ұры – TDK-42

Оралда тұрғын үйден 5 млн. теңгеге жуық ақша ұрланды

Evgeni St — Fri, 16 Oct 2020 14:22:04 +0000

Үйден 5 миллион теңге көлемінде ақша ұрланды. Ұрлық фактісі Орал қаласының Зашаған кенті Тұмархан көшесі бойында орналасқан тұрғын үйде 12 қазан күні тіркелген. Үйде ешкім жоғын байқаған ұры тапа-тал түсте есіктің аузындағы құлыпты сындырып, қомақты көлемдегі ақшаны алып табанын жалтыратқан. Бұл тұрғынның жаңадан бапана немесе пәтер сатып аламыз деп тірнектеп, маңдай термен жиып-терген қаражаты екен. Арада 10 сағат өткенде полиция қызметкерлерімен ұры қолға түсіп, ақша толықтай тәркіленген. Осылайша қолды болған сома иесіне қайтарылып отыр. Айта кетейік, 2020 жылдың 9 айында Шаған полиция бөлімінде 22 пәтер ұрлығы тіркеліпті.

Ұры ұсталды

Evgeni St — Fri, 16 Oct 2020 11:29:52 +0000

Орал қаласында орналасқан дүкеннің бірінде орын алған қалта ұрлығы ашылып, ұрылар қолға түсті. Қылмыс бейнебақылау камерасына түсіп қалған. Дүкенде сауда жасаған азаматшаның үстіндегі сырт киімінің сол жақ қалтасына білдіртпей қол сұққан ұры ұялы телефонды жымқырып кетеді. 1968 жылғы Л.есімді азаматшаға 60000 теңге шығын келген. Криминалдық полиция бөлімі оның "Самсунг" маркалы ұялы телефонын ұрлаған күдіктіні көп ұзамай қолға түсіріпті. Ұсталған азаматтың осыған дейін бірнеше рет қалта ұрлығын жасағаны анықталған. Жол бойында адамдарды қасақана жанай өтіп, әмиян, қымбат ұялы телефондарын асқан ептілікпен білдіртпей ұрлап кетіп жүрген.

Оралдық полицейлер әйелдерді тонаумен айналысқан адамды қолға түсірді

Wed, 03 Apr 2019 11:47:17 +0000

Оралдық полицейлер әйелдерді тонаумен айналысқан адамды қолға түсірді.Полицияның шұғыл іздестіру шараларына кіріссіп кетуіне тұрғындар тарапынан түскен арыз - шағымдар себеп болыпты. Наурыз айы басталғалы бірнеше әйел адам түнгі уақытта белгісіз бір ер адамның затарын ұрып - соғып, тартып алып кеткендіктері жөнінде полицияға арыз қалдырады.Түскен арыз -шағымдарға талдау жүргізген мамандар барлық оқиғаларды бір адамның жасағаның түсінеді.Шұғыл іздестіру шаралары барысында 1971 жылғы ер адам қолға түскен.Ол наурз айында 4 бірдей тонау фактісін жасаған. Қазір ол қамауға алынып, үстінен қылмыстық іс қозғалған. Бұл адам бұған дейін де қарақшылық, тонау оқиғаларына қатысты істі болып, сотталған.

Орал қаласында дүкендегі азық-түлікті ұрлаумен айналысқан ұры қолға түсті

Эльмира Рахмешева — Wed, 28 Mar 2018 13:44:08 +0000

0:00 / 0:00

Оның бұл әрекеті бейне бақылау жазбаларына түсіп қалып, соның арқасында іздестіру жұмысы нәтижелі аяқталған. Қазіргі кезде ұрының құрбаны болғандар саны анықталып жатыр. Тәртіп сақшыларына әзірге тек 2 дүкеннен арыз түскен. Ұры қажетін алу үшін сыбайластарымен бірге жұмыс жасапты. Ал сатушылар бұл жігіттердің тұрақты тұтынушы болғанын айтады және олар дүкенге бас сұққан соң міндетті түрде бір нәрсе жоғалатынын байқап жүрген.

3 адамнан құралған ұрылар түскен дүкен Достық даңғылы бойында Юбилейный аялдамасына таяу орналасқан. Олар сатушыларды алдарқатып, дүкендегі қымбат балық өнімдерін ұрлап кеткен. Бірі-сатушымен сөйлесіп, екіншісі қораптағы өнімді түгелімен алып дүкеннен қарасын батырған. Келтірілген шығын 30 мың теңгені құрайды.

26-наурыз күні Достық даңғылында орналасқан "Проспект" дүкенінен 1989-жылғы азамат ақсерке мен құныс балығын ұрлаған. Ол осыдан соң Құрманғазы көшесі бойындағы "Лидер" дүкеніне кіріп, сөредегі азық-түлікті алып кетіпті. Жоғалған өнімді байқаған сатушылар полицияға хабар берді. Қылмыстың ізі суымай жатып, күдікті Абай полиция бөлімі қызметкерлірмен қолға түсті. Тергеу жүріп жатыр",-дейді БҚО ІІД баспасөз қызметінің бастығы Ибрагим Жүсіпқалиев.

Ішкі істер органына бұл ұрылардан зардап шеккен екі дүкен арыз түсіріпті. Абырой болғанда бейне бақылау жазбасындағы деректің арқасында күдіктілер тез арада құрықталып отыр. Бүгінде заманауи құралдар тәртіп сақшыларының іздестіру-тергеу жұмыстарын жеңілдетуге үлкен көмегін тигізіп отыр. Сол себепті бейне бақылау құралдарымен қоғамдық орнындарды жабдықтаудың қажеттілігі артуда.