Көктайғақ салдарынан жапа шеккендер қатары артып отыр. Бұл туралы облыстық аурухана дәрігерлері мәлімдеді. Күніне аяғы тайып құлап, жарақат алғандардың 30 пайызы амбулаториялық ем алуға жіберілетін көрінеді. Толассыз жауған қарты тазарту жұмыстары бірнеше ауысымда жалғасқанымен, табиғаттың тосын мінезіне тойтарыс беру қиынға соғуда. Қар тазалу жұмыстарына 230 техника мен 300-ден аса жұмысшы тартылған. Ал шаһар аумағынан шығарылған ақ ұлпа үш полигонға тасылуда. Қазір жарияланған төтенше жағдайға байланысты коммуналдықтар тек сағат 23:00-ге дейін жұмыс жасауда.

Оралда коммуналдықтар қар тазалау жұмыстарына кірісіп кетті. Мәселен, биылғы жылы 200-ге жуық техника қысқы маусымдық жұмыстарға тартылатын болса, қосымша 300-ге жуық адам қол жұмысын атқарады.Алғашқы қар түсіп, коммуналдықтар атқа қонды. Биыл 14 мың тонна құм мен тұз қоспасы және қосымша инертті материалдар дайындалған. Сәйкесінше көлік иелері дөңгелектерін қысқыға ауыстырып әлек. Таң сәрісінен бері көлік жөндеу орындарының алды ұзын-сонар кезек.

Оралда көктемгі тасқынның алдын алу жұмыстары қарқын алды. Күнбе-күн арықтар қар мен мұздан тазартылуда. Қазір бұл жұмыс 90 пайызға атқарылған. Қолға алған шаруаны аптаның соңында аяқтау көзделіп отыр.Қар мен қоқысқа толған арықтарды тазалап, аршу жұмысы өткен айда басталған. Бұл іске "Жайық таза қала" ЖШС -нің 350 адам мен 120 техника жұмылдырылыпты. Тазарту мен қарды шығару тәулік бойы жүргізілуде. Оралдағы үлкен және кіші айналма арықтар желісі 7360 метрді құрайды. "Тазарту кезінде өткен жылдардағы тәжірибені негізге аламыз",- дейді кәсіпорын басшысы. Су басу қаупі бар аумақтар бірінші кезекте аршылады. Айта кеткен жөн коммуналдық мекеменің екі жылғы жұмысына БҚО бойынша тексеру комиссиясы бақылау жүргізіп, көптеген аудиторлық қателіктерді анықтаған. Оның ішінде 4 млрд. теңге шығын келтірген заң бұзушылық орын алғаны белгілі болыпты."Сәуір болмай, тәуір болмас",-демекші көктемнің алғашқы айы басталғанымен коммуналдықтар маусымдық жұмыспен әзірге қош айтыспасы анық. "Көктемгі су тасқынының алдын-алу жұмыстары үздіксіз жүргізіледі",- дейді мамандар.

Оралда екі күннен бері 4000 мың куб метр қар шығарылды. Қаладағы қарды тазалап, көлік қозғалысын реттеу үшін қосымша барлық техника жұмылдырылған. Сондай-ақ, коммуналдық қызметкерлерден құралған кезекші топ тәулік бойы жұмыс істеуде. Қазіргі таңда көктайғақты болдырмас үшін оған қарсы 3000 тонна материал қолданылған. Коммуналдықтар 70- ке жуық техниканың қар тазалу жұмыстарына жұмылдырылғанын айтады. Ал жиналған қар Асан ауылындағы  карераға тасылуда.Тұз бен құм араластырылған қосынды алдымен адам көп жүретін және әлеуметтік нысандарға барар жолдарға себілуде. "Жайық таза" қала ЖШС мамандары бұл маусымға дайын екендерін айтады. Осы орайда казгидромет орталығының мамандары ертең облыстың кей жерлерінде +1 градусқа дейін ауа райы жылынып, түнде қар, ал күндіз қар аралас жаңбыр жауады деп болжам жасауда.

Оралда құлайын деп тұрған ағаштар кесіліп жатыр. Сәуірдің басынан көшелер мен аулалардан 30 -дан астам қураған ағаш шығарылған. Коммуналдық қызметтер бірінші кезекте тұрғындардың өтініші бойынша жұмыс істеуде. Негізінен көшелерді ескі, қураған ағаштардан тазарту жұмыстары дәстүрлі түрде жыл сайын жүргізіледі. Былтырдың өзінде 100 ден астам терек кесіліпті. Өйткені құлайын деп тұрған ағаштар тұрғындар өмірі үшін қауіпті болып табылады. Демалыс күндері "Назарбаев" даңғылында екі қураған ағаш жол бойына құлаған. Абырой болғанда зардап шегушілер тіркелмеген. Биыл ескірген ағаштардың орнына шетен, терек, қарағай, қайың сынды мыңнан аса көшет отырғызылады. Айта кету қажет, көктем басталғалы ағаштарды кесу жұмыстары орталық көшелерде жүргізілді. Қураған ағаштарды кесу шаралары тұрғындар тарапынан болатын өтініш негізінде де жүзеге асады.

Бүгін түс ауа «Жайық таза қала» ЖШС 47 қызметкері кәсіпорын алдына жиналып, басшылыққа өз қарсылықтарын білдірді. Олардың негізгі дауы жалақы. Қызметкерлердің айтуынша, бұған дейін жүк көліктерін айдаған қызметкерлер басшылықтың бұйрығы бойынша бүгінен бастап қар тазалау жұмыстарымен шұғылдануы қажет екен. Басты түсініспеушілік осыдан өрбіген.Яғни тракторшылар мен камазшылар көліктерді тапсыруы тиіс көрінеді.
Яғни жұмысшылар негізгі қызметтен айрылсақ жалақымыз азайады деген қорқыныштарын жасырмайды. Ал басшылық болса, кәсіпорынға жұмыс қолының жетпей жатырғанын айтып, қызметкерлердің алаңдауына еш негіз жоқ екенініне сендіруде.
Жұмыс беруші мен қызметкер арасындағы түсініспеушілікке қала әкімі Мұрат Мұқаев пен оның орынбасары Сергей Доля араласып жұмысшылар еңбегі қаналмайтынана көздерін жеткізді.Осылайша қос тарап өзара ортақ шешімге келіп, қызметке қайта кірісті.

Облыс орталығының тазалығына жауапты кәсіпорын қаланы ақ мамықтан аршуға техникасы мен құрал-жабдықтарын сайлап қойғандарын мәлімдеді. Биылғы жылы сапқа 100-ден астам техника мен 800 жұмысшы шықпақшы. Қазіргі кезде кәсіпорын цехтарында жұмыс қыз-қыз қайнап жатыр.

Қысқы маусымда "Жайық таза қала" ЖШС-нің қарбалас ісі күрт көбейіп, бірнеше ауысымда жұмыс жасауға тура келеді. Қазір коммуналдықтар қысқа дайындықтың қамына қызу кіріскен.

Кәсіпорын қолда бар техника мен құрал-жабдықты майлап-сайлап, жолдағы мұзтайғақтың алдын алу үшін құм аралас қоспаларын дайындауда. Жыл санап қала аумағы ұлғайып келеді. Бұл тазалықпен айналысушы жалғыз ғана кәсіпорынға түсетін салмақты арттырып отыр. Мамандардың хабарлауынша, қажетті инертті материалдың да қоры әзір көрінеді. Кәсіпорын қызметкерлері күннің күрт суытып, ауа райының құбылуы орын ала қалатын жағдай болса, техниканы сапқа тізіп, маусымдық жұмысты бастауға сақадай сай екендерін айтып сендіріп отыр.