ұлттық валюта – TDK-42

Ұлттық валюта -тәуелсіздік символы

Ажар Хамитова — Thu, 15 Nov 2018 08:34:05 +0000

0:00 / 0:00

Тәуелсіздіктің төл символы саналатын ұлттық валютамыз теңгенің айналымға енгеніне 25 жыл толды. Елбасы 1993 жылдың он екіншісі қарашасында тиісті жарлыққа қол қойды. 25 жылдың ішінде теңге түрлі кезеңді бастан кешіп, дизайны бірнеше мәрте өзгеріске ұшырады.

Ия, тәуелсіздігін жаңа жариялаған Қазақстан рубльден бас тартқан ең соңғы ел болды. 1992 жылы Елбасының құпия бұйрығымен төл теңгеміздің дизайыны бекітілді. Сол жылы теңгенің авторлары Англияға ұшып, валютаны бастыртып шығарған еді. Елбасының 1993 жылы 12-ші қарашада тиісті жарлыққа қол қойғаннан соң, 15- қарашадан бастап, төл теңгеміз айналымға енді. Еліміздің аумағында банкнот шығатын фабрика мен монета сарайы болмады. Төл теңгенің тарихын танып білу, оны өскелең ұрпаққа түсіндіру бүгінгі күннің басты парызы. Облыс орталығында орын тепкен ұлттық банктың жанынан ашылған мұражай 1998 жылы өз жұмысын бастады. Музейде теңгенің тарихы баяндалған.

Мұражайдың ішінде тәуелсіздік жылдары түрлі кезеңді бастан кешкен түрлі жылдары жарық көрген монеталарды тамашалауға болады.

Қаржыгерлер марапатталды

Ажар Хамитова — Wed, 14 Nov 2018 06:25:41 +0000

0:00 / 0:00

Еліміздің барлық қаржыгерлері 15-ші қарашада төл мерекесін атап өтеді. Биылғы жылы қаржы саласында қызмет етіп жатқан жандар 25 жылдық мерей тойын атап өтеді.

Жиынға келген қаржы саласының ардагерлері қиын кезеңді бастан кешкендіктерін атап өтті. 1993 жылы теңге айналымға енген үш күннің ішінде еліміздің барлық қаржыгерлері 957 млрд рубльдей ақшаны теңгеге ауыстырып, бүгінгі күні ұлттық валютамыз бен экономикамыздың дамуы үшін жұмыстанып жатыр.

Шара барысында үздік деп танылған қаржыгерлер облыс әкімінің алғыс хатымен марапатталды.

Жаңа номиналды монеталар айналымға шықты

Ажар Хамитова — Wed, 07 Nov 2018 12:31:15 +0000

Еліміздің ұлттық валютасы төл теңгеміздің 25 жылдық мерей тойына орай коллекциялық монеталар айналымға шықты. Аталмыш монеталар 5000, 500 және 100 теңгелік номиналға ие. 5000 және 500 теңгелік ақша күмістен жасалған. Монеталардың аверсінде яғни, жылтыр бетінде 1997 жылғы үлгідегі 1 теңгелік монетаның алтындатылған бейнесі орналасқан. Ал, монеталардың реверсінде 1993 жылғы жарық көрген 1 теңгенің бейнесі бейнеленген. Күмістен жасалған монетаның салмағы 1келіні құрайды. Оның таралымы 200 дана.
Сондай-ақ, "Теңгеге 25" коллекциялық монеталарында номиналы 100 теңге болатын монета жарық көрді. Ол мельхиор қоспасынан жасалған. Оның салмағы 11 грамды құрайды. 100 теңгелік монета 30 мың данамен жарық көрген.