Өңірде әр көктем сайын арнасы толар Жайықтың жағалауын су шайып кетпеуіне жіті көңіл бөлінуде. Жағалаудан су асса, жақын маңдағы ел-жұрттың өміріне қауіп төніп, тұрғын үйлер бұзылуы мүмкін. Мұндай жағдай орын алмас үшін облыс аумағында өзен жағалауын бекіту жұмыстары белсенді жүргізілуде.Жайық өзеннің жағалауындағы атқарылып жатқан шараларға қарсы тұрғындар бұл бейнетүсірілімді қалта телефонына түсіріпті. Өзен жағасындағы ағаштарды кесу 6-шы наурызда басталыпты.
Жергілікті тұрғындардың айтуынша, өзен жағасындағы жасыл зонаны отау орынсыз. Яғни Жайықтан төнер қауіп жоқ. "Өзен жағалауын бойлай өскен тал-теректі кесу керісінше қауіпті",- дейді құрылысқа наразы қауым өкілдері.Белгілі болғандай бұл - БҚО табиғи ресурстар және табиғатты пайдалануды реттеу мен облыстық құрылыс басқармасының ортақ жобасы болып саналады. Наурыз айынан бастап, Жайықтың жобасын бекіту бойынша бірнеше жоба жүзеге асырылуда. Олардың ең үлкені - Бөрлі ауданында болса, кейінгілері-Орал қаласы мен Чапай ауылында атқарылуда. Яғни шаһардағы «Шамсудиновтан-Пристани» көшесіне дейінгі өзен жағалуын бекіту 2 кезең бойынша жүргізілуде. "Құрылыс жұмыстары жоспар бойынша атқарылып жатыр. Тұрғындардың алаңдауына еш негіз жоқ",- дейді сала мамандары.Мемлекеттен жобаға 4 млрд. теңге шамасында қаржы бөлінген. Бастау алған шаралар 2022 жылы аяқталады деп жоспарлынап отыр.