Ауылдарда салынатын «жайлы мектеп» жайлы бола ма? Депутаттарды мазалаған сұрақ осы болды. Оқу-ағарту министрлігі мен «Самқрық-Қазына» қорының басшылары «Жайлы мектеп» ұлттық жобасы туралы «Amanat» партиясы фракциясының депутаттарына есеп берді. Ұлттық жоба аясында апатты мектептер, үшауысымды оқытуды жою және орын тапшылығын азайту көзделіп отыр. Бас-аяғы 401 жайлы мектеп салынбақ. Оның ішінде 226 мектеп 2024 жылы іске қосылады. Қалған 175-і 2025 жылдың аяғына дейін іске қосылады деп жоспарланған. Депутаттардың айтуынша, 21 ғасырда Ыбырай заманындағыдай жер үйде білім беріп жатқан, саман кірпіштен салынған мектептер бар.

Оқу-ағарту министрлігінің мәліметінше, соңғы 10 жылда оқушы саны млн-ға өсіп, бүгінгі күні 3,7 млн-ға жетіп отыр. Қазіргі күннің өзінде 270 мың оқушы орны тапшы. Егер қосымша мектеп салынбаса, 2026 жылға қарай бұл көрсеткіш миллионнан асады. Министрлік Самұрық-қазына қоры және Атамекен кәсіпкерлер палатасымен бірлесіп, «Жайлы мектеп» ұлттық жобасын қолға алып жатыр. Жоба аясында алдағы екі жылда еліміздің қалалары мен ауылдарында 401 «жайлы мектеп» салынады. Осылайша үш аусымды, апатты мектептер мәселесін шешіп, орын тапшлығын жоямыз деген жоспар бар. «Samruk-Kazyna Construction» мекемесі жайлы мектептердің құрылысан жауапты оператор болып бекітілген. Қор өкілі жайлы мектептер құрылысы қолға алынғанда 100 мың жаңа жұмыс орны ашылады деп отыр. Депутаттар ауыл-аймақтарда мектеп салынғанда, сол жердің азаматтарын жұмысқа алу қажет деген талабын алға тартты.

Жайлы мектептер жиһаздармен толық қамтамасыз етілетін болады. Әр оқушы үшін жеке шкафтар, трансформер парталар қойылады. Спорт, ән-би үйірмелеріне арналған залдар болады. Мектеп іші эстетикалық тартымды болуы үшін ұлттық нақышта безендіріледі. Әрбір мектеп заманауи пән кабинеттерімен, интерактивті құрылғылармен жабдықталады. Оқушылардың шығармашылық әлеуетін дамыту үшін әмбебап шеберханалар болады. Сондай-ақ, мұғалімдер бөлмесі, демалыс аймақтары қарастырылады. Жоба ұсынушылар ауылдарда салынатын жайлы мектептердің дәретханасы ішінде болады деп сенідерді. Алайда, мәжіліс депутаттары инфрақұрылымы дамымаған ауылдарда бұл мәселенің жүзеге асатынына сенімсіздік танытты.

Депутаттардың айтуынша, сонау Ыбырай заманындағыдай жер үйде білім беріп жатқан, саман кірпіштен салынған мектептер бар.

«Жайлы мектеп» жобасын іске асыру үшін 2023-2025 жылдар аралығында республикалық бюджет пен Ұлттық қордан 2,6 трлн теңге көзделген.

Үкімет мектептердегі орын тапшылығын «жайлы мектеп» салу арқылы шешпек. Оқу-ағарту министрі Асхат Аймағамбетов «Жайлы мектеп» ұлттық жобасы бойынша салынатын мектептердің бұған дейін салынған мектептерден 8 айырмашылығы бар екенін айтты. Жайлы мектептерде оқушыларға барлық жағдай жасалып, ең бастысы мектеп сыртындағы инфрақұрылымға ерекше назар бөлінетін болады. 2023-2025 жылдар аралығында 842 мың оқушы орнын салуға 2,6 трлн теңге қарастырылып отыр. Ұлттық жобаның шеңберінде 60 мыңға жуық уақытша және 40 мың тұрақты жұмыс орны ашылады, - деп сендіреді министр Аймағамбетов.

Бүгінде елімізде 270 мың оқушы орны жетіспейді. Жылда жаңа білім ордалары ашылып жатқанымен, әлі де үш ауысымды мектептер жұмыс істеп тұр. Енді үкімет бұл мәселені «Жайлы мектеп» ұлттық жобасы аясында шешпек.

Жайлы меткептерде бастауыш және жоғары сынып оқушылары мектеп ғимаратының жекелеген блоктарында оқиды. Бейнебақылау, дыбыстық дабыл сияқты қауіпсіздік нысандары орнатылады. Оқушылардың оқу құралдарын, ауыстыратын киімдерін сақтайтын жеке шкафтар, кітап оқуына, демалуына, шығармашылық әлеуетін дамытуға тиісті орындар қарастырылған. Мектеп ең заманауи физика, химия, биология, робототехника сияқты кабинеттермен қамтамасыз етіледі. Арнайы білімді қажет ететін балалар үшін қажетті жағдай жасалады. Бірнеше спортзал болады. Мұғалімдердің кабинеттері болады. Ауылдағы жайлы мектептерде интернет болуы міндеттеледі. Ең бастысы мектептің сыртындағы инфрақұрылымға басымдық береміз дейді Аймағамбетов

2023-2025 жылдар аралығында 842 мың оқушы орнын салуға 2,6 трлн теңге қарастырылып отыр. Ұлттық жобаның шеңберінде 60 мыңға жуық уақытша және 40 мың тұрақты жұмыс орны ашылмақ.