Сондықтан қала тұрғындары көлік қозғалысына қатысты туындайтын қиындықтарға әзірден үйрене бергендері дұрыс. Депо көпірінің күрделі жөндеуден соң қолданысқа берілуі жүргізушілер тынысын бір кеңейтіп, кептелісті сейілткен болатын. Айта кетейік, қазірдің өзінде қалада бірнеше жолаушы көлігінің маршрутына өзгеріс енгізіліп отыр.

Көлік көпірінің ені бүгінде 2 жолақты болса, күрделі жөндеуден соң 4 көлік қатар сиятын жолақтар пайда болмақ. Тас төсеніші тесіліп, соқпадан қашқан көліктердің қарсы бетке шығып, апатты жағдайға тап болуы сынды мәселе талай құлақтың құрышын қандырды. Енді қиындықтың шешімі табылғалы отыр. Жөндеу кезінде тұрғындарға және көлік жүргізушілеріне шыдамдылық танытуға тура келмек. Себебі қайтадан жолаушы көліктерінің қозғалыс сұлбасы өзгеріп, Депо ауданындағы көпірге салмақ түседі.

Айта кетейік, бүгінде Зашаған кентіндегі "Балауса" ауданында 6-шы және 7-ші маршруттардың қозғалысы өзгеріп, тұрғындарға біраз қолайсыздық туындап отыр. Басты себеп 5 бірдей көшеде жүріп жатырған жөндеу. Ал көлік көпірін күрделі жөндеуге 5 млрд. теңгеден астам қаражат қарастырылған.

№24ші балабақша бөбекжайы 1965-жылы салынған. Содан бері ғимарат күрделі жөндеуден өтпепті. Мектепке дейінгі мекемеде 183 бала тәрбиеленіп, 47 адам еңбек етуде. Балалардың барлығы жөндеу кезінде №19шы мектепке дейінгі мекемеге қабылданады.

53 жыл бойы ағымдағы жөндеумен күтіп ұсталған балабақшаның шатырынан су ағып, қабырғаларында сызат пайда болып, төбелері жарыла бастаған. Барлық желілері ауыстыруды талап етеді. Еденге жайылған төсеніші жартылып, оны жамап-жасқап қойған.

Білім бөлімі бұл салада жөндеуді қажет ететін нысандарға ел ағаларынан қаражат бөлуді сұрап отыр. Оның нәтижесі мәслихат сессиясынан соң белгілі болады.