6-сәуірден бастап қазақстандық білім беру жүйесі қашықтан оқытуды қолға алды. Қазақстандық оқушылар 4-ші тоқсанда үйден отырып, білім алатын болады. Бұл жаңашылдық ұстаздар, оқушылар мен ата-ана үшін біраз қолайсыздық тудырып, алаңдатқаны рас.

Күллі әлемде таралған індет қазақстандық білім беру жүйесіне біраз өзгерістер енгізді. Мінекей, екі жұма бұрын каникулға шыққан оқушылардың баршасы 4-ші тоқсанда үйде отырып, қашықтан білім алады. Еліміздің бас педагогі жұма күні ата -ата мен ұстаздарды толғандырған мәселелерге нүкте қойып, қашықтан оқыту процесін онлайн оқумен шатастырмау керектігін атап өтті. Сол себепті қашықтан оқу бірнеше тәсілі арқылы жүзеге аспақ.

Қазіргі таңда Батыс Қазақстан облысында 108 мың оқушы білім алуда. Олардың 91,5 пайызында компьютер мен смартфон бар. Облыстың бас педагогігінің келтірген дерегі бойынша, оқушылардың 86 пайызы ғаламтормен жұмыс жасайтын мүмкіндікке ие.

1- сәуірде қазақстандық педагогтар жаңа білім беру процесі бойынша алғашқы сынама сабақтарын беріп, қашықтан оқытудың оңтайлы жолдарын іздестірген болатын.

Еліміздің бас педагогі жаңа білім беру жүйесіне бейімделіп, сабақ беруін жаңа форматта жалғастырып жатқан мұғалімдерден ешкім есеп талап етіп, оларды тексере алмайтындығын кесіп айтты. Министр ұстаздарға сенім арту керек,-дейді.

Енді кәсіп ашпақ болған, екі қолға бір күрек таба алмай, жұмыс іздеп дал болған жастарға жастар ресурстық орталығының есігі айқара ашық! Форматы өзгертіліп, қайта ашылған орталық қағазбастылықтан айырылып, тек электронды түрде қызмет атқармақ. Арна тілшісі оң өзгерістердің куәсі боп қайтты.

Жастар ресурстық орталығының кеңес беру бөлімі жаңа қырынан ашылды. Ашықтық пен қолжетімділікті қамтамасыз ету мақсатында аталған бөлім форматы өзгерді. Жаңа жастарға қызмет көрсету орталығының жұмысымен облыс әкімінің орынбасары Ғабидолла Оспанқұлов арнайы танысты. Шетелдік тәжірибеге сүйене жасақталған нысанға оң баға да берілді.

Орталық есігі жастар үшін айқара ашық тұрмақ. Басты ерекшелік ұзын сонар кезекке тұрмастан алуан түрлі көмек алуға болады. Мұндағы компьютертерлер де, принтер мен кеңесші көмегі де сіздің құзырыңызда.

Орталық есігін алғаш боп ашып, көкейкесті мәселелерін шешуге келген жастар бірден сұрақтарына тұшымды жуап алып жатты. Орталық өңірдегі ондаған кәсіпорындаррмен келісімге келіп, жұмыс сұрап келген тұрғындарға мүмкіндік ұсынуда.

Осы секілді қызмет көрсету орталықтары енді облыс аудандарынан да ашылмақ.