Бүгінгі таңда Орал қаласында 11 тұрғын үй салынуда. «Нұрлы жер» бағдарламасы бойынша бой көтеріп жатқан сегіз үй биылғы жылдың соңына дейін тапсырылса, қалған үш нысанның құрылыс жұмыстары келесі жылы жалғасады деп жоспарланып отыр. Жаңа үйлердің біразы қаланың солтүстік-шығыс бөлігінен орын тебуде. Бұл ауданды игеру 2016 жылы басталған болатын. Шағынауданның аумағы – 108,6 гектарды құрайды. Осы ауданда шамамамен 30 көпқабатты үй салу жоспарланған.
Қазіргі таңда үш нысанның да құрылысы қарқынды. «Болашақ-Т», «Отделстрой», «Альтим» құрылыс компаниялары ауа райына қарамастан жұмыстарын тоқтатпады. Бұдан бөлек тағы екі үйдің құрылысына қаржы бөлінген. Бұқаралық спорттың дамуына үлес қосуға ниет еткен оралдық кәсіпкер жеке қаражаты есебінен спорт кешенін салуда. Жаңа нысан тамыздың үшінші жексенбісіне сай келетін спортшылар күніне қарай қолданысқа беріледі. Кәсіпкер қаланың солтүстік-шығыс ауданынан жер алып, өткен жылдың жазында өзі ойлаған спорт кешенінің құрылысын бастап кеткен. Қазірдің өзінде оған жасанды көгал төселіп, жалпы құрылыс жұмыстарының 90 пайызы тәмамдалған. Негізінен спорттық залда грек-рим күресінен жаттығу өткізіледі. Сондай-ақ аумағы 35- 17 метр болатын футбол, волейбол, баскетбол ойындарына арналған зал бар.
Әрқайсысы 50 адамдық киім ауыстыру бөлмесі, арнайы жуынатын бөлмелер де қарастырылған. 950 шаршы метр аумақты алып жатқан спорт кешені құрылысына кәсіпкер өз қаражаты есебінен 90 млн. теңге жұмсаған.

Арнамызға келген әуесқой түсірілім бейнематериалынан алаудың лезде таралып жатқанын көруге болады. 8 март көшесіндегі номері 213 мекен-жайы бойынша орналасқан тұрғын үйде өрт түскі 3 шамасында шыққан.Бастапқыда тұрғындар өз күштерімен қызыл жалынды сөндіруге тырысқанымен, тілсіз жау бой бермей, лезде үйдің екі бөлмесі отқа ораныпты.
Тілсіз жау 35 шақырым метрге жайылып үлгеріпті.Өрт сөндірушілердің жедел әрекеті арқасында өрт күші ауыздықталып, жақын маңдағы тұрғындар қауіпсіз жерге шығарылған.Қазіргі уақытта оттың қайдан шыққаны және келтірілген материалдық шығын мөлшері анықталып жатыр.Бастапқы деректерге сенетін болсақ,өртке үйдегі тұрмыстық техника себепші болған.
Ағымдағы жылдың 9 айы бойынша облысымызда 527 өрт дерегі тіркелген,соның 350 жеке тұрғын үй секторында орын алған.Келтірілген шығын көлемі 5 млн теңгені құрап отыр.