БҚО полиция қызметкерлері мейрамхана кешеніне жасалған қарақшылық шабуыл қылмысын ашты. Қаңтардың 4 күні сағат шамамен 03.25 кезінде Бөрлі ауданы Пб кезекші бөліміне «Алтын шатыр» мейрамхана кешеніне қарақшылық шабуыл жасалғаны туралы хабарлама келіп түседі. Оқиға орнына дереу жедел-тергеу тобы жетіп, Бөрлі ауданы Пб жеке құрамына бағдар беріледі. БҚО Полиция департаментінің баспасөз қызметінің мәліметінше, тексеру кезінде белгісіз екеу беттеріне бетперде киіп, «Алтын Шатыр» мейрамхана кешеніне еніп, 1963 жылғы  күзетшіні балтамен қорқытып, мейрамхананы ашуын талап етеді. Кейін оның қол-аяғын байлап күзетшілер отыратын будкаға қалдырып кетеді. Өздері ішке еніп, кассадан ішінде 4 млн. 300 мың теңге және 1990 жылғы кәсіпкерге тиесілі құжаттары бар 2 металл сейфін алып, оқиға орнынан қашып үлгереді. Сол уақытта күзетші қол-аяғын босатып, бірден мейрамхана кешенінің менеджеріне хабарласып, болған жайттың бәрін айтады. Ал ол  полиция қызметіне хабар берген. Аталған қылмысқа қатысы бар төрт күдікті анықталып, ұсталды. Олардың Ақсай қаласының 1989 және 1990 жылғы тұрғындары екені белгілі болған.Сонымен қатар брифингте адам өлімі бойынша ашылған қылмыстар туралы да ақпарат таратылды. Мәселен 14 адам кісі қолынан қаза тапқан. Солардың 13-і ізі суымай ашылса, бір ғана факті Янайкиндегі бір Запреметовтар отбасын өлтіргендер күдіктілер әлі де қолға түспей отыр. Бүгінде аталған іс бойынша қосымша  тың деректер анықталған. Яғни кәсіпкер үйінен атыс қаруының жоғалғаны белгілі болып отыр.Брифингте шетелдік нөмірлі көліктердің қатысуымен орын алған қылмыстардың артып отырғаны туралы да айтылды.  Олардың дені ресейден келген көліктердің қатысуымен тіркелген.  Сондай ақ тәртіп сақшылары тұрғындарға  интернет алаяқтарына алданып қалмау қажеттігін де еске салды.