Серіктестік биылғы жылға жоспарланған "Ақжайық" стадионының көне төсенішін ауыстыру жұмыстарын жоспарға сай бастаған. Қазіргі таңда стадионның ескі төсеніші алынып, алаң орны дайындалуда. Ескі төсемдерді толықтай бұзып, жинау жұмыстары ай соңына дейін созылады. Содан кейін монтаждау жұмыстары басталады. Бұл жұмыстармен қатар стадионның кәріз және суару жүйелері де жаңғыртылады деп күтілуде. Естеріңізге сала кетейік, жаңа төсеніш төсеу жұмыстарын "Астана Спорт Строй и К" компаниясы жүргізуде. Әзірше жаңа жасанды газонның орнын дайындауға 8 жұмысшы тартылған. Ал негізгі төсеніш екі күннен соң облыс орталығына жеткізілмек. Қазіргі уақытта стадионға келіп жүрген 800-ден аса футбол сүйер жастың негізгі жаттығу кестесі өзгеріссіз қалған. Құрылыс жұмыстары аяқталғанша жас аяқ доп шеберлеріне «Жастар» стадионнының алаңында сүйікті спортымен шұғылдануға мүмкіндік жасалынған. Бұған дейінгі болған жасанды газон осыдан 12 жыл бұрын жайылыпты. Алаңның халықаралық стандарттарға сай келмегендігінен жергілікті "Ақжайық" командасы еліміздің бірінші тобындағы кездесулерін Ақсай қаласында өткізіп келеді. Спорт жанкүйерлері үшін тағы бір жағымды жаңалық. Келер жылы кәсіпкерлердің демеушілігімен Орал қаласында бұқаралық спортқа арналған жабық алаң салу да жоспарланып отыр.

Оралдағы "Ақжайық" стадионына жаңа газон төселетін болады. Бұл туралы «Ақжайық» ФК бас директоры Азамат Шайхы мәлімдеді. Негізгі стандарт бойынша газонның биіктігі 60-см ден кем болмауы тиіс. Ал қазіргі  орнатылған газон әбден ескірген  тіпті кей жерлері тесіліп қалған. Осы кезге дейін өз алаңымызда  премьер лиганың бірнеше ойыны өтуге тиіс болатын.  Аталған олқылықтарға байланысты бәсеке Ақсайдағы "Қарашығанақ" спорт  кешенінінің алаңында ұйымдастырылды. "Ақжайық" футбол клубының алаңы  шілденің басынан  күзге дейін  уақытша жабылмақ. Қазірдің өзінде спорт кешенінде жөндеу жұмыстарына байланысты мүмкіндігі шектеулі жандарға арналған жаттығу залының жұмысы тоқтатылған. Стадионда қазір 20 ның үстінде қызметкер бар. Әсіресе жаңашылдыққа жаттықтрушылар дән риза. Аталған жаңару жұмыстары жекеменшік әріптестік аясында жүзеге асырылады. Шамамен оған жұмсалатын қаржы 160 млн теңге. Ал келер жылы  кәсіпкерлердің  демеушілігімен  жабық алаң салу да жоспарда тұр