Сурет https://7kun.kz/77527-2/ сайтынан жүктелді

Келер жылы Қазақстанда 200 теңгелік монета айналымға шығады. Бұл туралы Ұлттық банкінің БҚО Филиалының баспасөз қызметі хабарлайды. Сала мамандары төмен номиналдағы банкноттар 1-1,5 жыл ішінде тозады. Салыстыру үшін, жоғары номиналдағы банкноттар және монеталардың қолданылу мерзімі көбірек. Монеталардың қолданылу мерзімі - 10-15 жыл», - деп атап өтті. Номиналы 200 теңгелік банкноттар заңды төлем құралы болып қалады және төлемдердің барлық түрлері бойынша қабылдануға міндетті. Олар табиғи тозуына қарай айналымнан алынатын болады. Жаңашылдық қолма-қол айналымда жүрген ақшаның сапасын қамтамасыз ету мақсатын көздемек.

Ұлттық банктың өңірлік филиалы қолданыстағы монеталарды қабылдайды. Яғни, банк өкілдері тамыздың он екісінен бастап, қыркүйектің аяғына дейін жиналған тиындарды қабылдап, тапсырылған сомманың мөлшеріне байланысты бағалы сыйлықтарды табыс етпек. Биылдыққа аталмыш шара екінші рет ұйымдастырылып отыр.

Тамыздың ортасынан бастап "Ұлттық банк" бұқара халықтың жинап жүрген монеталарын қабылдауды бастады. Акция биылдыққа екінші мәрте ұйымдастырылып отыр. Жиналған тиындарды банкке тапсырған жандарға бағалы сыйлықтар табыс етілмек. Банк қызметкерлері акцияның мақсатын былайша түсіндіреді.

Алғашқы акция сәуір мен мамыр айында болған. Оның қорытындысы бойынша 10 млн теңгедей қаражат жиналған. Бұл республика бойынша екінші көрсеткіш. Бірінші акцияға 68 азамат қатысыпты. Банкке тапсырылған ең көп сомма бір жарым млн теңгені құраған. Тамыздағы акция аясында жиналған қаражатты белсенді әрі көп тапсырылған батысқазақстандықтар бағалы сыйлық ие болмақ.

Президенттің тапсырмасына сәйкес, Ұлттық Банк, Мемлекеттік Несие бюросы, Проблемалық несиелер қоры және екінші деңгейлі банктер тығыз ынтымақтастықта жұмыс жасауды бастап кетті. Енді, 20 тамызға дейін, Қор банктері мен микроқаржы ұйымдары есептен шығарылған соманың 30% -ын өтейді. Мұндай көмек көп балалы және толық емес отбасылар, асыраушысынан айрылғандығы жөнінде жәрдемақы алатындар және мүгедек балалары бар отбасыларға көрсетілмек. Бұдан бөлек, сол санаттағы отбасылар жалпы құны - 100 млрд. теңге болатын қаражаттан 500 мың теңге көмек алмақ. Айтулы әлеуметтік көмектен соң, көмек алған адамдардың орташа қарыздық мөлшері 40% -ға төмендейді деп күтіледі. Сонымен қоса, 260 мыңнан астам азаматтың қарызы толықтай өтеледі. Десе де, алаңдайтын мәселер де жоқ емес. Ұлттық Банк шілдеде базалық мөлшерлемені өзгеріссіз қалдырғанмен, ақша-кредит саясатында өзгерістер болуы мүмкін. Қандай өзгеріс екенін елдің бас банкирі былайша жеткізді.

Соңғы күндері елдегі теңгенің әлсіреуі мен алтын-валюта резервтерінің төмендеуі мемлекет экономикасына теріс әсерін тигізуде.

Биылғы жылдың алты айында Ұлттық банктың өңірдегі филиалына бұқара халықтан 80-нен астам арыз- шағым келіп түскен. Азаматтар түрлі қаржы саласындағы сауалдарын жолдапты. Сала мамандарының сөзіне сенсек, шағымдардың 90 пайыздайы екінші деңгейлі банктерге байланысты болыпты.

Осыдан бес жыл бұрын Ұлттық банктың әрбір филиалында азаматтарды қабылдау жобасы іске қосылды. Аталмыш жаңашылдық банк заңнамасына сәйкес бұқара халықтың қаржы саласындағы құқығын қорғап, азаматтарды толғандырған сауалдарына жауап беруді көздейді. 2019 жылдың 1-ші жарты жылдығында өңірдегі Ұлттық банкке 80-нен астам батысқазақстандық түрлі арыз-шағымымен келіп, мамандармен кеңесіпті.

Арыз-шағымдардың басым көпшілігі екінші деңгейлі банктердің жұмысына қатысты екен. Азаматтар банктен несие алып, оны тағдырдың түрлі соқпағына байланысты уақытылы төлей алмай, тығырақтан шығудың жолын іздеп, Ұлттық банктен кеңес алатын жандардың қарасы көбейді,- дейді мамандар.

Сондай-ақ, азаматтар жаңадан қолданысқа енген коллекторлық компаниялардың жұмысына байланысты көптеп кеңес алады. Жаңа заңнамаға сәйкес, аталмыш компаниялар азаматтарға тәулігіне бір рет ғана хабарласулары керек. Ал, қарызды өндіретін қызметкерлер борышкерлерге дүйсенбі мен жұма аралығында кешкі сағат алтыдан кейін және демалыс күндері мазалауына болмайды. Егер коллекторлық компанияның мамандары сіздің ар-ожданына тисе, құқығыңызды сотта қорғауыңызға болады.

Ұлттық банкке арыз шағымдарын жолдаған жандар арасында сақтандыру компаниялардың жұмысын сынаған азаматтар да болыпты. Барша кәмелет жасына толған, қаржы саласында түрлі сауал толғандырған жандар ұлттық банктың азаматтарды қабылдауынан тегін кеңес ала алады. Сала мамандары дүйсенбіден жұмаға дейін таңғы 8-ден кешкі 17-30дейін қызмет жасайды.

Биылғы жылдың төрт айында БҚО - да адамдар банктен 91,3 млрд теңге көлемінде несие алған. Бұл өткен жылғы көрсеткіштермен салыстырғанда 21,5 пайызға көп. Бүгінгі таңда несие бойынша берешектің көлемі 262,1 млрд теңгені құрап отыр.

Бірінші жартыжылдықты қорытындылаған ұлттық банктың өңірдегі өкілдері биылғы жылдың бес айында 91,3 млрд теңге көлемінде несие берілгендігін айтады. Олардың 159,9 млрд теңгесі жеке тұлғаларға тиесілі. Берешектің соммасы 262,1 млрд теңгедей қаражатты құрапты. Сондай-ақ, банк қызметкерлері азаматтардың депозиттеріндегі көрсеткіштің де артқандығын тілге тиек етті.

"Ұлттық банк" қазақстандықтардың баспаналы болуы үшін "7-20-25" бағдарламасын "Баспана" ипотекалық ұйымымен жасақтағаны баршаға мәлім. Қазіргі таңда облыс көлемінде осы бағдарламамен 6 банктың филиалдары белсенді жұмыс жасап жатыр. Азаматтардан бағдарламаға қатысу үшін 372 өтініш келіп түскен.

Сондай-ақ, Ұлттық банктың өкілдері бес айдың көлемінде 97 арыздың келіп түскендігін хабарлады. Шағымдардың дені жеке тұлғалардан. Азаматтар көбіне, банктердің пайыздық мөлшерлемені дұрыс есептемей деген арыздарымен шағымданатын көрінеді.

БҚО-да жалпы сомасы 2 млрд. теңгеге 483 өтінім бойынша зайымдар қайта қаржыландырылыпты. Бұл жөнінде өңірлік коммуникациялар қызметінде өткен брифингте Ұлттық банк филиалының төрағасы мәлімдеді. Банктер қайта қаржыландыруды 2018-жылдың 30-желтоқсанына дейін жүзеге асырады. Осы және "7-20-25" бағдарламасына қатысты өзге де ақпараттарды Қозыбақ Құлбарақов айтып берді.

Қайта қаржыландыру бағдарламасы ипотекалық тұрғын үй қарыздарына арналып отыр. Биыл 27 наурызда қайта қаржыландыру бағдарламасы жаңа редакцияда бекітілді. Жаңартылған баағдарламада жеке тұлғалардың 2016-жылғы 1-қаңтарға дейін алынған валюталық ипотекалық қарыздары 2015 жылдың 18-тамызындағы валюта бағамымен теңгемен қайта қаржыландырылатын болады. Ол кезде доллардың курсы 188 теңгені құраған еді. Енгізілген толықтырулар 21 мыңнан аса қарыз алушының борышын өтеуде оңтайлы жағдай жасайды.

Брифингте "7-20-25" бағдарламасына қатысты да мәлімет берілді. Мемлекет басшысы айқындаған талаптармен жылдық 7 пайызбен 25 жылға, 20 пайыздық бастапқы жарнамен қарастырылған.

Жаңа бағдарлама бойынша әрбір отбасыға баспана алудың жаңа мүмкіндіктері төрт кезең бойынша осы жылдың тамыз айынан бастап іске асырылмақ.

Аймақта 2018 жылдың 1-наурызындағы есеп бойынша екінші деңгейлі банктердің 14 филиалы, банк филиалдарының 68 бөлек үй-жайлары және 68 айырбастау пунктері жұмыс жасайды. Облыстағы депозиттердің жалпы сомасында жеке тұлғалардың үлесі 88,8 пайызды , ал заңды тұлғалардың үлесі 11,6 пайызды құрап, 210,2 млрд теңгеге жетіп отыр.

Ұлттық банк өңірлік коммуникациялар қызметінде өткен брифингте экономиканың нақты секторларына мониторинг жасап, қалада жалған ақша шығару фактісіне қатысты зерттеу жүріп жатқанын мәлімдеді. Естеріңізге сала кетейік, ақпан айында 20 мыңдық банкноталарды шығарып, түрлі тауар сатып алу үшін сауда айналымына енгізген топ құрықталған болатын .

Тексеріс барысчында 6 млн теңге жалған ақша айналымнан шығарылған. Тәртіп сақшылары осындай 14 эпизодты анықтапты. Валюта заңнамасын сақтау бойынша 2 уәкілетті ұйым қызметіне тексеріс басталыпты.