Үй жануарларына санақ жүргізіледі

Айнур Құрмашева — Wed, 14 Apr 2021 12:47:34 +0000

Орал қаласында үй жануарларын бірдейлендіру шарасы басталды. Бұралқы жануарлар, оның ішінде жабайы ит пен мысықтардан келетін түрлі қауіпті жұқпалы дерттердің алдын-алуда бұл шаралар жүйелі түрде жүргізіліп келеді. Айта кетен жөн, бірдейлендіру шарасын атқару барысында туындаған бірқатар мәселелер де бар көрінеді."Үй жануарларын бірдейлендіруге тұрғындар құлықсыздық танытуда",- дейді ветеринар дәрігерлер. Өйткені қолға үйреткен жануарларын бірдейлендірісе, көше кезген қаңғыған жабайы жанаруалар болмас па еді?! Мәселен, ит пен мысықты бірдейлендіруге көп дегенде бес-ақ минут уақыт жұмсалады. Хайуанның желкесіне енгізілетін таңба арқылы базада жануар туралы, оның иесі, жасы, мекенжайы сынды барлық мағлұмат пайда болады. Және түрлі ауруларға қарсы жасалған ем-шаралар туралы да мәліметті білуге болады.Таңбалауды қалалық ветеринарлық орталыққа барып, 500 теңгеге жасатуға болады. Немесе Оралдағы өзге жеке клиникаларда бұл процесс жүзеге асырылады. Бүгінде облыс орталығында 1000-нан аса үй жануарының паспорттары бар болса, иесіз жүргендері туралы нақты мәлімет жоқ. Иесіз жүрген көше жануарларының адамға шабуылының салдары құтырма дертін жұқтыру мәселесін тудырады. Сол себепті мәселінің алдын алу өзекті. Санитар дәрігерлер болса, соңғы жылдары облыста құтыру дерегінің тіркелмегенін айтады. Алайда бұл жайбарақат жүруге себеп емес. Биыл жануарларды залалсыздандыруға, қауіптілерінің көзін жоюға қазынадан 28 млн. теңге бөлінген.

Жабайы жануарлардың көзі жойылады

Айнур Құрмашева — Tue, 02 Mar 2021 12:21:46 +0000

Былтыр жоспар бойынша 3000-ға жуық ит ауланған. Ереже бойынша бұл иттер бір апта арнайы орында ұсталады да қауіптілерінің көзі жойылып, қалғандары өз мекендеріне қайта жіберіледі. Осы жұмысты қолға алып отырған ветерианарлық станция қызметкерлері өткен аптада ауланған бірнеше жануарды бүгін ұсталған аумақтарына қайта жіберді. Жыл басынан бері 600 жануар ұсталып, олардың 300-дейі хирургиялық әдістермен залалсыздандырылып, қауіпті деп танылған 218 бас иттің көзі жойылыпты. Бұл шараларға жануарларды қорғаушылар тобындағы еріктілер де атсалысуда. Бүгінде шамамен Оралдағы питомниктерде 500- ден аса жануарлар бар.Иесіз жүрген көше жануарларының адамға шабуылының салдары құтырма дертін жұқтыру мәселесін тудырады. Сол себепті бұл жағдайдың алдын алу өзекті. Санитар дәрігерлер болса соңғы жылдары облыста құтыру дерегінің тіркелмегенін айтады. Алайда бұл жайбарақат жүруге себеп емес.Биыл осы бағыттағы шараларға қазынадан 28 млн теңге бөлінген.

Жабайы жануарлар – TDK-42

Үй жануарларына санақ жүргізіледі

Жабайы жануарлардың көзі жойылады