#ТЖД – TDK-42

Балықшылардың суға кетуі жиіледі

Evgeni St — Tue, 10 Nov 2020 13:03:31 +0000

Балықшылардың суға кетуі жиіледі. Тағы да бір балықшы Алғабас ауылында құтқарылды. Қармақ салуға құмартқан азамат дауылды ауа райында жүзу құралдарымен балық аулауға барған. Тексерілмеген, ақаулы қайықты қолданудың арты көлдің қақ ортасында қалып қоюға себепші болыпты. Келеңсіз жағдай Алғабас ауылынан 30 шақырымда орналасқан Кировское су қоймасында орын алған. 9 қараша күні таңғы сағат 7-ер шамасында БҚО-ның ТЖД-не түнде қайықпен шығып оралмаған балықшы туралы ақпарат келіп түскен. Құтқарушылардың күшімен сағат 13:05-те қамыстардың арасынан балықшы құтқарылып, көмек көрсетілді.
БҚО ТЖД баспасөз қызметінің мәлеметі бойынша 2020 жылы Батыс Қазақстан облысының аумағында 3 балықшы суға батып, 6 адам құтқарылған. Дәл осындай жағдай 7 қараша күні Теректі ауданында орын алды. Ол кезде төтеншеліктер 2 балықшының өмірін сақтап қалған болатын

Құтқарушылар 2 балықшыны құтқарды

Evgeni St — Tue, 10 Nov 2020 05:20:42 +0000

Батыс Қазақстан облысында 7 қарашада балықшылар синоптиктердің болжамдарын ескермей, көлге шығып кеткен. Дауылды ауа райында ақаулы жүзу құралдарын қолданып, салдарынан көлдің қақ ортасында қалып қойыпты. Осылайша, БҚО ТЖД құтқарушыларының күшімен 16 сағат 15 минутта Теректі ауданы Сарыөмір ауылындағы Шалқар көлінен балық аулауға шыққан екі азамат жағаға шығарылды. Олар қатты желдің әсерінен және қайық моторының сынып қалуынан көлдің ортасына дейін ұзап кеткен. Екі балықшы да зардап шекпеген, дін аман. Жалпы өңірде жыл басынан бері 3 балықшы суға батып, 5 адам құтқарылды.

Құтқарушы-донарлар қан тапсырды

Evgeni St — Mon, 12 Oct 2020 14:33:27 +0000

0:00 / 0:00

25 мың құтқарылған өмір! Осындай атаумен өткен донорлық акция барысында БҚО-ның құтқарушылары қан тапсырды. Төтенше жағдай қызметінің 25 жылдығына орай 50-ден аса төтеншелік адам өмірін құтқарып қалуға өз үлесін қосты.

Түрлі апаттар мен суға кету, қиын жағдайға тап болған адамдарды құтқаруда жанкешті ерлік көрсетіп жүрген төтеншеліктер сын сағатта қанға мұқтаж жандардың өмірін сақтап қалуға өз үлестерін қосты. 19 қазанда Төтенше жағдай қызметінің құрылғанына ширек ғасыр толып, құтқарушылар күнін атап өткелі отырған мамандар адам өмірін құтқару үшін қолдан келген көмектерін аямайтындарын жеткізді.

"25 мың құтқарылған өмір" деп аталатын бұл донарлық акция кезінде 50 ден астам төтеншелік қан тапсырды. Араларында ең көп қан тапсырған қызметкер Иван Вукуленко әрбір процедурадан соң өзін жақсы сезінетінін, денсаулығына мұның пайдасын айтып өтті. Ол осымен 15 ші донар болып отыр екен. Жалпы қоблыста қан қоры жеткілікті. Дегенмен сұранысқа ие қан топтары бойынша донарлар үнемі шақырылып отырады. Олардың көмегі елдегі қиын кезеңде де зор болды дейді ақ халаттылар.

Құтқарушылар жол апаттары мен төтенше жағдайлар кезінде талай жанның ауыр халіне куәгер болады. Оларды зардап шегушілерді жедел жәрдемге табыстап қана қойсмай, аман қалуларын тілеп, тағдырларына алаңдаушылық танытады. Осындай кезде төтеншеліктер қанға мұқтаж біраз жанның ажалына араша түсуге ниетті.

Шілдеде 10 адам суға кеткен

Evgeni St — Fri, 10 Jul 2020 10:58:21 +0000

0:00 / 0:00

Жағажайда демалушыларға ескертулер жиі жасалғанымен әлі де болса қауіпсіздік шараларына бейғамдық байқалады. Әсіресе, бүлдіршіндерді қараусыз қалдырудың арты қайғылы оқиғаларға әкеп соғуда. Мәселен, биыл облыс бойынша 10 адам тілсіз жаудың тұзағына ілінген.
Жаздың келуімен бос уақытты өзен, көл жағасында өткізетін халықтың қарасы да көбейе бастайтыны бәрімізге де белгілі. Жаз айларының шіліңгір ыстығында бірі отбасымен, енді бірі достарымен, балалар ата-аналарының қарауынсыз болса да суға шомылуға асығады. Осындай демалыстың соңы кей кездері қайғылы оқиғаға ұласып жататындығы өкінішті. Еліміз бойынша шомылуға арналған қалалық және жекеменшік жағажайлар жабылды. Карантиндік режим қабылданып жатқандығына қарамастан, шомылуға арналмаған су айдындарында адамдардың қарасы қалың. Оған басты себеп күннің ыстығы және өңірде орын алып жатырған ауыз су тапшылығы мәселесі.
Бүгінгі рейд барысында төтеншеліктер мен жергілікті полиция қызметі бірлесе отырып облыстағы барлық су айдындарында судағы қауіпсіздік шаралары туралы парақшалар мен буклеттер таратты. Сонымен қатар, су айдындарындағы оқыс оқиғаның санын азайту мақсатында құтқарушылар алдын алу жұмыстары жалғасатындығын жеткізді.

Шатыр ұшты

Айнур Құрмашева — Tue, 30 Jun 2020 11:43:41 +0000

Батыс Қазақстан облысында дауыл мектептер мен тұрғын үйлердің шатырын ұшырып, электр бағандарын құлатты. 28 маусым күні сағат 17.15-те Шыңғырлау ауданы Ақбұлақ ауылдық округі Тасмола ауылында желдің екпіні секундына 16 метрге дейін жетіп, орта мектептің 40 шаршы метр шатырын жұлып әкеткен. Екі қабатты ғимараттың жалпы ауданы - 500 шаршы метр. Сонымен қатар 9 жеке үйдің шатырына ішінара зақым келді. Ал 29 маусым күні сағат 15.50-де Ақжайық ауданы Базартөбе ауылында орта мектептің 180 шаршы метр шатыры сыпырылып түсті. 1976 жылы салынған қос қабатты ғимараттың жалпы ауданы - 1100 шаршы метр. Сондай-ақ Базартөбе ауылдық округі әкімдігі ғимаратының (6 шаршы метр) және 12 жеке үйдің (30 шаршы метр) шатыры зақымдалды. 29 маусым күні сағат 17.12-де Сырым ауданында 16 электр бағаны құлап, соның салдарынан Қособа (126 абонент) мен Жырақұдық (108 абонент) ауылдары жарықсыз қалды. Қособада 5, Жырақұдықта 10 жеке үйдің төбелері бүлінді. Сағат 13.00-де Тасқала ауданы Оян ауылында орта мектептің 70 шаршы метр шатыры жұлынды. 1974 жылы салынған қос қабатты ғимараттың жалпы ауданы - 2195 шаршы метр. Қазіргі таңда келтірілген шығын анықталу үстінде. Еске сала кетейік, Батыс Қазақстанда ауа райына байланысты ескерту жарияланған болатын.

Деркөлдің жағдайы

Ажар Хамитова — Fri, 05 Apr 2019 12:29:01 +0000

Төтеншеліктер су тасқыны 2 аудан мен облыс орталығында болуы мүмкін деп хабарлайды. Яғни, Бәйтерек пен Тасқала аудандары суға кетуі мүмкін. Сала мамандарының келтірген дерегі бойынша, Бәйтерек ауданы Деркөл өзеніндегі судың биіктігі 270 саниметрді құрайды. Соңғы тәулікте су айданыны 49 см-ге көтерілген. Өзен 650 см болған кезде арнасынан шығып, ауыл-аймаққа зардап келтіретін көрінеді. Төтеншеліктер су тасқынын болдырмау үшін жедел-жасақ құрып, жұмыстанып жатырмыз,- дейді.

Улы заттар қауіпінен қорған

Айнур Құрмашева — Wed, 13 Feb 2019 11:25:06 +0000

0:00 / 0:00

Бүгін БҚО төтенше жағдайлар басқармасы мамандарының ұйымдастыруымен қауіпті улы биологияллық химялық заттардан қорғанудың түрлі тәсілдерін көрсеткен оқу жаттығу шарасы өтті. Оған ұлттық ұлан сарбаздары мен қоғамдық денсаулық сақтау басқармасының мамандары қатысты. Оқу жаттығу №1 мамандандырылған өрт сөндіру бөлімшесінің алаңында өтті. Алдымен сарбаздарға улы заттар туралы түсінік беріліп, олардан қорғанудың тәсілдері көрсетілді. Кейін арнайы ұйымдастырылған орында апатқа ұшыраған өте улы зат толтырылған көліктің қауіптілігін жою бағытында жұмыстар жүргізілді. Яғни сарбаздар оқу әдістемісінде көрсетілген қорғану тәсілдерін практикалық бөлімде қолданып қорғану шараларын атқарды. Жалпы облыс бойынша улы химиялық заттар шығаратын 10 кәсіпорын бар. Ал аталған бағыттағы апатты жағдай осыдан 4 жыл бұрын орын алыпты. Улы заттардан қорғану шаралары алдағы уақытта өзге де мекемелерде ұйымдастырылатын болады, дейді төтеншеліктер.

Арнайы автокөлікке жол берейік

Wed, 10 Oct 2018 11:11:21 +0000

0:00 / 0:00

Тілсіз жау төтесінен келіп, оқыс оқиға орын алғанда әрбір сәт, секунд маңызды. Алайда төтенше жағдайға асыққан арнайы техникаларға жол бермейтін автокөлік жүргізушілері қаламызда жетіп артылады. Оны өзіміз де рейд барысында көрдік. Арнайы көліктің жолға шыққаны сол еді, ресейлік темір тұлпар мінген жүргізуші жол бермей, өрт сөндірушілердің алдынан кесіп өтті.
Бар жоғы 1 сағаттың ішінде жол полицейлері 3 көлік жүргізушісін тоқтатып үлгерді. Ереже бұзған көлік иелеріне хаттама толтырылып, айыппұл салынатын болады.
Өрт сөндіру қызметкерлері жүргізушілер сыпайылық танытып жол беретін болса қайғылы жағдайдың алдын алар ма едік деген үміттерін жеткізді.

Оралда өрт қауіпсіздігі сақталмаған сауда орындары уақытша жұмысын тоқтатты

Эльмира Рахмешева — Wed, 15 Aug 2018 12:12:30 +0000

Орал қаласында өрт қауіпсіздігі ережелерін бұзған 15 сауда нысанына сот шешімімен 2 млн. 800 мың көлемінде айыпппұл салынған болатын. Соның ішінде Строймаркет, Жадыра, Алтын алма, Квант, Форум сауда орындарының жұмыстары белгілі бір мерзімге тоқтатылып отыр. Бұл жөнінде БҚО ТЖД мамандары мәлімдеді. Естеріңізге саламыз, Ресейдің Кемерево қаласындағы қайғылы жағдайдан соң елде үкімет басшысы мен бас прокуратура барлық ойын-сауық орталықтарында тексеріс өткізуге тапсырма берген еді. Нәтижесінде анықталған құқықбұзушылықтар тез арада жойылып, жауапты тұлғалар айыппұлға тартылып отыр.

Оралда соңғы уақытта автокөліктердің қызыл жалынға орануы жиілеп отыр

Эльмира Рахмешева — Thu, 09 Aug 2018 12:52:27 +0000

Осы жыл басталғалы облыста 59 автокөлік өрті тіркеліпті. Оның 12-сі жүк көлігі, 43-і жеңіл көлік, 4-4еуі автобуста орын алған. Осындай төтенше жағдай қаламыздың Зашаған кентіндегі Мөңкеұлы 85/6 мекен-жайында тіркелді. Кенеттен жаңадан салынған тұрғын үй алдында тұрған темір тұлпарда от тұтанып, көзді ашып-жұмғанша түгі қалмай жанып кетті. Тал түсте болған оқиға осы маңдағы тұрғындардың зәре құтын қашырды. Абырой болғанда зардап шеккендер жоқ.

-"Оқиға 8-тамыз күні 14 сағат 57 минутта тіркелді. Ауди-80 маркілі автокөлік өртенді. Қазіргі кезде өрттің шығу себебі мен келтірілген шығын және кінәлі тұлғалар анықталуда. Өртті ауыздықтауға 2 бірлік техника мен жеке құрамнан 10 адам жұмылдырылды. 15:30да жалын толықтай өшірілді",-дейді БҚО ТЖД-нің бас маманы Мирас Әлекешев.