«Жайықжылуқуат» АҚ – TDK-42

Тұрғындар қарызы 400 миллион теңгеге жетті

Айнур Құрмашева — Mon, 23 Aug 2021 12:39:17 +0000

0:00 / 0:00

Қыстың қамын жаз ойла. «Жайықжылуқуат» АҚ-ның жылыту маусымына дайындықты тексеру мақсатында бірнеше күн ыстық су таратуды тоқтатады. Жылдағы дәстүр бойынша 15 қазанда басталатын «жылыту маусымына әзірлік пен жөндеу жұмыстары кестеге сай жүргізілуде»,- деген коммуналық мекеме басшысы компанияға тұрғындар қарызы шаш етектен екенін де айтты. Оралда жеке сектор тұрғындарының жылуға берешек қарызы 400 миллион теңгеге жеткен. Жылу жеткізуші компанияда қазір жоспарлы жөндеу жұмыстары жүріп жатыр. Осыған байланысты жылу желілеріндегі қысым азайтылып, кәсіпорын жұмысы бірнеше күнге толықтай тоқтайды. Қарыздың бұлай көбеюі жаңғырту жұмыстарын жүргізуге кедергі келтіреді,- дейді кәсіпорын басшылары.Алдағы жылыту маусымына дайындық жұмыстарына бюджеттен 405 миллион теңге бөлініпті. Осы қаражат есебінен жылу электр орталығындағы желілер мен қазандықтарға жөндеу жұмыстары жүргізіледі. Қазіргі таңда бөлінген қаржының 83 проценті игерілген.
Айта кету керек, аймақтағы инженерлік желілерді толықтай жаңғырту қажет. Әсіресе, су құбырлары мен жүйелерінің және электр желілерінің басым бөлігі жаңартуды талап етеді. Бу турбиналарын салқындатуға қажетті суды жеткізу де қиындап барады. Өйткені, жайық өзені деңгейінің төмендеуі салдарынан жағалаудағы су сорғы стансаларына күш түседі,- дейді мамандар.

Жылу жүйелері жаңғыртылуда

Айнур Құрмашева — Thu, 22 Apr 2021 12:17:05 +0000

«Водстрой» автономды қазандығын жаңғыртуға республикалық бюджеттен 536 млн. теңге қаражат бөлініп, мұндағы үш жылыту қазандығы толықтай ауыстырылған. 1973 жылы жұмысын бастаған коммуналдық нысан 33 үйге қызмет көрсетеді. Осы күнге дейін Зашаған кентіндегі көптеген үйлерде ыстық суды арнайы құрылғының көмегімен ысытып отырды. Жаңғырту жұмыстары бұл мәселенің шешімін тапты дейді «Жайықжылуқуат» АҚ бас директоры Қуат Мусин. Енді үй иелерінің келісімімен ПИК тұрғынжайларына жылу айналдыратын құрылғыны орнату арқылы орталық су жүйесі қызметін пайдалана алады. Яғни, орталық жылыту жүйесіндегі ыстық суды тұтыну арқылы тұрғындар электр энергиясын үнемдейді. Аймақ басшысы Ғали Есқалиев Орал қаласының әкімі Абат Шынбековке ПИК тұрғындармен түсінік жұмыстарын жүргізу шараларын қолға алу қажеттігін ескертті. Ал бұл орталық көшелердің біріндегі жылу алмасу пункті. Пунктте 160 тұрғынға ыстық су таратылады. Нысандағы су айналымын реттейтін құрылғыны автоматтандыру арқылы жұмыс оңайлаған. Шаһарда осындай 70 жылу алмасу пункті болса, олардың 33-і өткен жылы жаңғыртылыпты. Ыстық судың қысымы мен температурасы да осы құрылғы арқылы бақыланып, реттеледі.
"Жайықжылуқуат" АҚ өкілдері негізгі проблема тұтынушылар қырызы екеніне тоқталды. Жыл басында оралдықтардың кәсіпорынға бережағы 1 миллиардтан асқан. Осыдан бірнеше жыл бұрын қолға алынған ұзындығы 34 шақырым болатын резервтік газ құбырының құрылысы әлі де болса аяқталған жоқ. Оған 3,5 млрд теңге жұмсалды. Сондай-ақ, коммуналдық мекемеде суды салқындату үшін қолданылатын жаңа салқындату мұнарасы бой көтеруі тиіс. Облыс әкімі оған жұмсаталытын 2 млрд теңге қаражаттың республикалық бюджеттен бөлінетінін атап өтті. Су салқындату мұнарасы жұмысын бастағанда «Жайық» өзенінің суын тұтыну бірнеше есеге азаятын болады.

Жылыту маусымы аяқталды

Айнур Құрмашева — Tue, 13 Apr 2021 13:04:13 +0000

0:00 / 0:00

12 сәуірде қалада жылыту маусымы аяқталды. Жылумен қамтамасыз етуші кәсіпорын келесі маусымға дайындыққа кіріседі. Жылыту маусымы қалыпты өтті. Тек желілерде шағын апаттар орын алып, ол дер кезінде қалпына келтірілді. «Жайықжылуқуат» АҚ бас директорының кеңесшісі Вячеслав Солодиловтың айтуынша, гидравликалық сынақтар 1 мамырға дейін жүргізіледі.Осыған байланысты ыстық су беруде 1-2 күн үзілістер болуы мүмкін. Оған бірнеше себеп бар.
Әрине, бұл кәсіпорынға едәуір шығын әкелген. Бүгінде жылу таратушы мекемеге тұтынушылардың қарызы - 540 млн. теңгеге жеткен. Одан бөлек өнеркәсіптік кәсіпорындар 57 млн. теңге қарыз. Егер қарыз уақытында өтелсе, жаз мезгілінде ыстық суды айыру мәселесі болмайды дейді сала мамандары. Бүгінде кәсіпорын «ҚазТрансГазАймақ» алдындағы қарызын толығымен өтеген. Ал, Орал Жылу электр орталығы 1960 жылы пайдалануға берілген. Осы орайда коммуналдық мекемедегі қондырғылардың 83 пайызының тозығы жеткен. Осы орайда турбиналық қондырғыны жөндеуге былтыр жобалық-сметалық құжаттама дайындалыпты. Көп ұзамай жаңғырту жұмыстары басталады деп жоспарланып отыр.