Түбі бір түркі елдерінің бейресми саммитінде геосасяи ахуалдан бастап, көлік, коммнуикация, климатты жақсарту, экономиканы дамыту, түркі тілдерінің мәртебесіне қатысты мәселер талқыланды. Өздеріңізге мәлім, Қазақстан Түркі мемлекеттері ұйымының қазіргі төрағасы. Осы жиында қазақ басшысы Қасым-Жомарт Тоқаев жаһандық қауіпсіздік пен тұрақтылықты қамтамасыз ету еліміздің сыртқы саясатындағы негізгі басымдықтың бірі екеніне тоқталып, түркі халықтарының әрдайым ынтымақта болуы керек екенін айтты. Осы орайда Тоқаев Әзербайжан мен Армения елдері арасында бейбіт келісім жүргізуге Қазақстан өз алаңын ұсынуға дайын деді.

Түркі мемлекеттерін Каспий және Арал теңізіндегі экологиялық мәселені бірлесіп шешуге шақырды. Сауда және тасымал көлемін арттыру мақсатында Транскаспий халықаралық көлік бағдарының әлеуетін толық пайдалануды ұсынды. Бүгінде бұл бағыт бойынша контейнерлік тасымалдау көлемі күрт артты. Әзербайжанмен тығыз жұмыс істеп жатырмыз. Былтыр орта дәлізбен жүк тасымалдау көлемі 65 пайызға көбейді, Яғни, 3 миллион тоннаға жуықтады. Ақтау портындағы хаб контейнерлік тасымалдау көлемін 300 мыңға ұлғайтуға мүмкіндік береді. Порт Каспий жағалауындағы елдерге және Орталық Азия мемлекеттеріне қызмет көрсетеді, – деді Тоқаев. Түркі едерінің экономикалық ынтымақтастықтығын дамыта отырып, қаржы саласындағы байланысты нығайту үшін Түркі орталық банктерінің кеңесін құру ұсынды.

Сондай-ақ, қазақ басшысы түркі елдерінің төл өркениеті мен ана тілін сақтау масқастында жасанды интеллектінің көмегімен «Үлкен тілдік түркі моделін» әзірлеу туралы ұсынысын алға тартты.

Сөз арасында Қасым-Жомарт Тоқаев бауырлас елдердің спортшыларын Астанада қыркүйек айына жоспарланып отырған 5-ші Дүниежүзілік көшпенділер ойынына қатысуға шақырды.
Әзербайжанда өткен Түркі мемлекеттері ұйымының бейресми саммитінде Қарабақ декларациясы қабылданды.