COVID-19 инфекциясының таралуын болдырмау мақсатында қаламыздағы азық түлік сататын базарлардағы санитарлық жағдай қатаң қадағалануда. 17 наурыздан бастап қойылған шектеу бойынша учаскелік полиция инспекторлары және санитарлық-эпидемиологиялық қызмет, қаладағы волонтерлар, полицияның қоғамдық көмекшілері рейдтік іс шаралар жүргізуде.Рейдтік іс-шараларға шығатын 3 топ құрылды, тексерістер 15 сәуірге дейін жалғасады. Жабайы базарлардың жолын кесу жолында бір күнде 16 хаттама толтырылған.
Бүгінде орталық базар маңындағы санитарлық жағдайды 10-нан аса тәртіп сақшысы қадағалуда. Бұған дейінгі жүргізілген рейдтік шаралар нәтижесін берген. Сауда орнының айналасы мұнтаздай тап-таза. Осы орайда кәсіпкерлер уәкілетті орган өкілдерінен осы шараларды аяғына дейін жеткізуді сұрап отыр.24 наурызда Абай полиция бөлімі Жергілікті полиция қызметі бөлімінің учаскелік полиция инспекторлары қала орталығындағы кафе, мейрамхана, дәмхана, шайхана сынды көпшілік тамақтанатын орындар мен көңіл көтеру, ойын сауық орындарын тексеріп, арнайы талаптардың орындалуын қадағалады. Бұл жолы түнгі рейдке Абай Пб учаскелік полиция инспекторлары волонтерларды, өзге де мүдделі ұйым өкілдерін ілестіріп шықты. Түнгі рейдтер алдағы күндері де жалғасын табады. Заң баршаға ортақ, талаптарын орындауға бәріміз міндеттіміз. Төтенше жағдай талабын бұзғандар әкімшілік қамаққа алынды.

Жабайы саудаға жоламаңыз! Орталық базар маңындағы  заңсыз саудаға жол берілетін көшелерге арнайы белгі қойылды. «Ауру астан» екенін ескерсек көше бойын жағалай сатылған тағамнан бас тартыңыз. Өйткені ішек инфекциясы аурулары сапасыз тағам тұтынудан болуы мүмкін. Өткен аптадан бері сала мамандарынан құралған топ көше бойындағы саудагерлерге арнайы орындар ұсынып қажетті ақпараттар тартуда. Деседе  кәсіпкерлердің жан айқайына құлақ түрсек, ескерту шараларына пысқармай жатқандар бар көрінеді.  Түсірілім тобымызды көре сала арбасын ала қашқандар да керісінше өздерінің әрекеттерін оң бағалағандар да табылды. Полицейлер мен қалалық әкімдік өкілдері тыйым салынған орындарда тұрақтаған саудагерлерді таратып әуре. Тазалықтан жұрдай жерде көп жағдайда сүт балық және ет өнімдерінің саудасы қызған. Біреу бұл жағдайды құп көрсе енді бірі адалдық жоқ жерде жақсылықтың болмайтынын айтып әлек. Орталық базардағы арнайы орындардағы кәсіпкерлер қанша жерден тыйм салынғанымен  көше бойындағы саудагерлер орайын тауып саудасын қыздырып жатқанын айтады. Заңсыз сауда үшін 5 айлық есептік көрсеткіш мөлшерінде айыппұл салынады. Бірақ ақадал еңбегімен өсірген өз өнімдерін саудалайтын бау-бақша иелері қосақ арасында кетпеуі шарт. Олар үшін қалада 31 арнайы орын белгіленген. Қала бойынша балмұздақ және сусындарды сату үшін 95 сауда нүктесі бар. Рейд басталған 4-5 күннің өзінде 50 ден аса  заңсыз саудагер әкімшілік жауапкершілікке тартылған.  Олардың қолға алған кәсіптерін дөңгелетем десе шаһардағы 21 сауда орталғынан арнайы орындарды жалға алуға мүмкіндік жасалған. Ал «Мирлан» сауда үйіндегі 100 ден аса кәсіпкер заңсыз сауданың жолы бөгелмесе облыс әкімдігіне шағымданатындарын да тілге тиек етті.

Жабайы базарлардан қашан құтыламыз? Бұл орталық базардағы арнайы рұқсат етілген, санитарлық нормаға сай орындарда сауда жасап нәпақасын тауып жүргендердің жан айқайы. Күн жылынғалы бері орталық базар маңын ашық сауда орындарына айналдырып жібергендердің қарасы қалың. Сол себепті ашынған жеке кәсіпкерлер қалалық кәсіпкерлер бөліміне барып жабайы сауда орындарын жою туралы өтініш қалдырған. Бұл орындарға кенеше жабысып саудаларын қыздырғандар кетуге асығар емес. Кәсіпкер ретінде тіркеліп, салығын төлеп, емін-еркін сауда неге жасамасқа деген біздің сауалымызға олардың айтар сылтауы көп. Бірі жағдайым жоқ десе, енді бірі амалының жоқтығынан осы жерде азын-аулақ ет-сүтін базарға шығаратындығын айтады. Аяқ асты көтерілген шаң мен антисанитарияға қарап жатырған жан шамалы. Бәрі де қаптарын толтырып, іздегенін осы жерден тауып, әкетіп жатыр. Бір сөзбен айтқанда сауда қызып тұр. Қазір мұндай құбылыс қаланың барлық аудандарына ортақ мәселе. Оны қала тұрғындары да жоққа шығармайды. Қалалық кәсіпкерлік бөлімінің мамандарының сөзінше жабайы базар мен заңсыз сауда жасағандарға тосқауыл қою мақсатында алдағы уақытта жүйелі түрде жұмыс жүргізілмек. Ескертпелерге қарамағандарға әкімшілік кодекстің 204 бабы бойынша жазаланатын болады. Естеріңізге сала кетеміз 2025 жылға дейін барлық ашық базарлар кезең-кезеңімен жабық сауда орындарына айналатын болады.