Ұжымдық қауіпсіздік туралы шарт ұйымы аясында Қазақстанның бітімгершілерін Украина мен Ресей шекарасына жіберу мүмкін бе деген сұрақ туындады. Мәжіліс депутаттары Қазақсатн әскерін соғыс аймағына жіберу қарастырылған ба деген сұрақ мазалды. Қорғаныс министрінің орынбасары Сұлтан Қамалетдинов мұндай тәуекелдер жоқ. Бұл тұрғыда мемлекеттің ерікті негізде қатысуы ескерілген. Екіншіден, әскери контингентті мемлекеттен тыс жерге бағыттаған кезде, бұл шешімді алдымен Парламент мақұлдауы тиіс-деді. Бүгін Парламент Мәжілісінде Ұжымдық қауіпсіздік шарт ұйымының күштеріне қатысты келісімді ратификациялау туралы заң жобасын қабылданған еді. Құжата сәйкес, әрбір мүше мемлекет өзінің қатысуы туралы Ұжымдық қауіпсіздік шарт ұйымының Ұжымдық Қауіпсіздік Кеңесін хабардар ете отырып, Біріккен ұлттар ұйымының мандаты бойынша бітімгершілік операцияларға қатысу үшін БҰҰ бітімгершілік әлеуетінің әзірлігін қамтамасыз ету жүйесінде тіркелген өзінің бітімгершілік контингенттерін жіберуге құқылы.

Мәжілістің қарауына Ұжымдық қауіпсіздік шарт ұйымының күштеріне қатысты келісімді ратификациялау туралы тиісті үш заң жобасы келіп түскен еді. Депутаттар әр құжатты жеке –жеке талқылап, ратификацияны қабылдады. Дегенмен, мәжілісмен Еркін Әбілді әлемде геосаяси ахуал күшейген сәтте, көршілес елдердегі жағдай ушығып тұрғанда Қазақстанның бітімгершілік күштері айтулы ұйымға мүше ретінде қақтығыс аймақтарына жіберілуі мүмкін бе деген сұрақ мазалады. Қорғаныс министрінің орынбасары Сұлтан Қамалетдиновтің жауабынан түсінгеніміз, қажеттлілік туындап жатса, бұл шешімді Парламент қабылдайды екен. Сұрақты нақтылаған тілшілер Қамалетдинов мырзадан Қазақстанның бітімгершілерін Украина мен Ресей шекарасына жіберу мүмкін бе деген сұраған еді.

Ал егер Парламенттің алдына Ұжымдық Қауіпсіздік кеңесінен осындай ұсыныс түсіп жатқан жағдайда мәжіліс депутаттары қолдау көрсете ме? Халыққалаулыларының пікірі әрқилы.

Ал депутат Ермұрат Бәпидің пікірінше, Қазақстан Ұжымдық қауіпсіздік туралы шарт ұйымнан шығып кетуі керек.

Бұған дейін хабарланғандай, өткен жылы еліміздің Сыртқы істер министрлігі Ресей-Украина қақтығысы аймағына Ұжымдық қауіпсіздік туралы шарт ұйымының (ҰҚШҰ) қатысуы күн тәртібінде тұрмағанын мәлімдегенді.