Облыстық мәслихат жанындағы тұрақты комиссияның отырысы өтті. Онда мәслихат депутаттарының назарына білім беру саласы мен әскери саладағы бірқатар өзекті мәселелер ұсынылып, тыңдалды.Батыс Қазақстан облыстық мәслихатының депутаты Бағдат Ізмағанбет тұрақты комиссия назарына бірнеше өзекті мәселені ұсынды. Олардың ішінде Орал шаһарында әлі күнге дейін өзектілігін жоймай келе жатырған қоғамдық көліктерінің жағдайы. "Ақ жол" ҚДП БҚОФ төрағасының орынбасары Бағдат Мәдиұлының айтуынша, адамдардың ертеңгілік және кешқұрым уақытта жұмысқа барып қайтар сәтінде автобустар интервалының ұзақтығы және санитарлық талаптардың сақталмау жәйі жылдап шешілмей келе жатырған жағдай. Оған қоса елдімекендерде интернет желілерінің дұрыс таратылмауы цифрландыру саласының ақсап тұрғанының дәлелі. Екі жылға жуық уақыт қашықтан оқу форматының жүзеге асырылғанына қарамастан әлі күнге дейін ұялы байланыс тартылмаған ауылдар бар.
Өздеріңізге аян қазіргі уақытта күзгі әскери науқан жүріп жатыр. Желтоқсан айына дейін өңірден 800-ден аса жас Отан алдындағы борышын өтеу үшін әскерге аттануы тиіс. Алайда әскери бөлімдерде әлі күнге дейін болашақ сарбаздардың денсаулығын тексеретін құрылғылар жоқ. Оған қоса медициналық мамандар тапшылығы да бар. Аталыш қозғалған мәселелер бір ауыздан қолдау тапты. Алдағы уақытта оның шешу жолдары облыстық мәслихат сессиясында қаралатын болады.