Үкімет басшысы табан тіреген тағы бір нысан - «Аквамәдениеттерді тәжірибелік-өнеркәсіптік өндірісі оқу-ғылыми кешені". Аталмыш кешен өз жұмысын 3 жыл көлемінде жемісті жүргізіп келеді. Кәсіпорынның жалпы көлмемі - 17 мыңға жуық. Шоқыр, сібір және орыс бекіресімен қатар, будандастырылған балық түрін өсіретін 42 бассейн бар. Кәсіпорындағы шабақтардың тез өсіп, мол өнім беруі үшін іске жауаптылар қолайлы су температурасы мен күнделікті жеммен жағдай жасап келеді.

Бүгін премьер-министр Асқар Мамин Оралға келді. Үкімет басшысы облыс орталығында орналасқан өндіріс ошақтарын аралап, олардың жұмыстарымен танысқан еді.

Ақ жайық өлкесіне келген үкімет басшысы сапарын транспорттық-логистикалық орталықтан бастады. Аталмыш орталық бірнеше жылдан бері жүк көліктерін жөндеумен, дөңгелек шығарумен, тозығы жеткен дөңгелектерден өзге бұйымдар жасаумен айналысып келеді. Бүгінде орталықтың Оралдан өзге Алматы мен Нұр-сұлтан қаласында филиалдары бар. Логистикалық жұмысты қолға алған компания өкілдері премьер-министрмен жүздескенде орталықтың жетістіктерін жіпке тізіп, атқарған жұмыстарымен бөлісті.

Транспорттық-логистикалық орталықтың иесі бизнес өкілдерін толғандырғын мәселелерді де жасырып қалмай, алда пиролиз зауытын ашуды армандайтынын да айтып өтті. Бұл сұйықтық отын тектес сұйықтықтан жақсы, бірақ, дизнельді отынға жетпейтін көрінеді. Аталмыш сұйықтық елімізде сертификацияланбағын айтып, зауыт ашқан күнде де оны саудалай алмайтынын жеткізді.
Сондай-ақ, премьер- министр облыс орталығындағы құрылыс комбинатының жұмысымен де танысты. Аталмыш комбинат 2014 жылы іске қосылды. Күні бүгінге дейін құрылыс компаниясы 20-ның үстінде үй тұрғызып, тұрғындарға табыстаған. Компания басшысы жаңа технологиялар арқылы салынатын үйлер жылдам салынып, сапасы да жақсарғандығын атап өтті.

Оралға жұмыс сапарымен келген үкімет басшысы сонымен қоса ұн өнімдерін дайындаушы комбинат, жиһаз жасайтын компаниясы жұмыстарымен танысып, жаңадан бой көтеретін "Ақжайық" ықшам ауданының құрылысына қанықты.