Облыстық жедел штабтың шешімі бойынша, ауа райының жылы болуына қарамастан қалада коронавирус инфекциясы таралуының алдын алу мақсатында жылыту маусымы мерзімінен ерте басталып отыр. Қазіргі уақытта облыс орталығы аумағындағы жылу желілері мен қамту нысандары жылыту маусымына дайын. Қала әкімінің тапсырмасына сәйкес, жылыту қазандықтарындағы суды қыздыру жұмыстары басталды.

Күн райының салқындауына байланысты Орал қаласында жылу беріле бастады. Алайда жылыту қазандықтары толықтай қызғанша екі үш күн уақыт жылудың берілгені байқалмауы мүмкін. Ал көппәтерлі тұрғын үйлердің дайындығы 92 пайыз болып тұр.Қазір трассадағы жылудың орташа температурасы 65-70 градус, 90 градусқа жетуі керек. Көппәтерлі үйлердің көбі жылу маусымына дайындық құжатын тапсырған. Кәрі құдаң қыс келетін уақыт таясада да бұл мәселеге бас қатырмай отырған ПИК  бар екен. Қазіргі уақытта тұрғындардың жылуға берешегі 350 млн теңгеден асып тұр. «Батыссуарнасы» мекемесіне 200 млн теңгеден аса бережақ бар.Берешектерді төмендету бойынша коммуналдық кәсіпорындар өз жұмысын жасауда.  Ал қаладағы денсаулық сақтау, білім және мәдениет нысандары жылыту маусымына толық дайын.

«Жайықжылуқуат» АҚ-ның «2016-2020 жылдарға арналған Орал қаласын жылумен жабдықтау жүйесін, ЖЭО жабдықтарын, суалғы мен қазандықтарды қайта құру және жаңғырту» инвестициялық бағдарламасы бойынша бірнеше жылу магистралында жөндеу және қайта құру жұмыстарын жүзеге асырған. Бағдарламаның жалпы құны 1 млярд. 404,9 теңгені құрайды. Биыл бұл жобаға бюджеттен 95 миллионға жетер-жетпес бөлінсе, іске асқан жобалардың құны 43 жарым млн. теңгені құрап отыр. Бағдарламаның орындау барысына арналған пресс-тур алдымен қаламыздың «Дом Быта» ауданында орналасқан жылуландыру пунктінде өткізілді. Мұнда ыстық су жүйесінің пластиналық жылу алмастырғыштары жаңаланды. Енді жаңа құрлығы арқылы аталған аудандағы 20 тұрғын үй мөлдір, әрі таза ыстық сумен қамтамасыз етіліп келеді. Игі бастамаға - 18, млн.теңгенің үстінде қаражат бөлінген. Бүгінгі таңда 8,9 млн. теңге қаржысы игеріліп отыр. Бұдан кейін "Депо" көпірі ауданындағы орналасқан 5-ЖМ жылу магистралындағы ұзындығы -110 метр болатын жылу құбырлары қайта төселген жұмыстар таныстырылды.биылғы жылы аталмыш жұмыстарға 15 млн. теңгеден жоғары сома ескерілсе, оның 100 пайызы орындалған. Сондай-ақ инвестициялық бағдарлама аясында апатқа дейін жөндеу қажет болған құбырлардың учаскелерін анықтай алатын екі каналды импульстік рефлектометр сатып алынды. «Жайықжылуқуат» АҚ-ның өкілдері жыл соңына дейін инвестициялық бағдарлама аясында атқарылуға тиіс жұмыстарды осындай қарқында жалғастырмақ ниетте.

Сот орындаушылары борышкердердің 950 жылжымайтын нысанын кепілдікке алған. Бұл жөнінде қарыздарды өндіру жолында үздіксіз жұмыс жасап жатырған жылу таратушылар мәлімдеді. Коммуналдық кәсіпорынның рейдік шарасына арна тілшілері де қатысып қайтты.

Коммуналдық кәсіпорын таратқан жылу мен ыстық суды пайдаланып алып, тұрғындардың төлемақыдан бас тартуы-кәсіпорын қызметкерлерінің жұмысын күрделендіріп жіберді. Өздіктерінен кассаға келіп төлемеген соң борышкерлердің үй-үйін аралап, рейдке шығатын мамандар тізімдегі мекен-жайларды жатқа біледі. Себебі сот орындаушыларымен бірге бұл пәтерлердің табалдырығын талай тоздырған. Алайда көбі есіктен әрі асырмайды, ақшаны өндіріп алу оңайға түспей тұр. Елдің бәрі жұмыстан оралатын кешкі уақытта келсе де, үйлерінен таба алмай әуре-сарсаңға түседі.

Борыштың толық өтелмеуі жылу таратушылардың газға қарыздар болуына себеп. Бұл орайда жылжымалы кассамен де жұмыс атқарылуда. Қазіргі таңда сот орындаушыларының өндірісінде кәсіпорынға бережақ жалпы сомасы 117 млн. теңгенің 2400 өндірістік ісі жатыр. Қазір 340 борышкердің шотына бұғат қойылып, 500ден астамының жалақысы мен зейнетақысан бережақтары ұсталып тұрады. 89 көлік айып тұрағына тоғытылса, 615 адамның шекарадан шығуына шектеу қойылған.

"Жайық жылу қуат" АҚ жылыту маусымына қосылуға 98 пайызға дайынбыз деп мәлімдеді. Қазіргі кезде жылу құбырларында қысқы уақыттағы апаттың алдын алуға бағытталған сынақ жұмыстары жүргізіліп жатыр. Сол себепті қаланың кей аудандары ыстық судан ажыратылған. Ал жылу ақысының төленбеуі-коммуналдықтар үшін өзекті мәселе болып қалып отыр. Орал қаласында биыл 4 жылу магистралінде жөндеу жүргізілген болатын. Олар 2ші, 7ші, 4ші және 8ші жылу желілері.

-"ТМ 2 жылу желісінде жұмыстар бітіп, ыстық су қосылды. ТМ 7 желісі 15 қыркүйекте аяқталуы тиіс болса, 4ші, 8ші жылу желілері 30 қыркүйекке дейін дайын болады деп күтіліп отыр. Жылыту маусымына дейін барлығы әзір болады. Жылыту маусымы 15-қазанда басталады",-дейді "Жайық жылу қуат" АҚ бас директоры Мұрат Бәйменов.

Коммуналдықтар жылыту маусымына дайындық кезінде тұтынушылардан борыш ақыларын өндіру деңгейі төмендеп кеткенін айтып отыр. Бұған ата-аналардың мектепке дайындығы мен күзгі қарбалас себеп болуы мүмкін деп болжайды мамандар. Бүгінгі күні қала тұрғындары "Жайық жылу қуат" АҚ-на 371 млн. теңге бережақ болса, кәсіпорын газға 245 млн. теңге борышты.

Биыл облыста 40 шақырым жылу желісі жөнделуі жоспарланған еді. 5 жоба "Нұрлы жол" бағдарламасы бойынша жүзеге асуда. Жылыту маусымына дайындық кезінде иесіз үйлер мен жатақханалар мәселесі қиындық туғызуда. "Жайық жылу қуат" АҚ жылыту маусымына қосылуға 98 пайыз дайын екенін хабарлады. Тұрғын үйлердің басым бөлігі желілерін жуып, үй құжаттатын рәсімдеп қойыпты. Күн суытса бірінші кезекте мектеп, балабақша, аурухана сынды әлеуметтік нысандар жылу көзіне белгіленген мерзімнен ерте қосылатын болады.

Яғни жылу қазандығын газға қосу жұмысы жанданды. Бұл жөнінде "Жайық жылу қуат" АҚ мәлімдеді. Осыған дейін облыс орталығында 2 аптаға ыстық су ажыратылған болатын. Коммуналдықтар "Қазтранс газ аймақтың" алдындағы қарызын өтеу үшін борышкерлерден қарызды өндіру шарасын үдеткен.

Екі апта бойы ыстық сусыз отырған қала тұрғындары арасында еш жазықсыз борышкерлердің кесірінен жазаланғандар болды деуге негіз бар. Олар -үнемі коммуналдық қызмет ақысын уақытылы төлейтін жауапты тұтынушылар. Бүгінгі күні жылу қуазандығындағы жұмыстың жандануы борышкерлермен күресте атқарылған үздіксіз жұмыстардың арқасы. Және газ жеткізушілермен келісім құрылған.

Өкпелері қара қазандай болса да, тұрғындар мұндай қолайсыздыққа үйреніп, суды ысытып пайдаланып келеді. Бірақ бұл биыл соңғы рет ыстық суды ажырату болса екен деп тілейді. Борыштарды өндіруге Ураган көлігі де көмектесуде. Жол сақшыларымен коммуналдық ақыны төлемеген адамның ондаған көлігі айып тұрағына тоғытылған. Күн сайын қалада қарыздарды жинаумен 7 мобильді топ айналысуда.

Бұл үздіксіз жүргізілген рейдтік шаралардың нәтижесі. Бір күнде борышкерлер арасынан Циолковский 16/1 мекен-жайының тұрғыны 200 мың теңге төлесе, өзге тұтынушылар да тұтынған қызмет ақысын қайтаруда белсенділік танытыпты.

Жылу ақысының қарызы өзекжарар мәселеге айналғалы қашан. Шыктен тыс ушығып, дер кезінде өндірілмеген борыштар жылу таратушыларды тығырыққа тіреді. Бұл орайда үздіксіз жүргізілген рейдтер жемісін беріп отыр. Күн сайын борышкерлердің үйлерін аралаған коммуналдықтар біраз жетістікке қол жеткізді. Осыған дейін тұтынушылар "Жайық жылу қуат" АҚ-на 400 млн. теңге бережақ еді. Кәсіпорын кассаларында әдеттігедей адам қарасы үзілмейді. Үнемі коммуналдық ақыны кешіктірмей төлейтін тұтынушылар өзгелер үшінзардап шегіп отырғандарына өкпелі. "Жайық жылу қуат" АҚ өз тұтынушыларынан қарызын өндіре алмау салдарынан "Қазтрансгазаймаққа" борышты болып, қала бірнеше рет ыстық судан ажыратылды. Басынан қара бұлт арылмаған кәсіпорын осыған дейінгі басшылардың "бармақ басты, көз қысты әрекетінен" де біраз жапа шеккен еді. Қаржылық қиын жағдайға қарамастан қазір коммуналдықтар жылу маусымына дайындық қамына кірісті.

"Жайық жылу қуат" АҚ-на тұтынушылар 495 млн. теңге бережақ. Бұл жүргізілген рейдтік шаралардың арқасында біраз азайған сома. Бірақ коммуналдық кәсіпорынға қасақана борышкерлерден қарызды өндіріп алу оңайға соқпай тұр. Күн сайын үй-үйді аралайтын мобильді топ, борышкерлердің жасырынып, үйлерінің есігін ашпауы сияқты кедергілерге жиі тап болады. Өткізілген рейд шараларының біріне аталмыш кәсіпорының бас директоры арнайы шығып қатысты.

Бұл мобилдік топтың күнделікті жұмысы. Рейдік шара елдің бәрі жұмыстан оралатын уақытта, сағат кешкі 7лерде ұйымдастырылды. Еуразия 52 мекен-жайындағы тұрғын үйде бірнеше борышкер тұрғын бар екен. Алайда қанша қақсақ та, ешбір пәтер иесі есігін ашпады. Ең ауқымды қарыз 945 мың теңгені құрайды. Пәтер иесі ресми түрде жұмыссыз, үнемі үйінде болмайтын азаматша көрінеді. Енді бірі-темір тордың ар жағында жазасын өтеп жатырған көрінеді. Бірақ көршілерінің айтуынша, пәтерін үнемі жалға береді. Үнемі жасырынып, қашып жүретін борышкерлермен күрес оңайға соқпай тұр.

Бүгінгі таңда тұтынушылар "Жайық жылу қуа"т АҚ-на 495 млн. теңге бережақ болса, коммуналдық кәсіпорынның газға қарызы 300 млн. теңгені құрап отыр. Ыстық суды ажырту сияқты келеңсіздік қалада тағы қайталанбас үшін коммуналдықтар борышты осындай шаралар арқылы қайтарып алуға жанталасуда.

Коммуналдық кәсіпорынға борышты 263 адамның шетелге шығуына тыйым салынған. 3 азамат сот шешімі бойынша 5 тәулікке қамалыпты. Және жол сақшылар көмегімен қарызын өтемейтіндердің автокөліктері айып тұрағына тоғытылып жатыр. Алда бұл бағыттағы жұмыс жалғаса береді.

"Жайық жылу қуат" АҚ-ның жылу қазандығына көгілдір отын беріліп, газ таратушылар алдындағы қарыз азайыпты. Бұл жөнінде тұрғын үй коммуналдық шаруашылығы және тұрғын үй инспекциясы бөлімі хабарлады.

Ыстық суды қосу үшін "Жайық жылу қуат" АҚ-на тұтынушылардан борыштарын өндіріп алу үшін біраз тер төгуге тура келді. Түрлі шаралардың арқасында "Қазтрансгазаймақ" алдындағы қарыз 240 млн. теңгеге дейін қысқарып отыр. Соның арқасында ыстық су берілді. Тек жөндеу жұмыстары жүріп жатқан аудандарда 200-ден астам үй қыркүйек айына дейін суға қосылатын болады дейді мамандар.

Ыстық күнде қала тұрғындары үшін сусыз отыру қиын жағдай. Ал коммуанлдық кәсіпорынның газға қарызы толық жабылса игі. Егер жағдай ушықса, газ таратушылар көгілдір отынды беруді тоқтатып, қаланы судан ажыратып тастаудан тайынбайды. Сондықтан борышкер тұтынушылармен күрес үздіксіз жүріп жатыр.

Аталмыш жағдайда еш жазықсыз жапа шеккен- қызмет ақысын уақытылы төлеп жүрген тұтынушылар. "Жайық жылу қуат" келеңсіз жағдайдың қайталануына жол бермеу үшін қолдан келген шараны қолдануға дайын.