Орал трансформатор зауыты-өңірдегі алдыңғы қатарлы ірі кәсіпорындарының бірі. Кәсіпорын жұмысы экспортқа бағытталған. Өнімнің басым бөлігі шетелге шығады. Зауыт директорының айтуынша, ұжым 250 адамнан тұрады. Дүниені дүрбелеңге салған пандемия әлемді «коронавируспен күрес» деген бір мақсатқа біріктірді. Зауыт ұжымы да ортақ иммунитет қалыптастыру үшін екпе алуда. Бүгін вакцина қабылдаған азаматтардың қатарын 25 зауыт қызметкері толықтырды.

Ұжымның жастары екпе алуға құлықсыз секілді. Басым бөлігі вакцинаның кері әсерінен қорқады екен. Екпеден соң денсаулыққа зиян келеді деген ойларын жеткізді. Естеріңізге салсақ, екпе алмаған адамдар жұқпалы аурулар бөлімшелеріндегі барлық науқастардың 99 пайызын құрайды.

Жалпы ақ халаттылардан құралған жұмыс топтары облыстың барлық ірі кәсіпорындарына аяқтай барып, түсіндіру жұмыстарын жүргізіп жүр. Көпшілікті толғандырған екпе жайлы сұрақтарға медицина мамандары мен атқарушы органдардың басшылары жауап беруде..

Айта кетейік, Қазақстанда вакцинация ақпан айында басталды

Бұл кәсіпорын үдемелі индустриалық-инновациялық даму бағдарламасы аясында жүзеге асқан ауқымды жобаның бірі. Өңірде 2014 жылдан бері жұмыс жасап келеді. 6 жыл ішінде өндіріс ошағының өнімдеріне өзімізді айтпағанда, сыртқы нарықта да сұраныс жоғары. Қазір мұнда қызу тірлік. Кәсіпорын тіпті қуатын арттырып, жыл соңына дейін 12 мың трансформатор шығаруды жоспарлап қойған. Сол мақсатта 1,9 млрд.теңге көлемінде жеңілдетілген несие алыпты.
Зауытта трансформаторларды жөндеу бөлімін ашу жоспарлануда. Бұл өз кезегінде жаңа жұмыс орындарын құруға мүмкіндік береді. Зауытта шығарылатын өнімнің 95% шетелге кетеді. Дайын өнімді тасымалдау шығынының 80%-ін мемлекет өтейді. «Бизнестің жол картасы 2020» бағдарламасы аясында зауытқа төмен проценттік мөлшерлеме, кеден және салықтық жеңілдіктер түрінде қолдау жасалды.
Жаңа цех іске қосылған кезде 150 жаңа жұмыс орнын ашу жоспарлануда. Сонымен қатар, Зауыт аумағындағы құрылыс қарқыны бәсеңдемейді. Күрделі жөндеуден өтетін ғимараттың бір бөлігі жұмысшыларға арналған жатақханаға айналады. Нысан жанында дүкен, балалар алаңы мен балабақша жұмыс істемек.

Батыс Қазақстан облысында газ өндіретін зауыттың үшінші кезеңі іске қосылды. Өндіріс ошағы Чинарев мұнай және газ конденсаты кен орнында орналасқан. Жаңа нысанның ашылу салтанатына облыс әкімі Ғали Есқалиев қатысты.

Батыс Қазақстан облысында көгілдір отын өндіретін зауыттың үшінші кезеңі іске қосылды. Аталмыш нысанның құрылыс жұмыстарын жүргізуге батысқазақстандық компаниялар да ат салысқан. Облыс әкімі зауыттың үшінші кезеңінің іске қосылуына арнайы барып, құтты болсын айтты.

Жаңа нысанда табиғи газды өндіріп, оны кондетсат, сұйық және құрғақ газға дейін ыдыратады. Сала мамандары замануи техника сағатына 250 мың куб тауарлық газ, 220 тонна конденсатты өндіруге қауқарлы,- дейді.

Күні бүгінге дейін аталмыш өндіріс ошағынан 600 мың тонна болатын конденсат бен 800 млн куб құрғақ газ шетелге экспорталыпты. Зауыт 2022-2023 жылдарытолыққанды қуаттылығын арттырып,жылына 4,2 млрд куб газ өндіруді жоспарлап отыр.

Қазіргі таңда облыс көлемінде сүт өнімдерін өндіретін 8 зауыт бар. Олардың өнімдерін барлық дерлік сауда нүктесінен сатып алуға болады. Алайда, дүкен сөресінен нарықтың талабы мен сұранысы өзге екендігін байқаймыз.

Сүт өнімдері бірінші қажеттілік тауарына жатады. Сол себепті өнімге деген сұраныс көп. Бүгінгі таңда дүкен сөресінен түрі мен сапасы әртүрлі болатын өнімдерді сатып алуға болады. Тіпті, Ресей мен Қазақстаннан өзге шетелдік тауарды да көзіміз шалып жатады. Осындай таңдау бар кезде, бәсекеге қабілетті бола білу қиын. Бүгінгі таңда, оралдықтар қандай сүт өнімдерін тұтынады деген сауалды бұқараға жолдап көрген едік.

Бүгінгі таңда облыс көлемінде 8 зауыт сүт өнімдерін өндірумен айналысады. Кәсіпорындардың қуаттылығы 49 мың тоннаны құрайтын көрінеді. Жыл сайын облыста 230 мың тонна болатын сүт өндіріледі.

Мамандар келтірген дерек алаңдаушылық тудырмайтын секілді. Алайда, жергілікті сүт өнімін өндірушілер құрылғыны алмастыру керек,- дейді. Егер бүгінгі таңда тозығы жеткен құрылғы алмастырылмаса, ертең- ақ өндіріс мүлдем тоқтап қалуы мүмкін. Облыс көлемінде жұмыс жасайтын кәсіпкерлер зауыттағы құрылғылар 2006 жылдан бері алмаспағандығын айтады. Зауыттың иесі өз күшіммен барлық құрылғыны алмастыру қиынға соғады, ал мемлекеттік субсидияда көрсетілген құрылғылардың тізімі кәсіпорынға сәйкес келмейді,- дейді.

Алайда, облыстық кәсіпкерлерді қолдау басқармасы бизнес субьектілерді қолдау үшін "Бизнестің жол картасы-2020" мен жаппай кәсіпкерлікті қолдау бағдарламасының аясында 16 млнға-25 млнға дейін несие алуғ болатындығын айтады. Бірақ, соңғы жылдары облыс көлемінде сүт өнімдерін өндіретін ешбір кәсіпкер аталмыш бағдарламаға қатыспапты.

Сондай-ақ,  биыл кәсіпкерлер бір литр сүт үшін берілетін мемлекеттік субсидия 15 теңгеден 10-ге дейін қысқарғандығын айтады.

Қазіргі таңда жергілікті өндірісті жан-жақты қолдау қажет. Сонда ғана Отандық өнімнің әлеуеті артып, қосымша жұмыс орындары ашылып, бизнес дамымақ.

Батыс Қазақстан облысында табиғи шырын мен түрлі салат жасайтын кәсіпорын іске қосылды. Нысанның құрылысы өткен жылы басталған. Бүгінде он шақты адамды жұмысқа алған кәсіпорын алған өнімдерін шетелге экспорттауды көздеп отыр.

Өңірімізде алғаш рет салат пен табиғи шырын өндіретін зауыт өз жұмысын бастады. Аталмыш кәсіп Оңтүстік және Алматы облыстарында қарқынды жұмыс жасап жатырғанын білеміз. Бүгінде батысқазақстандықтар үшін тың жобаны қолға алған кәсіпкер өндірген өнімді шетелге саудалаймыз деп отыр. Зауыттағы жұмыс жасап тұрған құрылғыны бәрі Белоруссия елінен сатып алынған. Кәсіпорын табиғи шырынды қайнатып, жазғы уақытта салаттың бірнеше түрін жасап, саудалайды. Кәсіпкер жобаның тиімді тұстарын жіпке тізді.

Кәсіпкер жобаны қаржыландыру үшін 100 млн теңгедей несие алыпты. Ол он жылдың ішінде берешегін өтеп беруі тиіс. Зауыт қарқынды жұмыс жасаған тұста 100-150 адамды жұмыспен қамтымақ.

Бүгінгі таңда Зеленов ауданы бойынша" Кәсіпкерлікті дамыту -2020" бағдарламасы бойынша 173 млн теңгедей несие берілген.  Бұл қаржыға 3 кәсіпкер ісін дамытып, техникасын жаңартқан.

Бүгінгі таңда аудан көлемінде 2800-ден астам жеке кәсіпкерлік нысаны тіркелген. Аталмыш субьектілерде 800-ге жуық азамат еңбектеніп жатыр.

БҚО өндіріс ошақтары қызметкерлерінің жалақсын көтеріп жатыр. Бұған дейін бірнеше мекеме өз жұмысшыларының жалақысын көтергенің айтқан болатынбыз. Енді бұл тізімге "Желаев нан комбинаты" да қосылып отыр. Облыстағы ірі кәсіпорын саналатын бұл мекеменің бастамасы құптарлық.

Қазіргі уақытта "Желаев астық өнімдері комбинатында" 560 адам жұмыс жасайды. Мекеме күндіз-түні нан өнімдерін шығарады. Одан бөлек макарон өнімдерінің 20 түрін шығаратын бірнеше цех жұмыс жасап тұр. Бұл жерде айына 4 мың тонна өнім шығарылады.

Елбасы биылғы жолдауында қарапайым еңбек адамдарының жалақысын өсіруді жіті тапсырды. Маңдай термен тапқан тиынның құнын білетін жұмысшы табы үшін бұл жақсы жаңалық болды. Осыны аяқсыз қалдырмай қатардағы қызметкерлердің жалақысын 10 пайызға өсіруді қолға алған мекеме де осы "Желаев комбинаты".

Қазір біз осы жылдың қаңтар айында ғана іске қосылған цехта тұрмыз. Бұл жерде макаронның 12 түрі соңғы технология бойынша өндіріледі. Жалақысы өседі дегенді естіген жас мамандар ризашылықтарын жеткізді."Желааев комбинаты"бүгінде Өзбекстан, Тәжікстан, Ресей елдерімен тығыз байланыста жұмыс жасайды.

2019 жылдан бастап ең төменгі жалақы 28 мың теңгеден 42 мыңға дейін өседі. Бұл елбасының биылғы жолдауында айтылған нақты тапсырманың бірі. «Қазақстандықтардың әл-ауқатының өсуі: табыс пен тұрмыс сапасын арттыру мақсатында 3 жылдың көлемінде 1 трилион 288 млрд теңге бөлінбек.Соның 85,8 млрд-і мемлекеттік қызметкерлердің жалақысын көтеру мақсатында жұмсалады. Орал қаласында бой түзеген Трансформаторлы зауытта 250 адам жұмыстануда. Зауыт басшылығы биылғы жылдан бастап жұмысшылардың жалақысын жүйелі түрде көтеруді жоспарлап отыр.
Елбасы Жолдауда келесі жылды «Жастар жылы» деп жариялауы жастарға деген сенім мен үміттің арытқандығының белгісі. Осы орайда жастардың әлеуметтік жағдайы көтеру мақсатында зауыт басшылығы түрлі жобаларды да қолға алмақ.

Ақжол Сауранбаев, "ОТЗ" ЖШС атқарушы директоры:
"Егер зауыт қызметкерлері бір-бірімен тұрмыс құрса зауыт тарапынан 500 мың теңге үстемақы беріледі. Бұрындары сәбилі болған отбасыларға 150 мың теңге көлемінде үстемақы берілсе, қазан айынан бастап 250 мың теңгеге көтерілді".

Жолдау бойынша ең төменгі айлық жалақыны көтеру үшін 85,8 миллиард теңге бөлінеді. Тиісінше, бұл қаражат 275 мың қызметкердің айлығын өсіруге бағытталады. Өңдеу өнеркәсібі мен экспортты ілгерілету үшін 500 миллиард теңге бөлінбек.

Бұл жөнінде орталық коммунимкациялар қызметінде өткен брифингте айтылды. Инсультті орталық облыстың оңтүстік аудандарына арналған. Бұдан өзге аудан орталығынан 300 орындық мектеп-гимназия ғимаратын 100 орындық жатақханасымен салу үшін құжаттар рәсімделіп жатыр. Жоба құны 1426 млн теңге.

БҚО-да марқа етін шығарумен айналысатын зауыт жұмысы тоқтап тұр деген сыбыс жыл басынан естілген еді. Оған не себеп болып отыр? Бұл сұраққа бүгін өңірлік коммуникациялар қызметінде тілшілер сұрағына жауап берген Ақжайық ауданының әкімі жауап берді. Әділ Жолмановтың айтуынша, кәсіпорын қарызға белшесінен батқан. Қазіргі кезде жұмысты жандандыру үшін қажетті соманы іздестіріп жатыр. Бұдан өзге Ақжайық ауданында халық үшін маңызы басым қандай іс тындырылуда?

Ақжайық ауданында президенттің 5 әлеуметтік бастамасын жүзеге асыруға өткен жылы 11 млн қаражат жұмсалыпты, ал биыл 40 жобаны жүзеге асыруға 58 млн. теңге қарастырылып отыр. Астананың 20 жылдығына орай, ауданның Шабдаржап ауылында 198 орыдық мектеп пен Астана деп аталатын 100 балаға арналған балабақша қолданысқа берілген. "Нұрлы жер" бағдарламасы бойынша да біраз жоспарлар алға қойылған.

Қазіргі уақытта 24 ауылда ауыз су мәселесі шешілген. аудан тұрғындарының 81 пайызы таза сумен қамтылыпты. пайдаланылған суды бір орынға жинап, шаурашылықта пайдалану мақсатында кәріз жүйесін жүргізу жоспарлануда. балғын марқа етін өндіру айналысатын "Батыс марқаламб" кәсіпорнының жұмысының тоқтауы аудандағы өзекті мәселеге айналып отыр.