Елімізде азық-түлік бағасы ай емес, апта сайын көтеріліп жатыр. Ал жаңа жылдан бастап тағы да қымбатшылықтың болатыны туралы болжам бар. Оның ішінде жұмыртқаның бір данасы жетпіс теңге болуы мүмкін. Себебі 2022 жылы әр жұмыртқаға 3 теңгеден берілетін субсидия мүлде алынып тасталуы ықтимал. Ал әзірге облыста тұрақтандыру қоры есебінен "Ел ырысы" дүгіршектерінде еттің келісі 1470 теңгеден сатылуда.«Ақжайық» әлеуметтік кәсіпкерлік корпорациясының басқарма төрағасы орынбасарының міндетін атқарушы Мейірбек Нұркеннің айтуынша, биыл 208 тонна қарақұмық, 15 тонна макарон, 29 тонна күнбағыс майы, 400 тонна 1-сұрыпты ұн, 3 тоннаға жуық құс еті, 120 тоннадан астам күріш, 193 тонна қант, 5 тонна тұз тұрақтандыру қорына өткізілген. Бұл өнімдер кәсіпкерлік корпорациясы арқылы жұмысын бастаған 10 «Ел ырысы» дүңгіршегінде саудаға шығарылған. Бұдан бөлек сиырдың жауырын, төс еті де тұрақтандыру қоры арқылы тиімді бағаға тұрғындарға ұсынылуда.Қазір дүңгіршектер жұмыс істеп тұр. Ондағы бағалар бекітілген. Тұз - 42, қант - 276, құс еті - 630, «Белес» тазартылған күнбағыс майы - 682, макарон 194 теңгеден сатылуда. Бұл әлеуметтік азық-түлік түрлерін күнкөрісі төмен тұрғындар пайдаланады. Егер күнделікті тұтынатын өнім түрлерінің бағасы негізсіз өсетін болса, бұл жағдай халықтың жағдайына, көңіл-күйіне әсер етпей қоймайды. Сатушылар аталмыш жүйе халық үшін өте тиімді дейді. Әйтседе тамақ бағасы күн санап шарықтап барады. Негізінен бұл салада жұмыс жасайтын кәсіпкерлер тамақ құнының күрт өсуіне бірнеше себеп бар екенін айтады. Ең негізгісі- біз күнделікті тұтынатын өнімдердің дені және олардың құрамына енетін шикізаттар өз елімізде өндірілмейді. Яғни импортқа тәуелдіміз. Шет елден келітін шикізат бағасы доллармен есептеледі. Сәйкесінше АҚШ доллары аптасына бірнеше мәрте қымбаттайды. Оған қоса бірқатар ауылшаруашылығы өнімдерінің экспортқа шығуы жергілікті бизнесмендер жұмысына одан әрі кедергі келтіруде. Жанар- жағармайдың күрт көтерілуі, мемлекеттен бөлінетін субсидияның мардымсыздығы мен коммуналдық төлемдердің шарықтауы бағаның өсуінің негізгі себебі болып табылады.

"Орал» әлеуметтік-кәсіпкерлік корпорациясының» тұрақтандыру қорына азық түлік бағасының қымбатшылығының алдын алу мақсатында қазынадын 2016 жылы 350 млн теңге бөлінген. Бүгінде қорда 200 тонна астық, 30 тонна қарақұмық, 1000 тонна картоп, 100 тонна күнбағыс, 10 тонна сары май сақтаулы тұр. Сондай ақ биылғы жылдан бастап макарон өнімдері мен тауық еті де арзан бағамен алыныпты.

Сондай-ақ, бүгінде тұрақтандыру қорының өнімдерінің саудасына арналған арнайы павильондар бой көтеріп халық игілікті істің жемісін көруде. Естеріңізде болса тұрақтандыру қорының өнімдері бұған дейін түрлі сауда орындары арқылы сатылған еді.
Арнайы павильондардың жұмысының басталғанына санаулы күн болсада келушілер қатары аз емес.

Вера, кәсіпкер
Ашылғанымызға тек 2 күн болды. Халық жақсы келіп жатыр. Өйткені баға нарықтағы бағадан 10-15 пайызға арзан. Мәселен картоп пен пияз 75 теңгеден. Қосымша көкөністердің бағасы да қалтаға қонымды.

Мамандар жылдың соңына дейін аталмыш сауда павильондарының санын 10 ға жеткіземіз деп отыр.