«Ақ жол» ҚДП-ның облыстағы фракция төрағасының орынбасары, депутат Бағдат Ізмағанбет мерейлі жас иесі - Юрий Казанинді меймандар алдында құттықтап, құрмет көрсетті. Салтанатты жиында бұдан соң «Ақ жол» партиясының парламенттік фракциясының жетекшісі Азат Перуашевтың арнайы құттықтау хаты оқылды. Кейін Казанинге құрмет көрсетіліп, қазақы дәстүр бойынша иғына шапан жабылды. Бұдан соң «Ақ жол» партиясының 100 жылдық мерейтой төсбелгісі табысталды. Шара барысында жиналғандар Юрий Казаниннің еңбектері туралы сөз қозғады. Депутат бүгінде халықтың әлеуметтік мәселелерін көтеріп қана қоймай, өңірдегі спорт саласының дамуына үлес қосып жүр. Бұдан бөлек осы саладағы ынталы балаларға қолдау көрсетуден кенде емес. Жиында өнерпаздар шағын музыкалық сәлемдеме жолдап, кейін мерекелік дастархан жайылды.

Орал қаласындағы Мичурин саяжай тұрғыдары қоғамдастық төрағасы Сергей Горбуновтың қарпайым халықтан заңсыз қаражат жинайтынын айтып, қалалық мәслихат депутаттарынан көмек сұрады.Мичурин саяжайы тұрғындарының айтуынша, көгілдір отынды үйге тарту үшін - 360 мың, ал су жүргізу үшін - 300 мың теңгені қоғамдастық төрағасы Сергей Горбуновқа санап берген. Қалалық мәслихат депутаты Юрий Казаниннің айтуынша, халық қалаулысына тұрғындардан түскен шағымдар күн санап көбейіп барады. Саяжайларға қатысты жәйт алдағы уақытта қалалық мәслихат сессиясында көтеріліп, мәселенің шешу жолдары кең көлемде қаралатын болады.Жоғарыдағы мәселенің ақ-қарасын білмек ниетте қоғамдастық төрағасы Сергей Горбуновқа хабарласқан едік. Ат тонын ала қашқан ол мардымды жауап беруден бас тартты.
Бұл саяжайда жол мәселесі мен интернеттен ешқандай проблема жоқ. Тіпті тұрмыстық қалдықтардың өзі осы аудандағы кәсіпкерлердің көмегі арқылы тазаланып, аумаққа күтім жасалуда.