Еңбек министрлігінің адына жиналған толық емес отбасы яғни жалғыз басты аналар биліктен баспанамен қамтуды талап етті. Аналардың айтуынша, олар баспанаға қатысты ешбір бағдарламаға қатыса алмай қалған. Оның ішінде Бақытты отбасы бағдарламысынан толық емес отбасылар 2026 жылға дейін алынып тасталғанын айтып, налыды. Арыз-шағымдарын айта келген жалғызбасты аналардың ішінде көпбалалылар да бар. Олар бұл талаптары ел басшының наразына іліксе деген үмітте. Сатып алу құқығымен бастапқы жарнасыз баспана берілсін дейді аналар.

Наразылық акциясын өткізген аналардың алдына еңбек министрлігінен ешкім шықпады. Тек Астана қаласы әкімінің кеңесшісі келіп, бұл мәселеге әкімдік жауап бермейді деді. Шенеунік кезекте тұрғандардың мәліметін айтып құтылды.

Еске сала кетейік, бұған дейін Отбасы банк" АҚ басқарма төрағасы Ләззат Ибрагимова "Бақытты отбасы" бағдарламасынан "толық емес отбасы" санаты неге алынып тасталғанын түсіндірген болатын. Ибрагимова 2 пайыздық несие алу үшін елде ажырасулар саны жиілеп кеткен. Арасында жалған ажырасулар да жоқ емес. Яғни "Бақытты отбасы" бағдарламасы бойынша арзан несиеге үй алу үшін қазақстандықтар осындай қадамға баратын көрінеді дегенді. Сол себепті "Бақытты отбасы" бағдарламасына қатысатындар тізімінен "толық емес отбасы" алынып тасталып, олар "Шаңырақ – 5-10-20" бағдарламасы бойынша ипотека ала алатын болады. Алайда, жалғызбасты аналар бұл несиені қалтамыз көтермейді деп отыр.

Астанада жалғызбасты аналар индустрия және инфрақұрылымды дамыту министрлігінің алдына жиналып, наразылық білдірді. Олар «толық емес отбасы» санатын «Бақытты отбасы» бағдарламасынан шығарылуына қарсы. Жалғызбасты аналар өздерінің бұл талабын инфрақұылымды дамыту министрлігіне жолдады. Үш ай бойы сабылып жеңілдетілген түрде баспанаға қол жеткіземіз деп құжат жинаған аналардың салы суға кетіп отыр.

Ал бүгін Астанада өткен баспасөз маслихатында баспана мәселесі сөз болған еді. ИИДМ Құрылыс комитетінің төрағасының орынбасары Бауыржан Қабдолдың айтуынша, «Бақытты отбасы» жеңілдетілген бағдарламасына қатысушылардың санаттары қайта қаралған. Нәтижесінде «толық емес отбасы» санаты алынып тасталды. Себебі, осы бағдарлама іске қосылғаннан бері «толық емес отбасы» санаты бойынша кезекте тұрғандар саны 72 пайызға немесе 61,6 мың адамға артқан.

2021-2022 жылдары «Бақытты отбасы» бағдарламасы бойынша өтініштердің 50 пайыздан астамы толық емес отбасылардан келіп түскен. «Отбасы» банкінің басшысы Ләззат Ибрагимованың айтуынша, баспана кезегіне тұру үшін ішінара жалған ажырасуға баратындар көбейген. Өткен жылы 48 мың 239 ажырасу фактісі тіркелген.

ЛӘЗЗАТ ИБРАГИМОВА – «ОТБАСЫ БАНК» АҚ ТӨРАЙЫМЫ «Қазір әлеуметтік желілерде «толық емес отбасылардан» өтініштер түсіп жатыр. Баспана кезегіне тұру үшін ішінара жалған ажырасуға баратындар көбейіп отыр. Бүгін мен Мәжілісте бір топ адаммен кездестім. Біз мемлекеттің бірінші кезекте мүмкіндігі шектеулі адамдарды баспанамен қамтамасыз етуге басымдық беретінін түсіндіреміз. Ал бұл орайда жетім балалар, 1 және 2 топтағы мүгедек адамдар, сондай-ақ мүгедек балаларды тәрбиелеп отырған отбасыларға басымдық беріледі».

Осыған орай үкімет арнайы қаулы қабылдап отыр. «толық емес отбасылар» санатын «Шаңырақ – 5-10-10» жобасына ауыстыратын болды. Мұндағы айырмашылық шамамен 30 мың теңгені құрайды. «Бақытты отбасы» бойынша 15 млн теңге несие алғандар алғашқы 8 жылда ай сайын 80623 теңгеден, 50% сома жиналғаннан кейін 63344 теңгеден төлейді. Ал «Шаңырақ» бағдарламасында «толық емес отбасы» дәл сондай пәтерді сәл жоғары төлеммен сатып алады. Яғни, ол алғашқы 8 жылда ай сайын 116 500 теңгеден, кейін 73 983 теңгеден төлейді- дейді Ибрагимова ханым. Қазір республика бойынша 621 мың астам адам үй кезегінде тұр. Оның 402 мыңы әлеуметтік осал топтағы азаматтар.