Орал қаласында мектептегі жаппай улануға оқушылардың бірі кінәлі екені анықталды. Осыған дейін №40 жалпы орта білім беретін мектептегі оқушылардың жаппай улану оқиғасы бойынша тексеріс жүргізілген болатын. Нəтижесінде бұзақылыққа барған осы мектепте оқитын оқушы қыз бала екені анықталып отыр. Ол мектеп ғимаратының ішіне газды баллонды шашқан болып шықты. Аталмыш факті бойынша қылмыстық іс қозғалып, сотқа дейінгі тергеу жүргізілуде.

Естеріңізге саламыз, 4-қазан күні №40-шы жалпы білім беретін мектепте 15 оқушы мен 27 жасар 1 мұғалімнің денсаулығы күрт нашарлады. Барлығы да бастары айналып, өткір иістен жүрек айну белгілерімен жедел жəрдем көмегіне жүгініп, ауруханаға түскен болатын. Қатты шошынып қалған мұғалімді ауруханаға жатқызылды. Оларға белгісіз химиялық заттан улану диагнозы қойылды.

Осы оқиғадан соң мектептерде қауіпсіздік күшейтілді. Бұл орайда бала тәрбиесімен ата-аналар мен ұстаздардың бірлесе айналысуына көңіл бөлінуде. Сондай-ақ бейне бақылау күшейтілуде.

Білім беру мекемелеріндегі қауіпсіздікті күшейту мақсатында енді бейне бақылау қондырғыларымен мектеп ғимараттарының барлық бөліктерін қамту көзделуде.

Орал қаласының №40 мектебінде газдан уланып, жедел жәрдеммен 15 оқушы ауруханаға жеткізілген болатын. Олардың барлығына белгісіз химиялық заттан улану деген диагноз қойылып отыр. Дәрігерлер балалардың өміріне төнер қауіп жоғын айтып, үйлеріне қайтуға рұқсат еткендерін мәлімдеді. Бүгінгі күні аталмыш мектепте қалыпты режимде сабақтар жалғасып жатыр. Сондай-ақ білім ордасының бір мұғалімінің де жағдайы күрт нашарлап, медициналық көмекке жүгінген.

Жедел жәрдем қызметіне №40 мектепте оқушылардың денсаулығы нашарлап, улану белгісі байқалғаны жөніндегі хабар 4-қазан күні сағат 11:24 келіп түскен. Оқиға орнында 5 бригада жұмыс жасайды. Алғашқыда 3 оқушы өздерін жайсыз сезінген. Артынан тағы 12 оқушы балалар ауруханасына жеткізіледі. Кейін 27 жастағы мұғалімнің жағдайы нашарлаған. Мектеп ғимаратынан 300-ден астам бала эвакуацияланған.

Жүргізілген тексерістерден соң мектеп ғимараты қауіпсіз деп танылып, сабақтар жалғасып жатыр. Оқушылар сабаққа түгел қатысуда. Ауруханадағы балалар үйге шығарылған. Қазіргі кезде оқиғаның себебі мен кінәлі тұлғалар анықталуда. Алдын ала болжам бойынша бұл жоғары сынып оқушыларының жасаған бұзақылы болуы мүмкін. Тиісті органдар осы бағытта тергеу жұмыстарын атқарып жатыр.