Жаз басталысымен ыстық күндер де келе қалады. Биыл бұл маусым қоңыр салқын мезгілмен басталса да, көп уақыт өтпей-ақ аптап күндер тұрғындар мазасын ала бастады. Әрине, бәрінің деуден аулақпыз. Бірақ, мұндай күндерге шаһар жұртшылығының көбінің денсаулықтары шыдамай, дәрігерлерге де жүгінген. Әсіресе кішкентай балаларға күн тиіп, бас ауруымен жедел жәрдем көмегіне жүгінген.

Гүлнар Сәрсенғалиева, Қалалық №1 емхана дәрігері
Күн тиюдің басты белгісі жүрек қағысы жиілейді, бас ауырады, балалардың мұрнынан қан кетеді. Сонымен бірге, күн өткенде, тыныс алу қиындайды, ентігу және жүрек айну пайда болады. Ауыр жағдайларда, адам есінен тануы, денесі тырысуы мүмкін. Күннің жылуы әсерінен бастағы қан тамырлары кеңейеді де, миға қан көп мөлшерде құйылады.

Дәрігер мамандар ауа температурасы тым жоғары болған кезде барынша сыртқа шықпаған жөн дегенді айтады. Ал шыға қалсаңыз міндетті түрде үстіңізге ашық түсті киімдер мен ақ түсті бас киім кигеніңіз жөн. Себебі, күн тиюдің соңы қайғылы аяқталуы да ғажап емес, - дейді мамандар. 30 градустан жоғары қапырық барлық жастағыларға қауіпті. Әсіресе балалар мен егде жастағылар мұндайда осалдау келеді. Қала тұрғындары да аптап ыстықтан қорғану үшін әр түрлі амалдауда
Ауа райын болжаушы мамандар алдағы күндердің да ысьық болатынын айтуда. Алдағы күндері жаңбыр жауғанымен, демалыс күндері сынап бағанасы қайтадан 30 градустан астам көрсеткішті көрсетеді деп болжанып отыр.
Жаздың ыстығына шыдамаған жандардың өзен жағалап, суға шомылатыны рас. Осы себептен бүгінде шомылу аймақтарында бақылау күшейтілген.

Бұған дейін төтенше жағдай департаменті 40 градусқа дейін тіркелетін аптап ыстық ауа райы жөнінде смс хабарлама таратқан болатын. Ақ халаттылар сынап бағанасы жоғарылаған кезде күн астында ұзақ жүрмей, денсаулықты күту жөнінде кеңес береді.

Қоғамдық орындар мен демалыс бақтарына серуенге шыққанда орамал, қалпақ сынды жұқа бас киімді киіп шығуды ұмытпаған жөн. Және мейлінше сұйықтықты жиі тұтынған абзал. Дәрігерлердің айтуынша, қазір адамдар көбіне күн өтіп, жүрек қысылу кезінде жедел жәрдем көмегіне жүгініп жатыр. Ауаның ыстық температурасынан ағзадан тер көп бөлініп, жүрек тез қағады. Демалу жиілеп, ағза ылғалдан, дәрумендер мен минералды тұздардан арылады, әсіресе жүрек бұлшық еттеріне маңызды магний және натрийге тапшы болады. Сондықтан ыстық күн жүрек-қан тамырларымен ауыратын адамдарға өте қауіпті.

Ыстық күндері қатты терлеп келіп, суға сүңгіп кетуге болмайды. Ауа температурасы мен су темперарысының айырмашылығы 10 градустан асса, адамның денесі құрысып қалуы немесе жүрегі ұстап қалуы бек мүмкін. Жазды күні судан келер қауіптің де жоғары екенін ұмытпаған жөн. Және жоғары температурада дұрыс тамақтану ережесін ұстану қажет.