Хадиша Бөкеева атындағы қазақ драма театры 28-маусымын аяқтады. Театр тарландары көрерменге Иран Ғайыптың "Махамбетін" ұсынып, маусымды қорытындылады. Биыл аталмыш өнер ұжымы көзі қарақты көрерменге 44 спектальді онлайн және офлайн режимде ұсынған болатын.

Хадиша Бөкеева атындағы қазақ драма театры 28-ші маусымын Иран-Ғайыптың Махамбетімен қорытындылады. Пандемия басталғалы бері мәдениет ошағының жұмыс кестесі біраз өзгеріске ұшырап, әртістер көрерменмен көгілдір экран арқылы қауышып, өнерлерін ортаға салды. Биыл театр тарландары 44 қойылымды патша көңілді көрерменнің назарына ұсынған.

28-театр маусымы Иран Ғайыптың "Махамбетімен" қорытындылады. Спектакальде ұлт-азаттық көтерілістің басы-қасында жүрген Исатай мен Махамбеттің бейнесін актерлер ерекше сомдап, қойылым барысында көрермендердің ыстық ықыласына бөленді.

Қойылымды тамашалаған көрермендерді сөзге тартып көрдік. Олар бірауыздан театр сахнасында көрерменге жол тартқан спектакальдің көңілдерінен шыққанын айтады.

Көрермендер театр тарландарының әсерлі қойылымын тамашалап болғаннан кейін, ұжым атынан киелі сахнада өнерін шыңдап, талай тұлғаны сомдаған актерлерге марапаттарын тапсырды. Хадиша Бөкеева атындағы драма театрдың ұжымы әр қойылымды қалт жібермей, бекзат өнерді тамашалап жүрген көрермендері мен "төртінші билік" өкілдері атанған журналистер қауымын кәсіби мерекелерімен құттықтап, БАҚ ұжымдарына алғыс хаттарын табыстады.

Жаңа басшыдан жәбір көрдім дегендердің бірі - Ғалия Ибрашева. Ол бұл театрда ұзақ жылдар бойы қызмет етіп келді. Ал енді сол еңбегі ескерілмей, қызметі төмендетілгеніне көндіге алар емес.  Басшыға наразы топтың сөзінше, бір жылдың ішінде 50 шақты адам жұмысынан шығарылған. "Кейбіріне қазір де қысым жасалуда. Осының салдарынан шығармашылығымыз тоқырап қалды",- дейді жиналғандар.Театрдағы жағдайдан облыстық мәдениет басқармасы да хабардар. Бірақ қызметтік тексеру жүргізгенімен ешқандай заңбұзушылық таба алмапты. Бүгінде шығармашылық ұжым екіге жарылған. Бірі басшының кетуін талап етсе, екінші тарап әлдебір арандатушылардың ұжымға іріткі салғанын айтады. Ал театр директоры Салтанат Абулғазиева қарызы қордаланған өнер ордасының берешегін 5 миллионға дейін азайттым дейді. Бұл аздай, мекеменің іс-қағаздары талапқа сай емес. Мысалы, 27 жыл бойы ұжымдық келісім-шарт жасалмаған. Бұл аздай, мемлекеттік аудиторлық тексеріс кезінде 200 миллион теңгеден астам мемлекет қаржысының қолды болғаны анықталыпты. Бүгінде осы дерек бойынша қылмыстық іс қозғалған. Ұжым мүшелері театр директорының орнынан кетуін талап етіп, Президент әкімшілігіне де хат жолдады. Ал мекеме басшысы әлеуметтік желіде өзінің ар-намысына нұқсан келтіргендерді сотқа беремін деп отыр.

Орал қаласында кәсіподақ күні тойланып өтті. Салтанатты шара Хадиша Бөкеева атындағы қазақ драма театрының қабырғасында ұйымдастырылған еді. Жиында сөз алған жандар кәсіподақтың маңыздылығын атап, 113 жылда атқарылған жұмыстарды жіпке тізді.

Кәсіподақ ұйымдары еліміздің аумағында 113 жылдан бері қызмет жасап келеді. Негізгі мақсат - жұмысшы азаматтардың еңбегін қорғау. Бүгінгі таңда аталмыш кәсіподақтың құрамында 14 мыңнан астам батыс қазақстандық бар. Еліміздің аумағында 16 аумақтық одақ жұмыс жасайды. Олардың құрамына екі млн.нан астам азамат енеді.

Кәсіподақтың басты мұраты, негізгі мақсат-мүддесі - еңбек ұжымдарындағы тұрақтылықты сақтау, жалпы жұмысшы мен жұмыс берушінің арасындағы алтын көпір ретінде өз функциясын орындау. Елбасы да өз сөзінде, кәсіподақ тұрақтылықтың кепілі деп баға берген болатын. Салтанатты жиын барысында сөз алған азаматтар, жыл өткен сайын, жаһандану заманында кәсіподақ та өз жұмысын жетілдіріп, өзгертуі тиіс деген пікірде.

Қазақстандағы тұңғыш кәсіподақ ұйымы 1905 жылы Қарағандыдағы Успенск мыс кенішінде құрылған. Күні бүгінге дейін, еліміздің тұрақтылығы үшін қызмет жасап келе жатқан кәсіподақ өз жұмысының тексерісі барысында өндіріс ошақтарында 600-ден астам заң бұзушылықты анықтапты.