Әйгілі спортшы Денис Тенді өлтіргендерді жақтап, әлеуметтік желіде жазба жариялаған, бұрынғы мұғалім Шерханға бүгін үкім шықты. Айыпталушыны алда қандай жаза күтіп тұр?

Сот әйгілі спортшы Денис Тенді өлтіргендерді жақтап, әлеуметтік желіде жазба жариялаған мұғалімді 4 жылға шартты түрде шектеу туралы үкім шығарды. ҚР Қылмыстық кодексінің 174-бабының 1-бөлімі, яғни, әлеуметтік, ұлтаралық алауыздықты тудырды деген айып тағылған Шерхан Байзенов «Instagram» парақшасына Денис Теннің суретін салып, «...қытайларды өлтіру керек» деп жазба қалдырған болатын. Оның бұл әрекеті орны толмас қазаға қайғырып жатқан жұрттың ашу-ызасын тудырғаны да белгілі.

Сотқа дейінгі тергеп тексеру кезінде бірқатар сараптамалар жасалуы себепті 25 жастағы Шерхан Байзенов мемлекетке 12 459 теңге айппұл төлеуі тиіс. Судья айыптының өз әрекетіне өкініп, халықтан және чемпионның ата-анасынан кешірім сұрағыны және ауылдастарының жағымды пікірі ескеріліліп шартты түрде жаза тағайындалғанын атап өтті. Бұған дейін Шерхан Зеленов ауданы Белес ауылындағы мектепте физика пәнінің мұғалімі болып қызмет атқарғаны аян. Алайда ол аталмыш қызметті жалғастыра ма жоқ па бұл жағы беймәлім.

Ал айыпты болас қандай да бір ақпарат беруден бас тартты.

Зеленов ауданының 631 тұрғыны екі қолға бір күрек таба алмай жүр. Жыл басынан 1700-ден астам Зеленовтық тұрғын жұмыс іздеп, арнайы орталыққа барып, кеңес алған. Азаматтарды көптеп жұмысқа орналастыру өзекті мәселе екендігі даусыз. Сол себепті аудан орталығында азаматтарға жаңа жұмыс орындарын ұсынған жәрмеңке ұйымдастырылды.

Ұйымдастырылған жәрмеңкеге қатысып жатқан жұмыс берушілер жүргізуші, лаборант, есепшілерге деген сұраныстың көп екендігін айтады.

Екі қолға бір күрек таба алмай жүрген жандарға арналған, бос орындар жәрмеңкесі келешекте де өз жалғасын таппақ.

БҚО, Зеленов ауданының тұрғындары көп жылдан бері бүлдіршіндердің өмірін ажалдан аман сақтап келе жатқан білікті дәрігер, балалар хирургиясының негізін қалаушы Болат Қанапияұлы Женалаевпен кездесті. Медицина саласында өзіндік ісін қалыптастырған Болат Қанапияұлы Зеленов ауданына қарасты Асерчево ауылында дүниеге келіпті. Аудан орталығында ұйымдастырылған кездесу Елбасының "Болашаққа бағдар: Рухани жаңғыру" мақаласының аясында іске асып отыр.

Еліміздегі балалар хирургиясының негізін қалаған Болат Қанапияұлы Зеленов ауданының орталығында болып, аудан тұрғындарымен кездесті. Тағылымды кездесу Елбасының "Рухани жаңғыру" бағдарламалық мақаласының аясында іске асты. Саналы ғұмырының 47 жылын бала емдеуге арнаған дәрігер 1948 жылы Зеленов ауданына қарасты Асерчево ауылында дүниеге келген. Ол өткен ғасырдың 65-шы жылдары Переметный мектебін аяқтап, Батыс Қазақстан мемлекеттік медициналық институтына оқуға түседі. Болат Қанапияұлы-түрлі жылдары білімін шыңдап, отандық медицинаның дамуына үлес қосқан жанның бірі. Ол туған жерге келіп, аудан тұрғындарымен кездескеніне қуанышты екендігін жеткізді.

Саналы ғұмырын дәрігерлікке арнаған жанмен кездесу үшін келген аудан халқы оның көпке өнеге болатын өмірін айтып, еңбекқорлығына сүйсінді.

Зеленов ауданының тұрғындары көп жылдан бері медицинаның дамуына үлес қосып келе жатқан білікті дәрігерге жүрек жарды тілектерін айтып, алғыс хатты табыстап, қазақы дәстүр бойынша шапан жапты.

Елбасы ерекше көңіл бөліп отырған ауыл шаруашылығы саласында атқарылып жатқан жұмыс көп. Шаруалар мемлекеттен берілетін субсидияның арқасында қолдау көріп, кәсіптерін әрі қарай дамыту жолында қызмет жасап жатыр. Диқаншылар биылғы жылы 244,4 мың гектар жерге егін салған болатын. Бүгінде олар 168,3 мың тоннадай өнімді жинап, қамбаны толтырып отыр. Сала мамандары облыс көлемінде бидай толыққанды жиналып болды деседі. Қазіргі таңда, егіс алқаптарында тек майлы дәнді-дақылдарды жиыстыру жұмыстары қолға алынған. Жиыстыру жұмыстарының аяқ алысын бақылау үшін облыс әкімі арнайы Зеленов ауданына жұмыс сапарымен барған болатын.

"Ауыл шаруашылығы саласы экономиканың драйверіне айналу керек" деп Елбасы қазақстандықтарға, әсіресе, шаруаларға тапсырма жүктеген болатын. Қазіргі таңда, осы тапсырманы жүзеге асыру барысында қолға алынған шаралар аз емес. Өңірімізде ауыл шаруашылығының сан түрі кең қанат жайған ауданның бірі- ол Зеленов ауданы екені белгілі.

Бұл- Зеленов ауданына қарасты Погодаева ауылында орналасқан егіс алқабы. Қазіргі таңда, шаруалар майлы дәнді-дақылдарды жинастырып жатыр. Екі-үш күннің ішінде жиыстыру жұмыстары аяқталмақ. Облыс әкімі егіс алқабына барып, шаруалармен тілдескен еді.

Егіс алқабында бас қосқан диқаншылар биылғы жылы атқарылған жұмыстарды жіпке тізіп, бидайдың шығымы аз болғандығын жайлы да пікір алмасты. Облыс халқын астықпен қамтамасыз етіп отырған жандар отын мәселесінің тапшылығын айтқан еді.

Зеленов ауданында 25 жылдан бері қызмет жасап жатқан келе жатқан Бейбіт Асанов мемлекеттің қолдауын ие болып отырғандығын айтып, өнімдерін қамбаға жинағандықтарын тілге тиек етті.

2018 жылы ауыл шаруашылығын дамыту үшін республикалық және жергілікті бюджеттен 12,1 млрд теңге көлемінде қаржы бөлінген. Қазіргі таңда, қыруар қаржының 73,2 пайызын игеріліпті.

Зеленов ауданына қарасты Дариян ауылында "Zelenov invest-2018" атты алғашқы  инвестициялық форум өз жұмысын бастады. Бұл шараға аудан көлемінде тауар өндіру ісін қолға алған кәсіпкерлер мен Ақтөбе, Атырау, Ресей делегаттары қатысып жатыр.

Кеңестің мақсаты - " Бизнестің жол картасы-2020" бағдарламасының аясында ауылдық кәсіпкерліктерге бизнесін дамыту үшін қолайлы жағдай жасау.

Кәсіпкерлік саласын дөңгелентіп отырған Зеленовта 3300-ден астам шағын және орта бизнес өкілдері тіркелген. Бүгінгі таңда олардың 94 пайызы белсенді жұмыс жасап жатыр. Ауданның әрбір бесінші тұрғыны осы бизнес нысандарында қызмет жасауда.

Инвесторлар мен кәсіпкерлердің басын қосқан форумда ауданның 25 тауар өндіруші өздерінің өнімдерін көрмеге қойды. Шараға қатысқан әрбір кәсіпкер мемлекеттің қолдауына ие болып отыр. Бизнес субьектілерінің баршасы бұл тапсырмас мүмкіндік екендігін жақсы біледі. Мәселен, Дариян ауылында шұжық өнімдерін жасаумен айналысатын кәсіпкер етпен ешқандай мәселе туындаған емес,- дейді. Өнімдеріне деген сұраныс күн санап артып келе жатқан көрінеді.

Дариян ауылында ұйымдастырылған шараға арнайы ат арылтып келген, Ақтөбе облысының делегаттары мұндай шарының маңыздылығын атап өтті. Ақтөбелік делегаттар қос ауданның экономикалық әлеуетін арттыру үшін қоян қолтық жұмыс жасауға дайын екендіктерін де жеткізді.

"Бизнестің жол картасы -2020" бағдарламасының аясында аудан көлемінде өткен жылы 109 инвестициялық жоба қолға алынған. Биылғы жылы 173,1 млн теңгені құрайтын жобалар жүзеге асып келеді.

Бүгінгі таңда Зеленов ауданы бойынша 623 азамат жұмыссыз. Бұл аудан халқының 1,9 пайызын құрап отыр. Аудан көлемінде екі қолға бір күрек тапқысы келіп, жаңа жұмыс іздеген жандардың саны 1514 құрап отыр. Мемлекеттік бағдарлама арқылы 29 зеленовтық азамат тұрақты жұмысқа орналасыпты. Зеленов ауданында жұмыссыздық мәселесі қалай шешіліп жатыр? 

2018 жылы Зеленов ауданы бойынша 450-ден астам жаңа жұмыс орыны ашылыпты. Жұмысқа орналасу барысында қиындықтарға тап болған 1818 зеленовтық тұрғын мемлекеттік мекемелерден көмек сұрап, мамандардан кеңес алған. Аудан көлемінде әлеуметтік тұрмысы ақсап тұрған 210 отбасы арнайы мемлекеттің қолдауына ие болыпты.

Аудан көлемінде "Нәтижелі жұмыспен қамту" бағдарламасының аясында атқарылып жатқан жұмыс көп. Мәселен, жастар тәжірбиесі арқылы 90 жас маман жұмысқа жолданған. Бүгінгі таңда, жастарды қолдайтын бағдарламаның арқасында көптеген жас жұмысқа орналасып, ел қатарлы еңбек етуде.

Жұмыссыздықты жоюды мақсат тұтқан жобаның ең маңызды бөлігі ол- кәсіпкерлікті дамыту болып табылады. Аудан көлемінде 86 тұлға микронесие алыпты. Кәсібін алғаш ашқан жандар мемлекеттің қолдауының арқасында армандарын орындауға мүмкіндік туып отыр дегенді айтады.

Аудандық халықты жұмыспен қамту орталығының мамандары қазан айында биылғы жылы бизнес идеяларды жүзеге асыру үшін 4 гранттың иесі анықталады,- дейді.  Бұл қаржы кәсіпкерлерге қайтарымсыз негізде берілмек.

Әлемнің үш дүркін чемпионы, Еуразияны екі мәрте бағындырған, Қазақстанның еңбек сіңірген спортшысы Ардақ Назаров Ақжайық өлкесіне табан тіреді. Атақты спортшы алғаш болып Зеленов ауданында барып, аудан тұрғындарымен кездесті. Спортты жанына серік қылып, қазақтың намысын түрлі додаларда қорғап, бүгінде дарынды спортшы тәрбиелеп жүрген бапкер жастарға қандай кеңес айтқандығы туралы толығырақ арна тілшісі жалғастырсын.

Әлемнің үш дүркін чемпионы Ардақ Назаров Ақ жайық өлкесіне келгенде алғашқы болып, Зеленов ауданында табан тіреп, аудан тұрғындарымен кездесті. Тағылымды шараға келген жастар мен аудан тұрғындарының қарасы қалың болды. Кездесуде алғаш сөз алған аудан әкімі түрлі сайыстарда топ жарып жүрген спортшыға алғысын білдіріп, ақжарма тілегін арнады.

Мыңдаған жасқа үлгі болып жүрген спортшы қазақ халқы туралы, батырлардың ерлігі жайында сөз қозғап, ауыл жастарын спортпен шұғылдануға шақырды.

Кездесу оқушылар чемпионға сауалдарын жолдап, тұшымды жауап алумен қорытындыланды.

Елбасы биылғы жылғы жолдауында мектепке дейінгі білім беру жүйесіне байланысты нақты тапсырма жүктеген еді. Бүлдіршіндерді балабақшамен қамтамасыз ету үшін Зеленов ауданында 51 мектепке дейінгі балабақша қызмет жасап жатыр. Олардың төртеуі жекеменшік. Бүгінгі таңда аудан көлемінде бүлдіршіндерді балабақшамен қамту көрсеткіші 68,5 пайызды құрап отыр. Білім беру саласында атқарылып жатқан жұмыстардың баршасын аудан әкімі актив жиналысында баяндаған болатын.

Елбасының жолдауында кәсіпкерлерді қолдау мен оларға жағдай жасау бағыты ерекше айтылды. Жиында сөз алған аудан кәсіпкерлері мемлекеттің қолдауын сезініп жатқандығын, бизнес субьектілері олар үшін жасалынып жатқан қолайлы жағдайларды жіпке тізіп, жаңа жолдаудың тиімді тұстарын атап өткен еді.

Биылғы жылы Елбасының жолдауында мектеп туризмін дамытуға көңіл бөлініп, арнайы тапсырма жүктелген еді. Облыс көлемінде оқушылар арасында туризмді дамытуға арналған арнайы орталық жұмыстанып жатыр. Ондай орталықтың бірі Зеленов ауданында бар. Елбасы жолдауын талқылауға арналған жиында баланың бойына Отанға деген сүйіспеншілікті дарытатын мұғалімдер бірнеше мәселенің бар екендігін айтып, аудан әкіміне баяндаған болатын. Ұстаздарды көп жылдан бері қолданылып келе жатқан палаткалардың жай-күйі мен қажетті құрал-жабдықтардың жоқтығы алаңдатып отыр. Аудан әкімі педагогтардың уәжін тыңдап, Елбасы жүктеген міндеттерді шешуге уәде берді.

Биылғы жылдың өзінде Зеленов ауданында 637 ірі қара бруцелллез дертіне шалдыққан. Бұл туралы аудандық ветеринария бөлімінің мамандары мәлімдеді. Аудан көлемінде ауруға шалдыққан ірі қараның баршасы мал сою бекеттеріне тапсырылған. Сондай-ақ, бұралқы иттерді аулау мен жою бағдарламасының аясында 3711 бас төбеттің көзі жойылған.

Биылғы жылы Зеленовтық диқаншылар көктемдегі жауын шашынның аз түсуіне байланысты егіс алқаптарынан өткен жылмен салыстырғанда өнімді аз жинапты. Бұл туралы аудандық ауыл шаруашылық бөлімінің басшысы мәлімдеді. Сала мамандары келтірген дерекке сүйенсек, егістің жалпы көлемі 230,6 мың гектарды құраған. Бұл өткен 2016 жылмен салыстырғанда 114,7 пайызға көп. Сала мамандары биылғы жылдың сегіз айында 114,4 мың тонна өнім жинапты.

Ауыл шаруашылығының ең маңызды бөлігі мал шаруашылығы екендігі даусыз. Қазіргі таңда аудан көлемінде 800 құрылымы тіркелген. Оның ішіндегі 35 шаруашылық мал өсіріп, аудан әлеуетін арттырып отыр. Бүгінгі таңда аудан көлемінде 42 мыңнан астам ірі қара тіркелген. Олардың 18 мыңдайы зеңгі баба тұқымы, жылқының өзі 5 мыңнан асып жығылады. Биылғы жылдың өзінде 23,8 тонна ет өнімі экспортталған.

Аудан көлемінде тіркелген ірі қара малдың 600-дейі бруцеллезз дертіне шалдыққан. Сала мамандары олардың баршасының көзінің жойылғанын айтып берді.

Аудан көлемінде 9 өндірістік кооперативтер қызмет жасап жатыр. Олардың 8-і мал шаруашылығында еңбектенуде.

Зеленов ауданында "Жомарт жүрек-2018" атты премиясы табысталды. Салтанатты шара Елбасының "Болашаққа бағдар" Рухани жаңғыру" бағдарламасының аясында іске асқан еді. Бұл мақала ел азаматтарына туған жеріне жәрдемдесіп, көмек көрсетуге үндейді. Биылғы жылдың өзінде кәсіпкерлердің есебінен ауданда бірнеше нысан бой көтеріп, көп балалы отбасылардың бүлдіршіндеріне көмек көрсетіліпті.

"Туған жерге туың тік". Бұндай тапсырманы Елбасы өткен жылы барша қазақстандықтарға жүктеген еді. Осы тапсырманы орындау барысында ел азаматтары өз қаржысы есебінен ауылдағы ағайынның жоқ жітігін түгендеуге тырысып жатыр. Бұл үрдістен Зеленовтық меценаттар да қалыс қалған жоқ. Биылғы жылы атқарған істері көпке үлгі болатын жандарды аудан әкімі "Жомарт жүрек" деген аталыммен марапаттап, құттықтады.

Ауданның дамуына үлес қосып келе жатқан жандардың бірі- Светлана Голубева есімді азаматша. Ол бүгінгі таңда "Жыл азаматы" деген аталымға ие болып отыр. Кейіпкеріміз, аймақты жақсартуға қосқан белсенді азаматтық ұстанымы үшін марапатқа ие болды.

Ел үшін қызмет жасап жатқан жандардың еңбегі елентін бұл шара келесі жыл да өз жалғасын таппақ.