Орал қаласында "Мен қазақпын" деп жырлаған, ақын Жұбан Молдағалиевке ескерткіш орнатылуы мүмкін. Бұл туралы мәдениет басқармасының мамандары хабарлап отыр. Өткен жылы қазақ әдебиетінде қолтаңбасын қалдырған Жұбан ақынға ескерткіш орнату туралы ұсынысты зиялы қауым өкілдері айтқан еді. Сондай-ақ, биыл қазақтың бас ақыны Абай Құнанбайұлының туғанына 175 жыл толуына орай облыс көлемінде 800-ге жуық іс-шара өтпек. Бұдан өзге, облыс орталығындағы "Жеңіс" алаңы күрделі жөндеуден өтіп, бірнеше ауданда мемориалды кешен ашылып, батырларға бюст орнатылады деп жоспарланып отыр.

2020-шы Қазақстанда тойланатын айшықты даталар көп. Солардың бірі Абай Құнанбайұлының туғанына 175 жылдық мерей тойды қазақстандықтар кеңінен атап өтпек. Облыс көлемінде хакім Абайды өскелен ұрпаққа насихаттайтын шаралар ақпанның 18-нде Хадиша Бөкеева атындағы қазақ драма театрында ашылмақ. Жалпы биыл облыс аумағында қазақтың бас ақынына арналған 800 -ге жуық шара ұйымдастырыла деп жоспарланып отыр.

Биыл ҰОС жеңіспен аяқталғанына 75 жыл мерей тойын тойлайды. Облыс көлемінде айтулы датаға орай Орал қаласындағы "Жеңіс" алаңы күрделі жөндеуден өтіп, аудандарда батырларға бюст қойып, мемориалды кешен ашылмақ. Сондай-ақ, ардагерлер бұқарамен кездесіп, ерлікті дәріптейтін түрлі форум, семинар, слеттер де өтеді деп жоспарланып отыр.

Сондай-ақ, биыл Ақжайық жұртшылығы Тайпақ өңірінде дүниеге келіп, әдебиетте айшықты қолтаңбасын қалдырған ақын Жұбан Молдағалиевтың туғанына 100 жылдығын тойлайды. Мереке орай зиялы қауым өкілдері ақынға облыс орталығынан ескерткіш қоюды ұсынған болатын.

Ақынның шығармашылығын таныту үшін өңірде екі күндік халықаралық конференция мен Жұбан оқулары өтпек.

Қазақстанның «Ақ жол» демократиялық партиясы БҚО филиалының қызметкерлері 9-мамыр Ұлы Жеңіс күні қарсаңында Орал қаласында тұратын Джамалетден Искаков секілді бірқатар ардагерлерді үйлеріне барып, Ұлы Жеңістің 74 жылдығына орай құттықтап, гүл шоқтарын және заттай сыйлықтар табыстады. Джамалетден арадегер Жәнібек ауданының тумасы. 1941 жылы ел іргесіне қауіп төнгенде соғыстың ең қауіпті тылдарының бірі - Сталинград түбіндегі майданға аттанады. Соғыстан аман-есен елге оралған жігіт ағасы саяси жұмыстарға белсене ат салысады. Өзіне құрмет көрсетіп арнайы құттықтай келген Ақжолдықтарға сондай-ақ, қалалық мәслихаттың депутаты Әлібек Әлімжанұлы бастаған топқа ардагер алғысын жаудырып жұмыстарына сәттілік тіледі. Ақжолдықтар бұл күні бірнеше ҰОС қатысушыларының табалдырығынан аттап, ардагерлердің ақ батасына кенелді.

Биыл Ұлы Жеңіске 74 жыл! Млндаған сарбаз Отанын жаудан қорғау үшін мыңмен алысты. Мыңдаған жауынгер әскери міндетіне адал болып, майдан шебінде жан тапсырды. Олардың ерлігі тарих парағында алтын әріппен жазылмақ. Келешек ұрпақтың бақыты үшін майданға аттанған жандардың ерлігі бүгінгі ұрпаққа үлгі. Мыңды жеңген батырлар соғыстан кейін де елдің игілігі үшін бел жазбай еңбектенген еді. Солардың бірі- Иван Болтанов.

Бұл- 93 жастағы Иван Болтанов. Ол- Ұлы Отан соғысына қатысқан ардагер. Ғасырға жуық өмір сүрген қарияға майданға 17-і жасында аттаған. Ол- Молдавияның тумасы. Иван Иванұлы Мәскеуден арнайы дайындықтан өткеннен кейін, жат жерде жаумен арпалысқан. Алғашында әуе күштерінде болып, кейін үлкен танктерді тізгіндепті. Ардагер 28 мәрте парашютпен секірдім,- дейді. Ол жеңісті Чехословакия түбінде 12 мамырда қарсы алған.

Кейіпкеріміз соғыстан кейін, отанына оралады. Алайда, ол араға уақыт салып, Мәскеуге қызметке тұрады. Кеңес Одағының астанасында Иван Иванұлы болашақ жарын кездестірген. Кейін, ол  Қазақстанға целина арқылы келіпті. Соғыс ардагері өмір бойы жүргізуші болып қызмет жасаған.

Түрлі шайқасты көзбен көріп, соғыстан кейін елдің дамуына ат салысқан Иван Иванұлы 7-ші мамырда 94 жасқа толмақ. Қан майданда көзсіз ерлікке барып, туған елі үшін аянбаған батыр өскелең ұрпаққа бейбіт күннің қадірін біліп, ең бастысы адам болу керектігін айтады.

Ешкім де, еш нәрсе де ұмытылмайды! Орал қаласында Ұлы Жеңіс мерекесі кең көлемде аталып өтті. Бұл күннің басты кейіпкерлері - қатары күн санап сирей бастаған ҰОС ардагерлеріне Жеңіс күнінде айрықша құрмет көрсетілді. Бір ғасырдан аса ғұмыр кешкен ардагер-жауынгер Семен Акимович Данилиннің үйіне әскери бөлім мен әкімдік қызметкерлері арнайы құттықтай барып, тосын сый жасады.

Әкімдік қызметкерлері мен Ұлттық гвардия өкілдері қарт жауынгерді Ұлы Жеңіс күнімен құттықтау үшін арнайы келді. Қонақтарды қарсы алуға аулаға шыққан ардагер тосын сыйға бөленді. Көп қабатты тұрғын үй ауласында ойнаған оркестр ҰОС соғысы жылдарындағы әндерді шырқады. БҚО әкімі мен ҚР Ұлттық гвардия қолбасшылығы атынан ардагерге мерекелік сый-сыяпат тарту етті.

Отты жылдардың куәгері болған ақсақал Жеңіске жетуде сарбаздардың бойындағы батылдық пен Отансүйгіштіктің өлшеусіз күш болғанын айтады. Ардагер жастарды партиот болуға шақырады.