БҚО қанттың бағасын қасақана қымбаттатқан 3 супермаркет анықталды. Сала мамандары қазіргі таңда тиісті тексеріс аяқталып, бизнес субьектілердің ісі сотқа жолданғанын айтып отыр. Супермаркет иелері бір уақытта бірінші қажеттілік тауарына жататын қанттың бағасын келісіп қымбаттатқан . Осылайша нарық бәсекелестігіне зиян келтірілді. Сондай-ақ, мемлекеттік сатып алу мен өңіріміздегі ірі кәсіпорындар заңнаманы аяққа таптапты. Мәселен, қалалық тұрғын үй коммуналды шаруашылығы жолды күтіп ұстау бойынша мемлекеттік сатып алу бойынша конкурс ұйымдастырыпты. Аталмыш тапсырыс аясында көгалдандыру жұмысын мемлекеттік сатып алуда жеңімпаз болған мердігер компанияға берілді. Жалпы жолды күтіп ұстау үшін 1 млрд, ал жасыл-желекті өсіру үшін 119 млн теңгедей қаражат бөлінген. Сондай-ақ, КПО БиБи, Жайық мұнай компаниялары бәсекелестікке қарсы тендер ұйымдастырыпты. Қазіргі таңда аталмыш деректер зерттеліп жатыр. Сала мамандары барлық іс тергеліп болғаннан соң, сотқа жолдаймыз деп отыр.

-"Қоғамдық жұмыс орындарына жалған орналастырудың 11 фактісі анықталды. Мәселен, аудандық жұмыспен қамту орталығында жұмыссыз ретінде тіркелген бір азаматқа жылдың басында селолық округтің аппаратына қоғамдық жұмысқа жіберілген. Сол жерде 6 ай бойы жұмыс жасады деп көрсеткен. Алайда іс жүзінде аталған мерзімде Ақтау қаласының кәсіпорнында жұмыс жасағаны белгілі болды. "Б" есімді жеке кәсіпкердің әлеуметтік жұмыс орнын ашуы үшін заңсыз несие алуының 9 фактісі анықталды",-дейді БҚО прокурорының аға көмекшісі Бауыржан Ахметжан.