Себебі 2-ші қабаттағы пәтерлердің бірі -жәндіктердің ордасына айналған. Көршілерімен араласпай, есігін тарс жауып отыратын жас азаматаша өз үйін қоқыс аймағына айналдырған және пәтеріне ешкімді кіргізбейтін көрінеді.

Бұл Жәңгір хан 55 мекен-жайындағы тарақандардан зардап шегіп отырған тұрғын үй. Күн жылынғалы тұрғындар көрші үйден тарап, пәтерлерінің қабырғаларында жорғалаған жәндіктерден үрейленіп болған. Ал тарақанды улап, көзін құрту мүмкін емес. Себебі бунақ денелілердің ошағы болып табылатын пәтерге ешкім кіре алмайды. Пәтер иелері кооперативі де, тіпті учаскелік полициясының да көмегіне жүгініп көрген. Бірақ еш көмек болмапты. Өйткені томаға тұйық үй иесі пәтеріне жан баласын жуытпай отырған көрінеді.

Тұрғындар дизенфекция қызметін шақырған. Одан еш нәтиже болмаған соң әкімдік пен прокуратураға да шағымданыпты. Пәтер иелері кооперативі шарасыздық танытып отыр. Бөгде біреудің пәтерінің есігін бұзу кіруге құқымыз жоқ дейді. Өз пәтерін тарақандардың ордасына айналдырып, көршілерін мезі қылған азаматшаға биліктен бір шара қолдануды сұраған тұрғындар тарақандардың түрлі жұқпалы ауруларды таратуынан үрейленеді.

Аманжолов 125 және Алмазов 58а мекенжайы бойынша орналасқан үйдің тұрғындары балалар алаңқайының жоқтығын айтып ашынады. Жұртшылық бұрынғы алаңқайдың орнына қазір дүкен салынып жатқанына қарсылық танытып отыр. Бұқара жанайқайын енді кім тыңдамақ? Тараптар тартысын кім шешпек?

Облыс орталығының шеткейіндегі қатты тұрмыстық қалдықтар полигонының бірнеше күн бойы өртенуі тұрғындардың наразылығын туғызып отыр. Әсіресе Зашаған кенті халқы көк түтінен көз ашпай қалды. Қазіргі таңда ТЖД қоқыс қалдықтары аймағындағы өртті сөндіру үшін шара қолданғандарын мәлімдеді.

Тұрмыстық қалдықтар полигоны Орал қаласынан 7 шақырым қашықтықта орналасқан. Қоқыстардың өртенуі жылда тіркелетін таңсық емес жағдай. Жалынның исі мен будақтаған түтін қаланың осы шеткейіндегі аудан тұрғындарының мазасын қашырды.

-"Осындай ыстық күнге енді түтін қосылды.Демалу мүмкін емес. Денсаулығымызға алаңдаймыз. Күнде түтін жұта берсек, ауру боламыз",-дейді Орал қаласының тұрғыны Николай Харчев.

-"Үйдің терезесін аша алмаймыз. Себебі түтін кіріп, сасып кетеді. Барлығымыз уланып жатырмыз. Сондықтан қалаға жақын полигонды жабуды талап етеміз",-дейді Орал қаласының тұрғыны Елена Сергеева.

Тұмыстық қалдықтар полигонына 5 млн. тоннадан аса қоқыс төгілген. 50 жылдан бері жұмыс жасап келе жатқан қоқыс аймағы қазір сенімгерлік басқару бағдарламасымен жеке қолға табысталып отыр. Тұрмыстық қалдықтарды сұрыптау жұмысының қолға алынуы-аталмыш жағдайды оңалтуға септігін тизігеді деп күтілуде. Қазір осы мақсаттағы жұмыстар жалғасуда.

5-ші шағын аудандағы 240 пәтерлік тұрғын үйдің айналасында соңғы кезде жиі дау көтеріліп келді. Пәтер иелері үстінен прокуратураға дейін арыз жазылды. Тұрғындардың 30 пайызы ғана үй иелері, қалғандары жалға алушылар. 2011-жылы қолданысқа берілген сәттен құрал-жабдығы ұрланған үйдегі жедел саты жұмыс жасамаған.

Тұрғындардың бірі- Надежда Солодовникова бұл үйдегі белсенді жан. Осы мәселені көтеріп бармаған жері жоқ. Соның арқасында ПИК төрағасын орнынан кетіріпті. Енді демеушілер тауып, үш подъездегі жеделсатыларды жөндеуге ақша тауып отыр. Қала әкімдігінде биыл шаһарда 10 жедел саты "Тұрғын үйді жаңғырту" бағдарламасы бойынша жөнделеді деп мәлімдеді.

Бұрынғы пәтер иелері кооперативінің басшысы орнынан кеткен соң үйді басқаруда, жөндеуде жағымды өзгерістер орын ала береді деп сенеді тұрғындар.

Абырой болғанда жан баласы зардап шеккен жоқ. Бірақ төбеден опырылып құлаған тас басына түсе жаздаған 78 жасар кейуана осы жайттан соң қатты шошынып қалған. Тұрғындар әзірге барар жерлері жоқ болғандықтан төбесі тесік үйде тұра беруге мәжбүр. Ал қала әкімдігі аталмыш үй апатты үйлер тізіміне енбейтінін мәлімдеп отыр. Бұл Еуразия даңғылы 244 мекен-жайында орналасқан 2 қабатты үй. 8 пәтерлік ғимарат осыдан 60 жыл бұрын салынған. Орал қаласында қазір 41 үй апатты деп танылған. Алайда олардың тізімінде аталмыш тұрғын үй жоқ болып шықты. 2017 жылдан бері мамандар тұрғындармен бұл мақсатта кездесулер өткізіп келеміз дейді.

Оралда пайдалануға берілгеніне небәрі 10 ай ғана болған тоғыз қабатты үйдің шатырынан су кетіп, лифттері істемей, ыстық су жүйесі істен шыққан. "Армандаған баспанамызға енді қолымыз жетті" деп отырған тұрғындар қуанышы үйге кірген бойда-ақ су сепкендей басылыпты. Бүгінде баспананың балконы сетінеп, жаңбыр жауса, жоғарғы қабаттағы пәтер шатынан су сорғалайтын көрінеді.